ಅಬುಧಾಬಿ: ಕಿಂಗ್ಸ್ ಇಲೆವೆನ್‌ ಪಂಜಾಬ್‌ ವಿರುದ್ಧ 7 ವಿಕೆಟ್‌ಗಳ ಜಯದಲ್ಲಿ ಆಲ್‌ರೌಂಡರ್‌ ಪ್ರದರ್ಶನ ತೋರಿದ ಅವರನ್ನು ರಾಜಸ್ಥಾನ್ ರಾಯಲ್ಸ್‌ ಬ್ಯಾಟ್ಸ್‌ಮನ್‌ ಶ್ಲಾಘಿಸಿದರು. ಇಲ್ಲಿನ ಶೇಖ್‌ ಜಾಹೇದ್‌ ಕ್ರೀಡಾಂಗಣದಲ್ಲಿ 186 ರನ್‌ಗಳ ಗುರಿಯನ್ನು ಬೆನ್ನತ್ತಿದ ರಾಜಸ್ಥಾನ್ ರಾಯಲ್ಸ್‌ಗೆ ಬೆನ್‌ ಸ್ಟೋಕ್ಸ್ ಕೇವಲ 26 ಎಸೆತಗಳಲ್ಲಿ ಆರು ಬೌಂಡರಿಗಳು ಹಾಗೂ ಮೂರು ಸಿಕ್ಸರ್‌ಗಳ ನೆರವಿನೊಂದಿಗೆ 50 ರನ್ ಗಳಿಸಿ ಭರ್ಜರಿ ಆರಂಭ ನೀಡಿದರು. ಅಂತಿಮವಾಗಿ ಇಂಗ್ಲೆಂಡ್‌ ಆಟಗಾರನ ಆಲ್‌ರೌಂಡರ್‌ ಪ್ರದರ್ಶನದಿಂದ ರಾಜಸ್ಥಾನ್ ರಾಯಲ್ಸ್‌ ಗೆಲುವಿನ ನಗೆ ಬೀರಿತು. "ಬೆನ್‌ ಸ್ಟೋಕ್ಸ್ ತಂಡಕ್ಕೆ ಅದ್ಭುತ ಆರಂಭ ನೀಡಿದ ಫಲವಾಗಿ ಇನ್ನೂ ಎರಡು ಓವರ್‌ಗಳು ಬಾಕಿ ಇರುವಂತೆ ಗೆಲುವು ಸಾಧಿಸಲು ಸಾಧ್ಯವಾಯಿತು. ಅವರು ಔಟ್‌ ಆದಾಗ ನಮಗೆ ಇನ್ನೂ ಒಂದು ಅಥವಾ ಎರಡು ಸಿಕ್ಸರ್‌ಗಳು ಶಾರ್ಟ್ ಆಗಿದ್ದವು. ಟೂರ್ನಿಯ ಸರಿಯಾದ ಸಮಯದಲ್ಲಿ ಇಂತಹ ಆಟಗಾರನನ್ನು ಹೊಂದಿರುವುದು ತುಂಬಾ ನಿರ್ಣಾಯಕ ಹಾಗೂ ಮುಂದೆ ಪ್ಲೇಆಫ್ಸ್‌ಗೆ ತಲುಪುತ್ತೇವೆಂಬ ನಂಬಿಕೆ ಇದೆ," ಎಂದು ಸಂಜು, ಆರ್ಚರ್‌ಗೆ ಹೇಳಿರುವ ವಿಡಿಯೋವನ್ನು ಐಪಿಎಲ್‌ ತನ್ನ ಅಧಿಕೃತ ಟ್ವಿಟರ್‌ನಲ್ಲಿ ಪೋಸ್ಟ್ ಮಾಡಿದೆ. "ಈ ಪಂದ್ಯ ನಮಗೆ ತುಂಬಾ ಮುಖ್ಯವಾಗಿತ್ತು, ಹಾಗಾಗಿ ದೊಡ್ಡ ಅಂತರದಲ್ಲಿ ಗೆಲ್ಲುವುದು ಅಗತ್ಯವಿತ್ತು. ಬ್ಯಾಟಿಂಗ್ ಹಾಗೂ ಬೌಲಿಂಗ್ ಎರಡೂ ವಿಭಾಗಗಳು ಸರಿಯಾದ ಸಮಯದಲ್ಲಿ ಲಯಕ್ಕೆ ಬಂದಿದ್ದು ವಿಶೇಷವಾಗಿತ್ತು," ಎಂದು ಹೇಳಿದರು. ಕಿಂಗ್ಸ್ ಇಲೆವೆನ್‌ ಪಂಜಾಬ್‌ ಪರ ಕ್ರಿಸ್‌ ಗೇಲ್ 63 ಎಸೆತಗಳಲ್ಲಿ 99 ರನ್‌ಗಳಿದರು ಹಾಗೂ ಟಿ20 ಕ್ರಿಕೆಟ್‌ನಲ್ಲಿ 1000 ಸಿಕ್ಸರ್‌ ದಾಖಲೆ ಮಾಡಿದರು. ಯೂನಿವರ್ಸ್ ಬಾಸ್‌ ಒಂದೇ ಒಂದು ರನ್‌ನಿಂದ ಶತಕ ವಂಚಿತರಾದರು. ಜೋಫ್ರ ಆರ್ಚರ್‌ ಬೌಲಿಂಗ್ ಅವರು ಕ್ಲೀನ್ ಬೌಲ್ಡ್‌ ಆದರು. ಇದರಿಂದ ಬೇಸರಕ್ಕೆ ಒಳಗಾದ ವಿಂಡೀಸ್‌ ಬ್ಯಾಟ್ಸ್‌ಮನ್‌ ಬ್ಯಾಟ್‌ ಬಿಸಾಡಿದರು. ನಂತರ, ಆರ್ಚರ್‌ಗೆ ಕೈಕೊಟ್ಟು ಶ್ಲಾಘಿಸಿದರು. ಈ ಬಗ್ಗೆ ಮಾತನಾಡಿದ ಜೋಫ್ರ ಆರ್ಚರ್‌," ಕ್ರಿಸ್‌ ಗೇಲ್ ಅವರನ್ನು ನಿಯಂತ್ರಿಸಲು ನನ್ನ ಕೈಲಾದಷ್ಟು ಪ್ರಯತ್ನ ನಡೆಸಿದೆ. ಮೂರನೇ ಎಸೆತದಲ್ಲಿ ಸಿಕ್ಸರ್‌ ಸಿಡಿಸಿದ ಅವರು, ನಂತರದ ಎಸೆತದಲ್ಲಿ ಬೌಲ್ಡ್‌ ಆದರು," ಎಂದು ತಿಳಿಸಿದರು. ಗೆಲುವಿನೊಂದಿಗೆ ಪಾಯಿಂಟ್ಸ್‌ ಟೇಬಲ್‌ನಲ್ಲಿ ಐದನೇ ಸ್ಥಾನದಲ್ಲಿದೆ. ನಾಳೆ(ಭಾನುವಾರ) ಕೋಲ್ಕತಾ ನೈಟ್‌ ರೈಡರ್ಸ್ ವಿರುದ್ಧ ಸೆಣಸಲಿದೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/37YOGii
