ಕರಾಚಿ: ಭಾರತ ಸರಕಾರ ಹಾಗೂ ಪ್ರಧಾನಿ ಮೋದಿಯ ಶಕ್ತಿ ಮತ್ತೊಮ್ಮೆ ಇಡೀ ಜಗತ್ತಿನ ಮುಂದೆ ಸಾಬೀತಾಗಿದೆ. ಹಿಂದೆಯಿಂದ ಕುತಂತ್ರಿ ಬುದ್ದಿ ತೋರುವ ಪಾಕಿಸ್ತಾನಕ್ಕೆ ಭಾರತವನ್ನು ಕಂಡರೆ ಎಷ್ಟು ಭಯವಿದೆ ಎನ್ನುವುದು ಜಗಜ್ಜಾಹಿರಾಗಿದೆ. ಹೌದು ಭಾರತದ ಮೇಲಿನ ಭಯದಿಂದಲೇ ಪಾಕಿಸ್ತಾನ ಭಾರತದ ವೀರ ಯೋಧ, ವಿಂಗ್ ಕಮಾಂಡರ್‌ ಅಭಿನಂದನ್ ವರ್ಧಮಾನ್‌ ಅವರನ್ನು ಶಾಂತಿಯುತವಾಗಿ ಬಿಟ್ಟುಕಳುಹಿಸಿತ್ತು ಎನ್ನುವುದು ಪಾಕಿಸ್ತಾನ ಮುಸ್ಲಿಂ ಲೀಗ್‌ನ ನಾಯಕ ಅಯಾಜ್ ಸಾಧಿಕ್‌ ಹೇಳಿದ್ದಾರೆ. ಭಾರತ ನಮ್ಮ ಮೇಲೆ ದಾಳಿ ಮಾಡುವ ಸಾಧ್ಯತೆ ಇದೆ ಅಭಿನಂದನ್ ಅವರನ್ನು ಬಿಟ್ಟು ಕಳುಹಿಸೋಣ ಎಂದು ವಿದೇಶಾಂಗ ಸಚಿವ ಮಹಮ್ಮದ್‌ ಖುರೇಷಿ ಹೇಳಿರುವುದನ್ನು ಅವರು ಉಲ್ಲೇಖಿಸಿದ್ದಾರೆ.ಸಭೆಗೆ ಪಾಕಿಸ್ತಾನ ಸೇನಾ ಮುಖ್ಯಸ್ಥ ಬಾಜ್ವಾ ಆಗಮಿಸಿದ ವೇಳೆ ಅವರ ಕಾಲುಗಳು ನಡುಗುತ್ತಿದ್ದವು, ಮುಖದಲ್ಲಿ ಬೆವರು ಇಳಿಯುತ್ತಿತ್ತು. ಇದನ್ನು ಕಂಡ ಖುರೇಷಿ ಅಭಿನಂದನ್ ಅವರನ್ನು ಬಿಟ್ಟು ಕಳುಹಿಸೋಣ ಇಲ್ಲದಿದ್ದರೆ ಭಾರತ ನಮ್ಮ ಮೇಲೆ ದಾಳಿ ನಡೆಸಲಿದೆ ಎಂದಿದ್ದರು. ಕೊನೆಗೂ ಪಾಕಿಸ್ತಾನಕ್ಕೆ ಭಾರತದ ಮೇಲಿನ ಭಯದ ಬಗ್ಗೆ ಬಹಿರಂಗವಾಗಿದೆ. ಅಲ್ಲದೆ ಅಭಿನಂದನ್ ಅವರನ್ನು ಯಾಕೆ ಬಿಟ್ಟು ಕಳುಹಿಸಿದರು ಎನ್ನುವ ಸತ್ಯಾಂಶ ಹೊರಬಿದ್ದಿದೆ.
