ಕರ್ನಾಟಕ ಜನಸಾಮಾನ್ಯರ ಸಾರಿಗೆ ಅಂತಾನೇ ಫೇಮಸ್‌ ಆಗಿರೋ ರಾಜ್ಯದ ನಾಲ್ಕು ರಸ್ತೆ ಸಾರಿಗೆ ಸಂಸ್ಥೆಗಳು ನಷ್ಟದ ಚಕ್ರವ್ಯೂಹದಲ್ಲಿ ಸಿಲುಕಿವೆ. ಕಳೆದ ಒಂಭತ್ತು ತಿಂಗಳಿಂದ ಪ್ರಯಾಣಿಕರ ಕೊರತೆಯಿಂದ ಲಾಭದ ಹಾದಿ ಹಿಡಿಯದ ಸಾರಿಗೆ ಸಂಸ್ಥೆ ಟಯರ್ ಪಂಚರ್ ಆಗೋ ಸ್ಥಿತಿಗೆ ತಿಲುಪಿದೆ. ಕೊರೊನಾ ಸೋಂಕು ವ್ಯಾಪಿಸಿದ ಬಳಿಕ ಕೆಎಸ್‌ಆರ್‌ಟಿಸಿಗೆ 500 ಕೋಟಿ ರೂ. ನಷ್ಟವಾಗಿದೆ. ಈ ಹಿಂದೆ ಕೆಎಸ್‌ಆರ್‌ಟಿಸಿಯು ಪ್ರತಿದಿನ ಓಡಿಸುತ್ತಿದ್ದ 8250 ಬಸ್‌ಗಳಲ್ಲಿ30 ಲಕ್ಷ ಮಂದಿ ಪ್ರಯಾಣಿಸಿ 9 ಕೋಟಿ ರೂ. ಆದಾಯ ಸಂಗ್ರಹವಾಗುತ್ತಿತ್ತು. ಸದ್ಯ 5200 ಬಸ್‌ಗಳನ್ನು ಓಡಿಸಲಾಗುತ್ತಿದ್ದು, 12-13 ಲಕ್ಷ ಜನರಷ್ಟೇ ಓಡಾಡುತ್ತಿದ್ದಾರೆ. ಹೀಗಾಗಿ, ಕೇವಲ 4.85 ಕೋಟಿ ರೂ. ಆದಾಯ ಬರುತ್ತಿದೆ. ಸಂಸ್ಥೆಯಲ್ಲಿ 37,655 ಅಧಿಕಾರಿ, ಸಿಬ್ಬಂದಿಯನ್ನು ಒಳಗೊಂಡಿದೆ. ಆರ್ಥಿಕ ನಷ್ಟದ ಹಿನ್ನೆಲೆಯಲ್ಲಿ ಸಿಬ್ಬಂದಿ ಕೊರತೆ ಇದ್ದರೂ ನೇಮಕಾತಿ ಪ್ರಕ್ರಿಯೆಯನ್ನು ಸಂಪೂರ್ಣವಾಗಿ ಸ್ಥಗಿತಗೊಳಿಸಿದೆ. ನಷ್ಟದಿಂದ ಪಾರಾಗಲು ಹಲವು ಆಡಳಿತಾತ್ಮಕ ಸುಧಾರಣಾ ಕ್ರಮಗಳನ್ನು ತೆಗೆದುಕೊಂಡಿದ್ದು, ಅನಗತ್ಯ ಖರ್ಚು-ವೆಚ್ಚಗಳಿಗೆ ಕಡಿವಾಣ ಹಾಕಲಾಗಿದೆ ಎಂದು ಸಂಸ್ಥೆ ತಿಳಿಸಿದೆ. ಕೆಎಸ್‌ಆರ್‌ಟಿಸಿ ಸಂಸ್ಥೆ ಬೆಂಗಳೂರು ನಗರ ಮತ್ತು ಗ್ರಾಮಾಂತರ, ರಾಮನಗರ, ತುಮಕೂರು, ಕೋಲಾರ, ಚಿಕ್ಕಬಳ್ಳಾಪುರ, ಮೈಸೂರು, ಮಂಡ್ಯ, ಚಾಮರಾಜ ನಗರ, ಹಾಸನ, ಕೊಡಗು, ಚಿಕ್ಕಮಗಳೂರು, ದಕ್ಷಿಣ ಕನ್ನಡ, ಉಡುಪಿ, ದಾವಣಗೆರೆ, ಚಿತ್ರದುರ್ಗ ಮತ್ತು ಶಿವಮೊಗ್ಗ ಜಿಲ್ಲೆಯಲ್ಲಿ ಕಾರ್ಯನಿರ್ವಹಿಸುತ್ತಿದೆ.ಸರಾಸರಿ ವರ್ಷಕ್ಕೆ 134 ಕೋಟಿ ನಷ್ಟ: ಸಂಸ್ಥೆಗೆ ವಾರ್ಷಿಕ 3724.35 ಕೋಟಿ ರೂ. ಆದಾಯ ಬರುತ್ತಿದ್ದು, 3859.28 ಕೋಟಿ ರೂ. ವೆಚ್ಚವಾಗುತ್ತಿದೆ. ಹೀಗಾಗಿ, 2018-19ರಲ್ಲಿ134.93 ಕೋಟಿ ರೂ. ನಷ್ಟ ಉಂಟಾಗಿದೆ. 2019-20ರಲ್ಲಿ 500 ಕೋಟಿ ರೂ. ಆದಾಯ ಖೋತಾ ಆಗಿದೆ. ಬಸ್‌ಗಳ ಖರೀದಿಗಾಗಿ ಸಂಸ್ಥೆಯು 2019-20ರಲ್ಲಿ220 ಕೋಟಿ ರೂ. ಸಾಲ ಮಾಡಿದೆ.ರಾಜ್ಯದಲ್ಲಿ ಸರಕಾರಿ ಬಸ್‌ ಸೇವೆ ಕಳೆದ ಹಲವು ವರ್ಷಗಳಿಂದ ನಷ್ಟ ಸುಳಿಯಲ್ಲಿಸಿಲುಕಿ ಒದ್ದಾಡುತ್ತಿದೆ. ಅದರಿಂದ ಹೊರಬರಲು ಹರಸಾಹಸ ನಡೆಸುತ್ತಿರುವಾಗಲೇ ಕೊರೊನಾ ತಲೆ ಎತ್ತಲಾಗದಷ್ಟು ಬಲವಾದ ಹೊಡೆತವನ್ನು ನೀಡಿದೆ. ಕೆಎಸ್ಸಾರ್ಟಿಸಿ, ವಾಯುವ್ಯ ಸಾರಿಗೆ, ಈಶಾನ್ಯ ಸಾರಿಗೆ ಮತ್ತು ಬೆಂಗಳೂರಿನ ಬಿಎಂಟಿಸಿ ಭಾರಿ ಹೊಡೆತವನ್ನು ಅನುಭವಿಸಿದೆ. ಈಗಾಗಲೇ ಹೊಸ ನೇಮಕಾತಿಯನ್ನು ತಡೆ ಹಿಡಿಯಲಾಗಿದೆ. ಇರುವ ಉದ್ಯೋಗಿಗಳಿಗೂ ಆತಂಕ ಎದುರಾಗಿದೆ.
