ವಿಜಯ್‌ ಕೋಟ್ಯಾನ್‌ ಮಂಗಳೂರು ಮಂಗಳೂರು: ಮಂಗಳೂರಿನ ಕಲಾವಿದೆಯೊಬ್ಬರು ದಸರಾದಲ್ಲಿ ಸಿಂಹದ ಮುಖವನ್ನು ಬಿಡಿಸಿದ್ದು, ಈ ಚಿತ್ರ ಅಂತರಾಷ್ಟ್ರೀಯ ಮಟ್ಟದಲ್ಲಿ ಭಾರೀ ಜನಮನ್ನಣೆ ಪಡೆದಿದೆ. ನಗರದಲ್ಲಿ ಬ್ಯೂಟಿಷಿಯನ್‌ ಆಗಿರುವ ಚೇತನಾ ಎಸ್‌. ಅವರೇ ಈ ಕಲಾವಿದೆ. ಅವರು ತಮ್ಮ ಶಿಷ್ಯೆ ಶಿವಮೊಗ್ಗದ ಮೂಲದ ಶ್ರೀಯಾ ಎಂ. ಭಟ್‌ರ ಮುಖದಲ್ಲಿ ರಿಯಲಿಸ್ಟಿಕ್‌ ಆರ್ಟ್ ಬಳಸಿ ಸಿಂಹದ ಚಿತ್ರ ಮಾಡಿದ್ದು, ಇದು ಎಲ್ಲರ ಶ್ಲಾಘನೆಗೆ ಪಾತ್ರವಾಗಿದೆ. ನವರಾತ್ರಿ ಸಂದರ್ಭ ಪೂಜಿಸಲ್ಪಡುವ ದುರ್ಗಾ ಮಾತೆಯ ವಾಹನವಾಗಿರುವ ಸಿಂಹದ ಮುಖವನ್ನು ಬಿಡಿಸಲಾಗಿದ್ದು, ಇದಕ್ಕೆ ಕಲಾವಿದೆ ಸುಮಾರು 5ಗಂಟೆಗಳ ಕಾಲ ಶ್ರಮವಹಿಸಿದ್ದಾರೆ. ರಿಯಲಿಸ್ಟಿಕ್‌ ಚಿತ್ರವನ್ನು ಚೇತನಾ ಅವರು ಅ.24ರಂದು ಇನ್‌ಸ್ಟಾಗ್ರಾಂನಲ್ಲಿ ಅಪ್ಲೋಡ್‌ ಮಾಡಿದ್ದು, ಇದನ್ನು 4 ದಿನದಲ್ಲೇ 25 ಸಾವಿರಕ್ಕೂ ಅಧಿಕ ಮಂದಿ ಲೈಕ್‌ ಮಾಡಿದ್ದಾರೆ. ನೂರಾರು ಮಂದಿ ಫೇಸ್‌ಬುಕ್‌ ಸೇರಿದಂತೆ ಸಾಮಾಜಿಕ ಜಾಲತಾಣದಲ್ಲಿ ಶೇರ್‌ ಮಾಡಿ, ಕಮೆಂಟ್‌ ಹಾಕಿದ್ದಾ ರೆ. ಸೆಲೆಬ್ರಿಟಿಗಳಾದ ಪಾರು ಸೀರಿಯಲ್‌ನ ಸಾಗರ್‌, ಅದ್ವಿತಿ ಶೆಟ್ಟಿ, ನಿಯಾ ಸಕ್ಸೇನ ಕೂಡ ಲೈಕ್‌ ಮಾಡಿದ ಪ್ರಮುಖರು. ಗೂಗಲ್‌ ಸಹಾಯಮೂಲತಃ ಚಿತ್ರಕಲಾವಿದೆಯಲ್ಲದ ಚೇತನಾ ಅವರು ಈ ಕಲೆಯನ್ನು ಗೂಗಲ್‌ ರೆಫರೆನ್ಸ್‌ ಮೂಲಕ ಅಭ್ಯಸಿಸಿದ್ದಾರೆ. ಸರಳ ಪೈಂಟಿಂಗ್‌ ಅಭ್ಯಾಸ ಮಾಡುತ್ತಿದ್ದ ಅವರು ದಸರೆ ಸಂದರ್ಭ ಈ ರೀತಿ ವಿಭಿನ್ನ ರೀತಿಯ ಪ್ರಯತ್ನಕ್ಕೆ ಕೈ ಹಾಕಿ ಯಶಸ್ವಿಯಾಗಿದ್ದಾರೆ. ಈ ರಿಯಲಿಸ್ಟಿಕ್‌ ಚಿತ್ರವನ್ನು ಯಾವ ರೀತಿ ಬಿಡಿಸಲಾಗಿದೆ ಎಂಬುದನ್ನು ಯೂಟ್ಯೂಬ್‌ಗೆ ಅಪ್ಲೋಡ್‌ ಮಾಡಿದ್ದಾರೆ. ವಿದೇಶದಲ್ಲಿ ಫೇಮಸ್ಸುದೇಹದ ಮೇಲೆ ಪ್ರಾಣಿ ಪಕ್ಷಿ ಸೇರಿದಂತೆ ನಾನಾ ರೀತಿಯ ಚಿತ್ರಗಳ ಬಿಡಿಸುವ ಕಲೆ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಹೆಚ್ಚು ಪ್ರಸಿದ್ಧಿಯಲ್ಲಿದೆ. ಕಾಲೇಜಿನಲ್ಲಿ ಹವ್ಯಾಸವಾಗಿ ಬ್ಯೂಟಿಶಿಯನ್‌ ಕಲೆಯನ್ನು ಕಲಿತ ಚೇತನಾ ಮನಃಶಾಸ್ತ್ರ ವಿಭಾಗದ ಪದವೀಧರೆ. ಛಾಯಾಗ್ರಾಹಣ ಅದ್ಭುತಚೇತನಾ ಅವರು ಮುಖದಲ್ಲಿ ಬಿಡಿಸಿದ ರಿಯಲಿಸ್ಟಿಕ್‌ ಕಲೆಯನ್ನು ನಗರದ ಛಾಯಾಚಿತ್ರಗ್ರಾಹಕ ವಿವೇಕ್‌ ಸಿಕ್ವೇರ ತಮ್ಮ ಅದ್ಭುತ ಕೈಚಳಕದಲ್ಲಿ ಸೆರೆಹಿಡಿದಿದ್ದಾರೆ. ಇದು ಚೇತನಾ ಅವರ ನೈಪುಣ್ಯತೆಗೆ ಮತ್ತಷ್ಟು ಪುಷ್ಟಿ ನೀಡಿದಂತಾಗಿದೆ. ಫ್ಯಾಂಟಸಿ ಆರ್ಟ್ ಇಂದು ಬಿಡುಗಡೆ ಕೋಸ್ಟಲ್‌ವುಡ್‌ನ ಚಿತ್ರನಟಿ ಸ್ವಸ್ತಿಕಾ ಪೂಜಾರಿ ಅವರು ತಲೆ ಮೇಲೆ 5 ಕೆಜಿ ಭಾರದ ಹೆಲೋ ಗೋಲ್ಡನ್‌ ಕ್ರೌನ್‌ ಇಟ್ಟುಕೊಂಡು 12 ಕ್ಯಾಂಡಲ್‌ ಹೊತ್ತಿಸಿದ ಏಂಜಲ್‌ ಮಾದರಿಯ ಫ್ಯಾಂಟಸಿ ಆರ್ಟ್‌ನ್ನು ಚೇತನಾ ನಿರ್ದೇಶನದಲ್ಲಿ ರಚಿಸಿದ್ದು, ಅದನ್ನು ಅ.30ರಂದು ಬಿಡುಗಡೆ ಮಾಡಲಿದ್ದಾರೆ. ಈ ಆರ್ಟ್ ಕೂಡ ಅದ್ಭುತವಾಗಿದ್ದು, ಉತ್ತಮ ಪ್ರತಿಕ್ರಿಯೆ ನಿರೀಕ್ಷೆಯಲ್ಲಿದ್ದಾರೆ. ಮನುಷ್ಯನ ದೇಹದ ಮೇಲೆ ರಿಯಾಲಿಸ್ಟಿಕ್‌ ಚಿತ್ರ ಬಿಡಿಸುವುದು ವಿದೇಶದಲ್ಲಿ ಹೆಚ್ಚು ಪ್ರಚಲಿತದಲ್ಲಿದ್ದು, ಆ ರೀತಿ ಚಿತ್ರ ಬಿಡಿಸಬೇಕೆಂದು ಸುಮಾರು ಸಮಯದಿಂದ ಯೋಚಿಸುತ್ತಿದ್ದೆ. ಈ ಬಾರಿ ನವರಾತ್ರಿ ಸಂದರ್ಭ ಬಿಡಿಸಲೇಬೇಕೆಂದು ಹಠಹಿಡಿದು ಮಾಡಿ ಆ.24ರಂದು ಸಾಮಾಜಿಕ ಜಾಲತಾಣದಲ್ಲಿ ಅಪ್ಲೋಡ್‌ ಮಾಡಿದೆ. ಆದರೆ ಈ ಆರ್ಟ್‌ಗೆ ಇಷ್ಟು ಪ್ರತಿಕ್ರಿಯೆ ಬರಬಹುದೆಂದು ನಿರೀಕ್ಷೆ ಮಾಡಿರಲಿಲ್ಲ. ನಿಜಕ್ಕೂ ತುಂಬಾ ಖುಷಿಯಾಗುತ್ತಿದೆ. ಚೇತನಾ ಎಸ್‌, ರಿಯಾಲಿಸ್ಟಿಕ್‌ ಕಲಾವಿದೆ
from India & World News in Kannada | VK Polls https://ift.tt/2TzPly7