ಕರಾಚಿ:
ಭಾರತ ಸರಕಾರ ಹಾಗೂ ಪ್ರಧಾನಿ ಮೋದಿಯ ಶಕ್ತಿ ಮತ್ತೊಮ್ಮೆ ಇಡೀ ಜಗತ್ತಿನ ಮುಂದೆ ಸಾಬೀತಾಗಿದೆ. ಹಿಂದೆಯಿಂದ ಕುತಂತ್ರಿ ಬುದ್ದಿ ತೋರುವ ಪಾಕಿಸ್ತಾನಕ್ಕೆ ಭಾರತವನ್ನು ಕಂಡರೆ ಎಷ್ಟು ಭಯವಿದೆ ಎನ್ನುವುದು ಜಗಜ್ಜಾಹಿರಾಗಿದೆ. ಹೌದು ಭಾರತದ ಮೇಲಿನ ಭಯದಿಂದಲೇ ಪಾಕಿಸ್ತಾನ ಭಾರತದ ವೀರ ಯೋಧ, ವಿಂಗ್ ಕಮಾಂಡರ್‌ ಅಭಿನಂದನ್ ವರ್ಧಮಾನ್‌ ಅವರನ್ನು ಶಾಂತಿಯುತವಾಗಿ ಬಿಟ್ಟುಕಳುಹಿಸಿತ್ತು ಎನ್ನುವುದು ಪಾಕಿಸ್ತಾನ ಮುಸ್ಲಿಂ ಲೀಗ್‌ನ ನಾಯಕ ಅಯಾಜ್ ಸಾಧಿಕ್‌ ಹೇಳಿದ್ದಾರೆ. ಭಾರತ ನಮ್ಮ ಮೇಲೆ ದಾಳಿ ಮಾಡುವ ಸಾಧ್ಯತೆ ಇದೆ ಅಭಿನಂದನ್ ಅವರನ್ನು ಬಿಟ್ಟು ಕಳುಹಿಸೋಣ ಎಂದು ವಿದೇಶಾಂಗ ಸಚಿವ ಮಹಮ್ಮದ್‌ ಖುರೇಷಿ ಹೇಳಿರುವುದನ್ನು ಅವರು ಉಲ್ಲೇಖಿಸಿದ್ದಾರೆ.
ಪಾಕ್‌ಗೆ ದಾಳಿಯ ಭಯವಿತ್ತು!
ಪಾಕಿಸ್ತಾನದ ಸಂಸತ್ತಿನಲ್ಲಿ ಪಾಕಿಸ್ತಾನ ಮುಸ್ಲಿಂ ಲೀಗ್-ಎನ್ ನಾಯಕ ಅಯಾಜ್ ಸಾದಿಕ್ ನಡೆಸಿದ ಭಾಷಣದಲ್ಲಿ 2019 ರ ಫೆಬ್ರವರಿಯಲ್ಲಿ ನಡೆದ ಘಟನೆಯ ಬಗ್ಗೆ ವಿವರಿಸಿದ್ದಾರೆ. ಪ್ರಧಾನಿ ಇಮ್ರಾನ್ ಖಾನ್ ಅವರಿಗೆ ಅಭಿನಂದನ್ ಅವರನ್ನು ಶಾಂತಿಯ ಸೂಚಕವಾಗಿ ಬಿಡುಗಡೆಗೊಳಿಸುವುದು ಅನಿವಾರ್ಯವಾಗಿತ್ತು. ಅವರನ್ನು ಬಿಟ್ಟು ಕಳುಹಿಸಿವುದು ಬಿಟ್ಟರೆ ಇಮ್ರಾನ್ ಮುಂದೆ ಬೇರೆ ಯಾವುದೇ ದಾರಿ ಇರಲಿಲ್ಲ ಎಂದು ವಿವರಿಸಿದ್ದಾರೆ. ಅಲ್ಲದೇ ಅಭಿನಂದನ್ ಅವರ ಸಂಬಂಧ ನಡೆದ ಸಂಸದರ ಸಭೆಯಲ್ಲಿ ಏನು ನಡೀತು ಎನ್ನುವುದನ್ನು ಮತ್ತೆ ಮೆಲಕು ಹಾಕಿದ ಸಾದಿಕ್ " ಅಂದು ಸಭೆ ಆಯೋಜನೆಯಾಗಿತ್ತು. ಈ ಸಭೆಗೆ ಪ್ರಧಾನಿ ಇಮ್ರಾನ್ ಖಾನ್ ಬರಲು ನಿರಾಕರಿಸಿದ್ದರು. ಸಭೆಗೆ ಪಾಕಿಸ್ತಾನ ಸೇನಾ ಮುಖ್ಯಸ್ಥ ಬಾಜ್ವಾ ಆಗಮಿಸಿದ ವೇಳೆ ಅವರ ಕಾಲುಗಳು ನಡುಗುತ್ತಿದ್ದವು, ಮುಖದಲ್ಲಿ ಬೆವರು ಇಳಿಯುತ್ತಿತ್ತು. ಇದರ ಹಿಂದಿನ ಸತ್ಯ ಖುರೇಷಿ ಅವರಿಗೂ ಗೊತ್ತಿತ್ತು ಹೀಗಾಗಿ ಅಭಿನಂದನ್ ಅವರನ್ನು ಬಿಟ್ಟು ಬಿಡೋಣ, ಇಲ್ಲದಿದ್ದರೆ ರಾತ್ರಿ 9 ಗಂಟೆಯೊಳಗೆ ಪಾಕಿಸ್ತಾನದ ಮೇಲೆ ಭಾರತ ದಾಳಿ ಮಾಡಲಿದೆ ಎಂದು ಖುರೇಷಿ ಹೇಳಿದ್ದರು ಎಂದು ಸಾದಿಕ್ ಸಂಸತ್‌ಗೆ ತಮ್ಮ ಭಾಷಣದಲ್ಲಿ ತಿಳಿಸಿದ್ದಾರೆ. ಭಯದಿಂದಲೇ ಈ ನಿರ್ಧಾರ ಕೈಗೊಂಡಿರುವುದಾಗಿ ಸಾದಿಕ್ ಮತ್ತೆ ಪುನರುಚ್ಚರಿಸಿದ್ದಾರೆ.
ಪಿಒಕೆ, ಗಿಲ್ಗಿಟ್‌ -ಬಾಲ್ಟಿಸ್ತಾನ್‌ ಪ್ರಾಂತ್ಯಗಳನ್ನು ಪಾಕ್‌ನ ನಕ್ಷೆಯಿಂದ ಕಿತ್ತು ಹಾಕಿದ ಸೌದಿ ಅರೇಬಿಯಾ!
ಸಾದಿಕ್ ಹೇಳಿಕೆ ಬೆನ್ನಲ್ಲೆ ಪಾತ್ರ ಟ್ವೀಟ್‌!
ಇನ್ನು ಪಾಕಿಸ್ತಾನ ಮುಸ್ಲಿಂ ಲೀಗ್-ಎನ್ ನಾಯಕ ಅಯಾಜ್ ಸಾದಿಕ್ ಹೇಳಿಕೆ ಭಾರತದಲ್ಲಿ ಭಾರೀ ಕೋಲಾಹಲ ಸೃಷ್ಟಿಸಿದೆ. ಬಿಜೆಪಿ ನಾಯಕರಿಗೆ ಭಾರೀ ಅಸ್ತ್ರವೊಂದು ಸಿಕ್ಕಿದಂತೆ ಆಗಿದೆ. ಹೇಳಿಕೆ ಬೆನ್ನಲ್ಲೆ ಟ್ವೀಟ್‌ ಮಾಡಿರುವ ಬಿಜೆಪಿ ರಾಷ್ಟ್ರೀಯ ಮಾಧ್ಯಮ ವಕ್ತಾರ ಸಂಬೀತ್‌ ಪಾತ್ರ, ರಾಹುಲ್‌ ಗಾಂಧಿ ಅವರೇ ಅಂದು ನೀವು ಸರ್ಜಿಕಲ್‌ ಸ್ಟ್ರೈಕ್‌ ಹಾಗೂ ಏರ್‌ಸ್ಟ್ರೈಕ್‌ ಬಗ್ಗೆ ಅನುಮಾನ ವ್ಯಕ್ತಪಡಿಸಿದ್ರಿ ಅಲ್ವಾ?. ಮೋದಿಯವರ ಬಗ್ಗೆ ಪಾಕಿಸ್ತಾನಕ್ಕೆ ಯಾವ ರೀತಿಯ ಭಯವಿದೆ ಎಂದು ಸ್ವಲ್ಪ ನೋಡಿ ಎಂದು ಕಾಲೆಳೆದಿದ್ದಾರೆ. ಮುಸ್ಲಿಂ ಲೀಗ್-ಎನ್ ನಾಯಕ ಅಯಾಜ್ ಸಾದಿಕ್ ಪಾಕಿಸ್ತಾನದ ಸಂಸತ್‌ನಲ್ಲಿ ಸತ್ಯ ಬಿಚ್ಚಿಟ್ಟಿದ್ದಾರೆ ಎಂದು ತಿಳಿಸಿದ್ದರು, ಬಾಜ್ವಾ ಅವರ ಕಾಲುಗಳು ನಡುಗುತ್ತಿದ್ದವು, ಮುಖದಲ್ಲಿ ಬೆವರಿತ್ತು. ಈಗಲಾದರು ಅರ್ಥ ಮಾಡಿಕೊಳ್ಳಿ ಎಂದಿದ್ದಾರೆ.