ಕರ್ನಾಟಕ ಜನಸಾಮಾನ್ಯರ ಸಾರಿಗೆ ಅಂತಾನೇ ಫೇಮಸ್‌ ಆಗಿರೋ ರಾಜ್ಯದ ನಾಲ್ಕು ರಸ್ತೆ ಸಾರಿಗೆ ಸಂಸ್ಥೆಗಳು ನಷ್ಟದ ಚಕ್ರವ್ಯೂಹದಲ್ಲಿ ಸಿಲುಕಿವೆ. ಕಳೆದ ಒಂಭತ್ತು ತಿಂಗಳಿಂದ ಪ್ರಯಾಣಿಕರ ಕೊರತೆಯಿಂದ ಲಾಭದ ಹಾದಿ ಹಿಡಿಯದ ಸಾರಿಗೆ ಸಂಸ್ಥೆ ಟಯರ್ ಪಂಚರ್ ಆಗೋ ಸ್ಥಿತಿಗೆ ತಿಲುಪಿದೆ. ಕೊರೊನಾ ಸೋಂಕು ವ್ಯಾಪಿಸಿದ ಬಳಿಕ ಕೆಎಸ್‌ಆರ್‌ಟಿಸಿಗೆ 500 ಕೋಟಿ ರೂ. ನಷ್ಟವಾಗಿದೆ. ಈ ಹಿಂದೆ ಕೆಎಸ್‌ಆರ್‌ಟಿಸಿಯು ಪ್ರತಿದಿನ ಓಡಿಸುತ್ತಿದ್ದ 8250 ಬಸ್‌ಗಳಲ್ಲಿ30 ಲಕ್ಷ ಮಂದಿ ಪ್ರಯಾಣಿಸಿ 9 ಕೋಟಿ ರೂ. ಆದಾಯ ಸಂಗ್ರಹವಾಗುತ್ತಿತ್ತು. ಸದ್ಯ 5200 ಬಸ್‌ಗಳನ್ನು ಓಡಿಸಲಾಗುತ್ತಿದ್ದು, 12-13 ಲಕ್ಷ ಜನರಷ್ಟೇ ಓಡಾಡುತ್ತಿದ್ದಾರೆ. ಹೀಗಾಗಿ, ಕೇವಲ 4.85 ಕೋಟಿ ರೂ. ಆದಾಯ ಬರುತ್ತಿದೆ. ಸಂಸ್ಥೆಯಲ್ಲಿ 37,655 ಅಧಿಕಾರಿ, ಸಿಬ್ಬಂದಿಯನ್ನು ಒಳಗೊಂಡಿದೆ. ಆರ್ಥಿಕ ನಷ್ಟದ ಹಿನ್ನೆಲೆಯಲ್ಲಿ ಸಿಬ್ಬಂದಿ ಕೊರತೆ ಇದ್ದರೂ ನೇಮಕಾತಿ ಪ್ರಕ್ರಿಯೆಯನ್ನು ಸಂಪೂರ್ಣವಾಗಿ ಸ್ಥಗಿತಗೊಳಿಸಿದೆ. ನಷ್ಟದಿಂದ ಪಾರಾಗಲು ಹಲವು ಆಡಳಿತಾತ್ಮಕ ಸುಧಾರಣಾ ಕ್ರಮಗಳನ್ನು ತೆಗೆದುಕೊಂಡಿದ್ದು, ಅನಗತ್ಯ ಖರ್ಚು-ವೆಚ್ಚಗಳಿಗೆ ಕಡಿವಾಣ ಹಾಕಲಾಗಿದೆ ಎಂದು ಸಂಸ್ಥೆ ತಿಳಿಸಿದೆ. ಕೆಎಸ್‌ಆರ್‌ಟಿಸಿ ಸಂಸ್ಥೆ ಬೆಂಗಳೂರು ನಗರ ಮತ್ತು ಗ್ರಾಮಾಂತರ, ರಾಮನಗರ, ತುಮಕೂರು, ಕೋಲಾರ, ಚಿಕ್ಕಬಳ್ಳಾಪುರ, ಮೈಸೂರು, ಮಂಡ್ಯ, ಚಾಮರಾಜ ನಗರ, ಹಾಸನ, ಕೊಡಗು, ಚಿಕ್ಕಮಗಳೂರು, ದಕ್ಷಿಣ ಕನ್ನಡ, ಉಡುಪಿ, ದಾವಣಗೆರೆ, ಚಿತ್ರದುರ್ಗ ಮತ್ತು ಶಿವಮೊಗ್ಗ ಜಿಲ್ಲೆಯಲ್ಲಿ ಕಾರ್ಯನಿರ್ವಹಿಸುತ್ತಿದೆ.
