ಮತ್ತು ಟರ್ಕಿಯಲ್ಲಿ ಸಂಭವಿಸಿದ 7.0 ತೀವ್ರತೆಯ ಹಾಗೂ 196 ನಂತರದ ಕಂಪನಗಳಲ್ಲಿ 26 ಜನರು ಅಸುನೀಗಿದ್ದು, 700ಕ್ಕೂ ಹೆಚ್ಚು ಜನರು ಗಾಯಗೊಂಡಿದ್ದಾರೆ. 196 ಕಂಪನಗಳಲ್ಲಿ 23ಕ್ಕೂ ಹೆಚ್ಚು ಕಂಪನಗಳು 4.0ಕ್ಕೂ ಹೆಚ್ಚು ತೀವ್ರವಾಗಿದ್ದವು. ಅಮೆರಿಕ ಜಿಯೋಲಾಜಿಕಲ್‌ ಸರ್ವೆ ಪ್ರಕಾರ ಭೂಕಂಪದ ಕೇಂದ್ರ ಗ್ರೀಕ್‌ನ ನಗರ ಕರ್ಲೊವಸಿಯಿಂದ 14 ಕಿಲೋ ಮೀಟರ್‌ ದೂರದಲ್ಲಿತ್ತು. ಭೂಕಂಪದಿಂದ ಟರ್ಕಿಯ ರೆಸಾರ್ಟ್‌ ಸಿಟಿ ಇಝ್ಮೈರ್‌ನಲ್ಲಿ ಭಾರಿ ಹಾನಿ ಉಂಟಾಗಿದ್ದು, ಕುಸಿದ ಅವಶೇಷಗಳಡಿಯಲ್ಲಿ ಹುಡುಕಾಟ ನಡೆಸಲಾಗುತ್ತಿದೆ. ಭೂಕಂಪದ ಸಣ್ಣ ಸುನಾಮಿಯೂ ಹುಟ್ಟಿಕೊಂಡಿದ್ದು ಇದರಿಂದ ಇಝ್ಮೈರ್‌ ಪ್ರಾಂತ್ಯದ ಸೆಫೆರಿಹಿಸಾರ್‌ ಜಿಲ್ಲೆಯಲ್ಲಿ ಪ್ರವಾಹ ಸೃಷ್ಟಿಯಾಗಿದೆ. ಇಲ್ಲಿ ಒಬ್ಬರು ಪ್ರವಾಹದಲ್ಲಿ ಮುಳುಗಿ ಸಾವನ್ನಪ್ಪಿದ್ದಾರೆ. ಪರಿಸ್ಥಿತಿಯನ್ನು ಸೂಕ್ಷ್ಮವಾಗಿ ಅವಲೋಕಿಸುತ್ತಿದ್ದೇವೆ ಎಂದು ವಿಶ್ವ ಆರೋಗ್ಯ ಸಂಸ್ಥೆಯ ಪ್ರಧಾನ ನಿರ್ದೇಶಕ ಟೆಡ್ರೋಸ್‌ ಅಧಾನೊಮ್‌ ಘೆಬ್ರೆಯೆಸುಸ್ ಹೇಳಿದ್ದಾರೆ. ಗ್ರೀಕ್‌ ಪ್ರಧಾನಿ ಕೈರಿಯಾಕೊಸ್‌ ಮಿಟ್ಸೊಟಕಿಸ್‌ ಅಧ್ಯಕ್ಷ ರೆಸಿಪ್‌ ತಯ್ಯಿಪ್‌ ಎರ್ಡೋಗನ್‌ ಅವರಿಗೆ ಕರೆ ಮಾಡಿದ್ದು, ನಿಧನರಾದವರಿಗೆ ಸಂತಾಪ ಸೂಚಿಸಿದ್ದಾರೆ. ಜೊತೆಗೆ ತಮ್ಮ ಬೆಂಬಲವನ್ನೂ ನೀಡಿದ್ದಾರೆ. ಈ ಹಿಂದೆ 1999ರಲ್ಲಿ ಟರ್ಕಿಯಲ್ಲಿ 7.4 ತೀವ್ರತೆಯ ಭೂಕಂಪ ಸಂಭವಿಸಿತ್ತು. ಇದರಲ್ಲಿ 17,000 ಜನರು ಸಾವನ್ನಪ್ಪಿದ್ದರು. ಇಸ್ತಾಂಬುಲ್‌ ನಗರವೊಂದರಲ್ಲೇ 1,000 ಜನರು ಅಸುನೀಗಿದ್ದರು. ಗ್ರೀಸ್‌ನಲ್ಲಿ ಜುಲೈ 2017ರಲ್ಲಿ ನಡೆದ ಭೂಕಂಪದಲ್ಲಿ ಇಬ್ಬರು ಸಾವನ್ನಪ್ಪಿದ್ದರು. ಅದಾದ ಬಳಿಕ ಇದೇ ಮೊದಲ ಬಾರಿಗೆ ಭೂಕಂಪ ಘಟಿಸಿದೆ.
from India & World News in Kannada | VK Polls https://ift.tt/3oDkRd7