ಲೈಂಗಿಕ ದೌರ್ಜನ್ಯಕ್ಕೆ ಯತ್ನಿಸುತ್ತಿದ್ದ ಸ್ವಯಂ ಘೋಷಿತ ಗುರುವಿಗೆ 120 ವರ್ಷ ಜೈಲು
ಅಂದು ಏನು ನಡೆದಿತ್ತು?
ಫೆಬ್ರವರಿ 14 , 2019ರಂದು ಪಾಕಿಸ್ತಾನ ಪೋಷಿತ ಉಗ್ರ ಪುಲ್ವಾಮದಲ್ಲಿ ಸಿಆರ್‌ಪಿಎಫ್‌ ಯೋಧರ ಬೆಂಗಾವಲು ವಾಹನದ ಮೇಲೆ ಬಾಂಬ್‌ ದಾಳಿ ನಡೆಸಿದ್ದ. ಇದರಿಂದ 40 ಭಾರತೀಯ ಯೋಧರು ಹುತಾತ್ಮರಾಗಿದ್ದರು. ಇದಕ್ಕೆ ತಕ್ಕ ಉತ್ತರ ನೀಡಿದ ಭಾರತ, 26 ಫೆಬ್ರವರಿ 2019ರಂದು ಭಾರತೀಯ ವಾಯುಸೇನೆಯ ಯುದ್ಧ ವಿಮಾನಗಳು ಬಾಲಕೋಟ್‌ನಲ್ಲಿರುವ ಉಗ್ರರ ಶಿಬಿರಗಳ ಮೇಲೆ ಬಾಂಬ್‌ ಹಾಕಿ ಉಡಾಯಿಸಿತ್ತು. ಇದರಿಂದ ವಿಚಲಿತನಾದ ಪಾಕಿಸ್ತಾನ ತನ್ನಲ್ಲಿರುವ ಎಫ್‌ 16 ಯುದ್ಧ ವಿಮಾನಗಳನ್ನು ಭಾರತದ ವಾಯು ಪ್ರದೇಶಕ್ಕೆ ಕಳುಹಿಸಿತ್ತು. ಇದಕ್ಕೆ ಪ್ರತ್ಯುತ್ತರ ನೀಡಲು ಮುಂದಾದ ಭಾರತ ತನ್ನಲ್ಲಿರುವ ಮಿಗ್‌- 21 ಯುದ್ಧ ವಿಮಾನಗಳನ್ನು ಕಳುಹಿಸಿಕೊಟ್ಟಿತ್ತು. ವಿಂಗ್ ಕಮಾಂಡರ್‌ ಅಭಿನಂದನ್ ಅತ್ಯಾಧುನಿಕ ಎಫ್‌ 16 ವಿಮಾನವನ್ನು ಹೊಡೆದುರುಳಿಸಿದ್ದರು. ಈ ವೇಳೆ ನಿಯಂತ್ರಣ ತಪ್ಪಿ ಪಾಕಿಸ್ತಾನದ ನೆಲದೊಳಗೆ ಬಿದ್ದಿದ್ದರು. ಸಿಕ್ಕಿದ್ದೆ ಸೀರುಂಡೆ ಎಂದು ಪಾಕಿಸ್ತಾನ ಸೈನಿಕರು ಅವರನ್ನು ಸೆರೆ ಹಿಡಿದಿದ್ದರು. ಇದು ಭಾರತದ ಆಕ್ರೋಶಕ್ಕೆ ಕಾರಣವಾಗಿತ್ತು. ಭಾರತ ಬಹಿರಂಗ ಎಚ್ಚರಿಕೆ ಕೂಡ ನೀಡಿತ್ತು.
from India & World News in Kannada | VK Polls https://ift.tt/3e8LUrC