ಸರಾಸರಿ ವರ್ಷಕ್ಕೆ 134 ಕೋಟಿ ನಷ್ಟ:
ಸಂಸ್ಥೆಗೆ ವಾರ್ಷಿಕ 3724.35 ಕೋಟಿ ರೂ. ಆದಾಯ ಬರುತ್ತಿದ್ದು, 3859.28 ಕೋಟಿ ರೂ. ವೆಚ್ಚವಾಗುತ್ತಿದೆ. ಹೀಗಾಗಿ, 2018-19ರಲ್ಲಿ134.93 ಕೋಟಿ ರೂ. ನಷ್ಟ ಉಂಟಾಗಿದೆ. 2019-20ರಲ್ಲಿ 500 ಕೋಟಿ ರೂ. ಆದಾಯ ಖೋತಾ ಆಗಿದೆ. ಬಸ್‌ಗಳ ಖರೀದಿಗಾಗಿ ಸಂಸ್ಥೆಯು 2019-20ರಲ್ಲಿ220 ಕೋಟಿ ರೂ. ಸಾಲ ಮಾಡಿದೆ.
ಬಿಎಂಟಿಸಿಗೆ 600 ಕೋಟಿ ರೂ. ನಷ್ಟ..!
ಕೊರೊನಾ ಪೂರ್ವದಲ್ಲಿ ಬೆಂಗಳೂರಿನಲ್ಲಿ ನಿತ್ಯ 6185 ಬಿಎಂಟಿಸಿ ಬಸ್‌ಗಳು ಓಡಾಡುತ್ತಿದ್ದು, ದಿನಕ್ಕೆ 5 ಕೋಟಿ ರೂ. ಆದಾಯ ದೊರೆಯುತ್ತಿತ್ತು. ಈಗ 4700 ಬಸ್‌ಗಳು ಸಂಚರಿಸುತ್ತಿದ್ದರೂ ಕೇವಲ 1.80 ಕೋಟಿ ರೂ. ಆದಾಯ ಬರುತ್ತಿದೆ. ಇದರಿಂದಾಗಿ ಪ್ರಸಕ್ತ ಸಾಲಿನಲ್ಲಿ ಇಲ್ಲಿಯವರೆಗೆ 600 ಕೋಟಿ ರೂ. ನಷ್ಟ ಅನುಭವಿಸಿದೆ. ಸಂಸ್ಥೆಯಲ್ಲಿ33465 ಸಿಬ್ಬಂದಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ವಾರ್ಷಿಕ 2300 ಕೋಟಿ ರೂ. ಆದಾಯ ಬರುತ್ತಿದ್ದು, 2700 ಕೋಟಿ ರೂ. ಖರ್ಚಾಗುತ್ತಿದೆ. ಸರಾಸರಿ ವರ್ಷಕ್ಕೆ 400 ಕೋಟಿ ಲಾಸ್‌ ಆಗುತ್ತಿದ್ದು, ಹೀಗಾಗಿ, ಆದಾಯಕ್ಕಿಂತ ಖರ್ಚು ಜಾಸ್ತಿಯಾಗುತ್ತಿದೆ. ಇನ್ನು ಕೊರೊನಾ ಸೋಂಕಿನ ಹಿನ್ನೆಲೆಯಲ್ಲಿ ಬಸ್‌ಗಳಲ್ಲಿ ಕಡಿಮೆ ಪ್ರಯಾಣಿಕರು ಸಂಚರಿಸುತ್ತಿದ್ದಾರೆ. ಹೀಗಾಗಿ, ಟಿಕೆಟ್‌ನಿಂದ ಬರುತ್ತಿರುವ ಆದಾಯವು ಡೀಸೆಲ್‌ ವೆಚ್ಚಕ್ಕೆ ಸರಿ ಹೊಂದುತ್ತಿದೆ. ಆರು ತಿಂಗಳಲ್ಲಿ ಡೀಸೆಲ್‌ ದರವು ಶೇ. 