ರಿಯಾಧ್‌: ಪಾಕಿಸ್ತಾನ ಆಕ್ರಮಿತ ಕಾಶ್ಮೀರ (ಪಿಒಕೆ) ಮತ್ತು ವಿವಾದಿತ ಗಿಲ್ಗಿಟ್‌ -ಬಾಲ್ಟಿಸ್ತಾನ್‌ ಪ್ರಾಂತ್ಯಗಳನ್ನು ಪಾಕ್‌ನ ನಕ್ಷೆಯಿಂದ ಕಿತ್ತು ಹಾಕಿದೆ. ಈ ಬಗ್ಗೆ ಟ್ವೀಟ್‌ ಮಾಡಿರುವ ಸಾಮಾಜಿಕ ಕಾರ್ಯಕರ್ತ ಅಮ್ಜದ್‌ ಆಯುಬ್‌ ಮಿರ್ಜಾ, '' ಪಿಒಕೆ ಹಾಗೂ ಗಿಲ್ಗಿಟ್‌ -ಬಾಲ್ಟಿಸ್ತಾನ್‌ ಪ್ರಾಂತ್ಯಗಳನ್ನು ಪಾಕ್‌ನ ನಕ್ಷೆಯಿಂದ ಸೌದಿ ಕಿತ್ತು ಹಾಕಿದೆ. ಸೌದಿಯ ಈ ನಡೆ ಭಾರತಕ್ಕೆ ನೀಡಲಾಗಿರುವ ದೀಪಾವಳಿಯ ಉಡುಗೊರೆ ಎಂದು ಹೇಳಿದ್ದಾರೆ. ಮ್ಯಾಪ್‌ನಿಂದ ಕಿತ್ತುಹಾಕಿದ ಸೌದಿ! ನವೆಂಬರ್‌ 21-22ರಂದು ನಡೆಯುವ ಜಿ-20 ಶೃಂಗ ಆಯೋಜನೆ ಸ್ಮರಣಾರ್ಥವಾಗಿ 20 ರಿಯಾಲ್‌ ಬ್ಯಾಂಕ್‌ ನೋಟ್‌ಗಳನ್ನು ಹೊಸದಾಗಿ ಸೌದಿ ಅರೇಬಿಯಾ ಬಿಡುಗಡೆ ಮಾಡಿದೆ. ಅದರಲ್ಲಿನ ಜಾಗತಿಕ ನಕ್ಷೆಯಲ್ಲಿ ಮಾರ್ಪಾಡು ಮಾಡಲಾಗಿದ್ದು ಪಿಒಕೆ, ಗಿಲ್ಗಿಟ್‌ ಎರಡೂ ಪಾಕಿಸ್ತಾನದ ಮ್ಯಾಪ್‌ನಲ್ಲಿಲ್ಲ ಎಂದು ಅಮ್ಜದ್‌ ಆಯುಬ್‌ ಮಿರ್ಜಾ ತಿಳಿಸಿದ್ದಾರೆ. ನ.15ರಂದು ಗಿಲ್ಗಿಟ್‌-ಬಾಲ್ಟಿಸ್ತಾನ್‌ದಲ್ಲಿ ಚುನಾವಣೆ ನಡೆಸಿ ಇತರ ಪ್ರಾಂತ್ಯಗಳಿಗೆ ನೀಡಿದಂತೆ ವಿಶೇಷ ಆಡಳಿತಾತ್ಮಕ ಅಧಿಕಾರ ನೀಡಲು ಪಾಕ್‌ ಪ್ರಧಾನಿ ಇಮ್ರಾನ್‌ ಖಾನ್‌ ಸಂಚು ಮಾಡಿರುವ ನಡುವೆಯೇ ಸೌದಿಯ ಈ ನಡೆ ಭಾರಿ ಮುಜುಗರ ಉಂಟುಮಾಡಿದೆ. ಅಲ್ಲದೆ ಸೌದಿ ಅರೇಬಿಯಾ ಪಾಕಿಸ್ತಾನವನ್ನು ದೂರವಿಡಲು ಈ ರೀತಿಯ ಕ್ರಮ ಕೈಗೊಂಡಿದ್ಯಾ? ಎನ್ನುವ ಚರ್ಚೆಗಳು ಆರಂಭವಾಗಿದೆ.
from India & World News in Kannada | VK Polls https://ift.tt/3mrSOew
