ಶಾರ್ಜಾ: ವಿರುದ್ಧ ಎಂಟು ವಿಕೆಟ್‌ಗಳಿಂದ ಸೋಲು ಅನುಭವಿಸಿತು. ಇದರೊಂದಿಗೆ ಕೆಕೆಆರ್ ಪಾಯಿಂಟ್ಸ್‌ ಟೇಬಲ್‌ನಲ್ಲಿ ಐದನೇ ಸ್ಥಾನಕ್ಕೆ ಕುಸಿಯಿತು. ಇದರ ಹೊರತಾಗಿಯೂ ಆರಂಭಿಕ ಬ್ಯಾಟ್ಸ್‌ಮನ್‌ , ಕೆಕೆಆರ್ ಪ್ಲೇಆಫ್‌ ಅರ್ಹತೆ ಪಡೆಯುವ ಬಗ್ಗೆ ವಿಶ್ವಾಸವನ್ನು ವ್ಯಕ್ತಪಡಿಸಿದ್ದಾರೆ. ಸೋಮವಾರ ರಾತ್ರಿ ಶಾರ್ಜಾ ಕ್ರಿಕೆಟ್ ಅಂಗಳದಲ್ಲಿ ನಡೆದಿದ್ದ ಪಂದ್ಯದಲ್ಲಿ ಕೋಲ್ಕತಾ ನೈಟ್‌ ರೈಡರ್ಸ್ ಎಂಟು ವಿಕೆಟ್‌ಗಳಿಂದ ಸೋಲು ಅನುಭವಿಸಿತ್ತು. ಸೋಲಿನೊಂದಿಗೆ ಕೆಕೆಆರ್ 12 ಅಂಕಗಳೊಂದಿಗೆ ಐದನೇ ಸ್ಥಾನಕ್ಕೆ ಇಳಿಯಿತು. ಪಂದ್ಯದ ಬಳಿಕ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಶುಭಮನ್ ಗಿಲ್‌, "ನಮಗೆ ಇನ್ನೂ ಎರಡು ಪಂದ್ಯಗಳಿವೆ, ಹಾಗಾಗಿ ಪ್ಲೇಆಫ್‌ಗೆ ಅರ್ಹತೆ ಪಡೆಯುತ್ತೇವೆಂಬ ಅಪಾರ ನಂಬಿಕೆ ನಮಗಿದೆ," ಎಂದು ಹೇಳಿದರು. ಅದ್ಭುತ ಬ್ಯಾಟಿಂಗ್ ಮಾಡಿದ ಶುಭಮನ್ ಗಿಲ್‌ 57 ರನ್‌ಗಳನ್ನು ಗಳಿಸಿ ತಂಡದ ಮೊತ್ತ 149 ದಾಖಲಿಸುವಲ್ಲಿ ನೆರವಾಗಿದ್ದರು. ಬಳಿಕ 150 ರನ್‌ಗಳ ಗುರಿ ಹಿಂಬಾಲಿಸಿದ ಕಿಂಗ್ಸ್ ಇಲೆವೆನ್‌ ಪಂಜಾಬ್‌ ತಂಡ 19ನೇ ಓವರ್‌ನಲ್ಲಿ ಗೆಲುವಿನ ದಡ ಸೇರಿತು. ಮಂದೀಪ್‌ ಸಿಂಗ್‌ ಹಾಗೂ ಕ್ರಿಸ್‌ ಗೇಲ್‌ ಕ್ರಮವಾಗಿ 66 ಮತ್ತು 51 ರನ್‌ಗಳನ್ನು ಗಳಿಸಿದರು. ಈ ಬಗ್ಗೆ ಪ್ರತಿಕ್ರಿಯಿಸಿ,"ನಮ್ಮ ಬ್ಯಾಟ್ಸ್‌ಮನ್‌ಗಳಿಗೆ ಇಂದು ಒಳ್ಳೆಯ ದಿನವಾಗಿರಲಿಲ್ಲ ಎಂದು ಭಾವಿಸುತ್ತೇನೆ. ಮಧ್ಯಮ ಓವರ್‌ಗಲ್ಲಿ ನಾವು ಅತ್ಯುತ್ತಮ ಹಾದಿಯಲ್ಲಿ ಇದ್ದೆವು. ಆರಂಭಿಕ 9 ಓವರ್‌ಗಳಲ್ಲಿ ನಾವು ಮೂರು ವಿಕೆಟ್‌ಗಳನ್ನು ಕಳೆದುಕೊಂಡು 90 ರನ್‌ಗಳನ್ನು ಗಳಿಸಿದ್ದೆವು. ಆದರೆ ಇಯಾನ್‌ ಮಾರ್ಗನ್‌ ವಿಕೆಟ್‌ ಉರುಳಿದ ಬಳಿಕ ನಮ್ಮ ಕಡೆ ಇದ್ದ ಪಂದ್ಯ ಪಂಜಾಬ್‌ ಕಡೆ ವಾಲಿತು," ಎಂದು ಹೇಳಿದರು. "ನಮಗೆ 15 ರಿಂದ 20 ರನ್‌ಗಳು ಶಾರ್ಟ್ ಆಗಿವೆ ಎಂದು ಭಾವಿಸುತ್ತೇನೆ. ಮಧ್ಯಮ ಓವರ್‌ಗಳಲ್ಲಿ ನಾವು ಸ್ಟ್ರೈಕ್‌ ರೊಟೇಟ್‌ ಸರಿಯಾಗಿ ಮಾಡಲಿಲ್ಲ. ಈ ಕೆಲಸವನ್ನು ನಾವು ಸರಿಯಾಗಿ ಮಾಡಿದ್ದರೆ, ನಮ್ಮ ತಂಡದ ಮೊತ್ತ 20 ರಿಂದ 25 ರನ್‌ಗಳು ಜಾಸ್ತಿಯಾಗುತ್ತಿದ್ದವು ಹಾಗೂ ಪಂದ್ಯದ ಫಲಿತಾಂಶ ವಿಭಿನ್ನವಾಗಿರುತ್ತಿತ್ತು," ಎಂದು ಶುಭಮನ್ ಗಿಲ್‌ ಹೇಳಿದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2J6ECJD