20ರಷ್ಟು ಏರಿಕೆ ಆಗಿದೆ. ಖರ್ಚು-ವೆಚ್ಚಗಳನ್ನು ಕಡಿಮೆ ಮಾಡಲು ಹಲವು ಕ್ರಮಗಳನ್ನು ತೆಗೆದುಕೊಂಡಿದ್ದೇವೆ. ನೇಮಕಾತಿ ಪ್ರಕ್ರಿಯೆ ಸ್ಥಗಿತಗೊಳಿಸಲಾಗಿದೆ. ಪ್ರಯಾಣಿಕರ ಸಂಖ್ಯೆ ಹೆಚ್ಚಾದರೆ ಸಾರಿಗೆ ಸಂಸ್ಥೆಗಳು ಆರ್ಥಿಕವಾಗಿ ಚೇತರಿಸಿಕೊಳ್ಳಲು ಸಾಧ್ಯವಾಗಲಿದೆ ಎನ್ನುತ್ತಾರೆ ಕೆಎಸ್ಸಾರ್ಟಿಸಿ ವ್ಯವಸ್ಥಾಪಕ ನಿರ್ದೇಶಕ ಶಿವಯೋಗಿ ಸಿ. ಕಳಸದ.
ಈಶಾನ್ಯ ಸಾರಿಗೆ ಆದಾಯ ಪಂಕ್ಚರ್‌..!
ಮೊದಲೇ ನಷ್ಟದಲ್ಲಿದ್ದ ಈಶಾನ್ಯ ಕರ್ನಾಟಕ ರಸ್ತೆ ಸಾರಿಗೆ ಸಂಸ್ಥೆಗೆ ಕೊರೊನಾ ಮತ್ತಷ್ಟು ಪೆಟ್ಟು ಕೊಟ್ಟಿದ್ದು, ಈ ವರ್ಷ ಸೆಪ್ಟಂಬರ್‌ ಅಂತ್ಯದವರೆಗೆ ಬರೋಬ್ಬರಿ 373 ಕೋಟಿ ರೂ. ನಷ್ಟ ಸಂಭವಿಸಿದೆ. ಎನ್‌ಇಕೆಆರ್‌ಟಿಸಿ 2018-19ನೇ ಸಾಲಿನಲ್ಲಿ 68 ಕೋಟಿ ರೂ., 19-20ನೇ ಸಾಲಿನಲ್ಲಿ 89 ಕೋಟಿ ರೂ. ನಷ್ಟ ಅನುಭವಿಸಿತ್ತು. ಎನ್‌ಇಕೆಆರ್‌ಟಿಸಿ ಎರಡು ವರ್ಷದಿಂದ ನಷ್ಟದಲ್ಲಿಯೇ ನಡೆಯುತ್ತಿದೆ. ಅದರಲ್ಲೂ ಈ ವರ್ಷ ಕೋವಿಡ್‌ ಹಿನ್ನೆಲೆಯಲ್ಲಿ373 ಕೋಟಿ ರೂ. ನಷ್ಟವಾಗಿದೆ. ಜತೆಗೆ ಸಂಸ್ಥೆಯ ವ್ಯಾಪ್ತಿಯಲ್ಲಿ ಶೇ.45ಕ್ಕೂ ಹೆಚ್ಚು ಹಳ್ಳಿ ರೂಟ್‌ಗಳಿವೆ. ಈ ರೂಟ್‌ಗಳಲ್ಲಿ ಒಂದು ಕಡೆ ಮಾತ್ರ ಆದಾಯ ಬರುತ್ತಿದ್ದು, ಇನ್ನೊಂದು ಕಡೆ ಆದಾಯವೇ ಇಲ್ಲ. ಜತೆಗೆ ಡೀಸೆಲ್‌ ದರ ಹೆಚ್ಚಳ, ಬಸ್‌ ಟಿಕೆಟ್‌ ದರ ಹೆಚ್ಚಳ ಮಾಡದಿರುವ ಕಾರಣಕ್ಕಾಗಿ ನಷ್ಟದಲ್ಲಿದೆ ಎನ್ನುತ್ತಾರೆ ಈಶಾನ್ಯ ಸಾರಿಗೆ ನಿಗಮದ ಮುಖ್ಯ ಸಂಚಾರ ವ್ಯವಸ್ಥಾಪಕ ಕೊಟ್ರಪ್ಪ. ನಿಗಮದಲ್ಲಿ 4670 ಬಸ್‌ಗಳಿದ್ದು, ಸುಮಾರು 24000 ಉದ್ಯೋಗಿಗಳಿದ್ದಾರೆ.
