ಕುಂದಾಪುರ: ಕೋವಿಡ್‌ ಲಾಕ್‌ಡೌನ್‌ ಸಡಿಲಿಕೆ ಬಳಿಕ ಆರಂಭಗೊಂಡ ಮೀನುಗಾರಿಕೆ ಸುಧಾರಿತ ಹೆಜ್ಜೆ ಇಡುತ್ತಿರುವಾಗಲೆ ತಾಲೂಕಿನ ಗಂಗೊಳ್ಳಿ ಕಿರುಬಂದರು ವ್ಯಾಪ್ತಿಯಲ್ಲಿ ವ್ಯಾಪಕವಾಗಿ ಕಾಣಿಸಿಕೊಳ್ಳುತ್ತಿರುವ ಜಲ್ಲಿಫಿಶ್‌ ಆತಂಕ ತಂದಿರಿಸಿದೆ. ಸಣ್ಣ ಪುಟ್ಟ ಮೀನುಗಳನ್ನು ನುಂಗಿ ಹಾಕುವ ಇವುಗಳು ಮೀನುಗಾರರ ಬಲೆಗೆ ದೊಡ್ಡ ಮಟ್ಟದಲ್ಲಿ ಬೀಳುತ್ತಿದೆ. ಪರಿಸ್ಥಿತಿ ಮುಂದುವರಿದ್ದಲ್ಲಿ ಮಗದೊಮ್ಮೆ ಮತ್ಸ್ಯಕ್ಷಾಮ ಎದುರಾಗಬಹುದೆಂಬ ಆತಂಕ ಮೀನುಗಾರರದ್ದು. ಚಂದ್ರನ ಮಲ ಎಂದು ಸ್ಥಳೀಯವಾಗಿ ಕರೆಯಲ್ಪಡುವ ಜಲ್ಲಿಫಿಶ್‌ ಕಡಲಾಮೆಗೆ ಆಹಾರ. ಸೆಪ್ಟಂಬರ್‌ ಅವಧಿಯಲ್ಲಿ ಹೆಚ್ಚಾಗಿ ಕಡಲಾಮೆಗಳು ಮೊಟ್ಟೆ ಇಡಲು ತೀರಕ್ಕೆ ಬರುವ ಹೊತ್ತು. ಈ ಸಂದರ್ಭ ಜಲ್ಲಿಫಿಶ್‌ ಅವುಗಳ ಬಾಯಿಗೆ ಸೇರುತ್ತದೆ. ಆದರೆ ಈ ಬಾರಿ ಕಡಲಾಮೆ ದಡಕ್ಕೆ ಬಂದು ಮೊಟ್ಟೆ ಇಟ್ಟಿರುವ ಸಂಗತಿ ಎಲ್ಲಿಯೂ ವರದಿಯಾಗಿಲ್ಲ. ಹೆಚ್ಚುತ್ತಿರುವ ಆಳಸಮುದ್ರ ಮೀನುಗಾರಿಕೆಯಿಂದ ಕಡಲಾಮೆಗಳು ತೀರಕ್ಕೆ ಬಂದು ಮೊಟ್ಟೆ ಇಡುವ ಪದ್ಧತಿಗೆ ಮತ್ತು ಆ ಮೂಲಕ ಜಲ್ಲಿಫಿಶ್‌ಗೆ ತಡೆಯೊಡ್ಡುವ ನೈಸರ್ಗಿಕ ವಿದ್ಯಮಾನಕ್ಕೆ ಬ್ರೇಕ್‌ ಬಿದ್ದಿದೆ. ಮೀನುಗಾರಿಕೆ ಇಲಾಖೆ, ತಜ್ಞರು ಗಮನಹರಿಸಬೇಕು ದಿನೇಶ್‌ ಸಾರಂಗ ಮೀನುಗಾರ ಜಾಗೃತಿ ಸೆಪ್ಟಂಬರ್‌ ತಿಂಗಳ ಅವಧಿಯಲ್ಲಿ ಕಡಲಾಮೆಗಳು ಸ್ವಾಭಾವಿಕವಾಗಿ ಮೊಟ್ಟೆ ಇಡಲು ದಡ ಸೇರುವ ವಿದ್ಯಮಾನ ಈ ಬಾರಿ ಕುಂಠಿತಗೊಂಡಿದೆ. ಇದರಿಂದ ಜಲ್ಲಿಫಿಶ್‌ಗಳು ಸ್ವಚ್ಚಂದವಾಗಿ ಓಡಾಡಲು ಅನುಕೂಲವಾಗಿದೆ. ವಿದ್ಯಮಾನ ಗಂಭೀರವಾದುದು. ಎಫ್‌ಎಸ್‌ಎಲ್‌ ಇಂಡಿಯಾ ದಶಕಗಳಿಂದ ಕರಾವಳಿಯಲ್ಲಿ ಕಡಲಾಮೆ ಮತ್ತು ಅದರ ಮೊಟ್ಟೆಗಳ ಸಂರಕ್ಷಣೆ ಕಾರ್ಯ ನಡೆಸಿಕೊಂಡು ಬಂದಿದೆ. ಇದಕ್ಕೆ ಪೂರಕವಾಗಿ ಸಹಕರಿಸುತ್ತಲೆ ಬಂದಿದ್ದಾರೆ. ವಿದ್ಯಮಾನದ ಬಗ್ಗೆ ಸಂಬಂಧಿತ ಇಲಾಖೆಗಳು ಗಮನಹರಿಸಬೇಕು. ಸಂಸ್ಥೆ ವತಿಯಿಂದ ಮುಂದಿನ ವಾರ ಜಾಗೃತಿ ಅಭಿಯಾನ ನಡೆಯಲಿದೆ ವೆಂಕಟೇಶ್‌ ಎಫ್‌ಎಸ್‌ಎಲ್‌ ಇಂಡಿಯಾ ಸಂಯೋಜಕ ಕುಂದಾಪುರ.
from India & World News in Kannada | VK Polls https://ift.tt/35NSTTm