ಚೇತರಿಕೆಗೆ ವಾಯುವ್ಯ ಸಾರಿಗೆ ಹರಸಾಹಸ..!
ಇನ್ನು ವಾಯುವ್ಯ ಕರ್ನಾಟಕ ರಸ್ತೆ ಸಾರಿಗೆ ಸಂಸ್ಥೆ ವ್ಯಾಪ್ತಿಯಲ್ಲಿ 60% ಪ್ರಯಾಣಿಕರು ಸಮೂಹ ಸಾರಿಗೆಯಿಂದ ದೂರ ಉಳಿದಿದ್ದಾರೆ. ಕೊರೊನಾ ಪೂರ್ವದಲ್ಲಿ ದಿನಕ್ಕೆ 4664 ಬಸ್‌ಗಳು ಓಡಾಡುತ್ತಿದ್ದು, 16.50 ಲಕ್ಷ ಪ್ರಯಾಣಿಕರು ಸಂಚರಿಸುತ್ತಿದ್ದರು. ಇದರಿಂದ ದಿನಕ್ಕೆ 5.40 ಕೋಟಿ ರೂ.ನಂತೆ ವರ್ಷಕ್ಕೆ 1971 ಕೋಟಿ ರೂ. ಆದಾಯ ಬರುತ್ತಿತ್ತು. ಈಗ ದಿನಕ್ಕೆ ಸರಾಸರಿ 3175 ಬಸ್‌ಗಳು ಸಂಚರಿಸುತ್ತಿದ್ದರೂ ಪ್ರಯಾಣಿಕರ ಸಂಖ್ಯೆ 7 ಲಕ್ಷವಷ್ಟೇ ಇದೆ. ಆದಾಯ ಕೇವಲ 2.60 ಕೋಟಿ ರೂ. ಮಾತ್ರ. ಇದು ಸಂಸ್ಥೆಯ ಸಿಬ್ಬಂದಿ ವೇತನಕ್ಕಷ್ಟೇ ಸಾಗಾಗುತ್ತಿದೆ. ಡೀಸೆಲ್‌ ಮತ್ತು ಟಯರ್ ಹಾಗೂ ಇತರೆ ಖರ್ಚುಗಳಿಗೆ ಆರ್ಥಿಕ ಕೊರತೆಯಾಗಿದೆ ಎಂದು ಸಂಸ್ಥೆಯ ಮುಖ್ಯ ಸಾರಿಗೆ ವ್ಯವಸ್ಥಾಪಕ ನಿತಿನ್‌ ಹೆಗಡೆ ಹೇಳುತ್ತಾರೆ. ಬೆಳಗಾವಿ, ಧಾರವಾಡ, ಉತ್ತರ ಕನ್ನಡ, ಬಾಗಲಕೋಟೆ, ಗದಗ, ಹಾವೇರಿ ಜಿಲ್ಲೆಗಳಲ್ಲಿ 9 ಸಾರಿಗೆ ವಿಭಾಗಗಳನ್ನು ವಾಯುವ್ಯ ಸಾರಿಗೆ ಹೊಂದಿದ್ದು, ಒಟ್ಟು 4664 ಬಸ್‌ಗಳಿವೆ. 22,450 ಸಿಬ್ಬಂದಿಗಳು ಕೆಲಸ ಮಾಡುತ್ತಿದ್ದಾರೆ.
from India & World News in Kannada | VK Polls https://ift.tt/3oLb9oQ
