ಬೆಂಗಳೂರು: ವಿಧಾನಪರಿಷತ್ ನಾಲ್ಕು ಸ್ಥಾನಗಳಿಗೆ ಬುಧವಾರ ಚುನಾವಣೆ ನಡೆಯುತ್ತಿದ್ದ ಮತದಾನ ಆರಂಭಗೊಂಡಿದೆ. ಆಗ್ನೇಯ ಪದವೀಧರ, ಪಶ್ಚಿಮ ಪದವೀಧರ, ಈಶಾನ್ಯ ಶಿಕ್ಷಕರ ಮತ್ತು ಬೆಂಗಳೂರು ಶಿಕ್ಷಕರ ಕ್ಷೇತ್ರಕ್ಕೆ ಮತದಾನ ನಡೆಯುತ್ತಿದೆ. ಬುಧವಾರ ನಡೆಯುತ್ತಿರುವ ಚುನಾವಣೆಯಲ್ಲಿ ಆಗ್ನೇಯ ಪದವೀಧರ ಕ್ಷೇತ್ರದಲ್ಲಿ ಆರ್‌.ಚೌಡಾರೆಡ್ಡಿ(ಜೆಡಿಎಸ್), ರಮೇಶ್ ಬಾಬು (ಕಾಂಗ್ರೆಸ್), ಚಿದಾನಂದ ಗೌಡ( ) ಕಣದಲ್ಲಿದ್ದಾರೆ. ಇನ್ನು ಪಶ್ಚಿಮ ಪದವೀಧರ ಕ್ಷೇತ್ರದಲ್ಲಿ ಎಸ್‌.ವಿ ಸಂಕನೂರ ( ಬಿಜೆಪಿ) ಕುಬೇರಪ್ಪ( ಕಾಂಗ್ರೆಸ್) ಬಸವರಾಜ ಗುರಿಕಾರ( ಜೆಡಿಎಸ್) ಸ್ಪರ್ಧೆಯಲ್ಲಿದ್ದಾರೆ. ಅದೇ ರೀತಿ ಈಶಾನ್ಯ ಶಿಕ್ಷಕರ ಕ್ಷೇತ್ರದಲ್ಲಿ ಶರಣಪ್ಪ ಮಟ್ಟೂರ( ಕಾಂಗ್ರೆಸ್) ತಿಮ್ಮಪ್ಪ ಪುರ್ಲೆ (ಜೆಡಿಎಸ್) ಶಶಿಲ್ ನಮೋಶಿ (ಬಿಜೆಪಿ) ಸ್ಪರ್ಧೆ ನಡೆಸುತ್ತಿದ್ದರೆ ಬೆಂಗಳೂರು ಶಿಕ್ಷಕರ ಕ್ಷೇತ್ರದಿಂದ ಪುಟ್ಟಣ್ಣ( ಬಿಜೆಪಿ) ಎಂಪಿ ರಂಗನಾಥ್( ಜೆಡಿಎಸ್) ಹಾಗೂ ಪ್ರವೀಣ್ ಪೀಟರ್ ( ಕಾಂಗ್ರೆಸ್) ಕಣದಲ್ಲಿದ್ದಾರೆ. ಆಗ್ನೇಯ ಪದವೀಧರ ಕ್ಷೇತ್ರದಲ್ಲಿ 1.09,127 ಮತದಾರರಿದ್ದರೆ, ಪಶ್ಚಿಮ ಪದವೀಧರ ಕ್ಷೇತ್ರದಲ್ಲಿ 74,268 ಮತದಾರರಿದ್ದಾರೆ. ಈಶಾನ್ಯ ಶಿಕ್ಷಕರ ಕ್ಷೇತ್ರದಲ್ಲಿ 29,234 ಮಂದಿ ಮತದಾರರಿದ್ದರೆ ಬೆಂಗಳೂರು ಶಿಕ್ಷಕರ ಕ್ಷೇತ್ರದಲ್ಲಿ 22,089 ಮತದಾರರಿದ್ದಾರೆ. ಪರಿಷತ್ ಚುನಾವಣೆಯ ಫಲಿತಾಂಶ ನವೆಂಬರ್ 2 ಬರಲಿದೆ. ವಿಧಾನಪರಿಷತ್‌ಗೆ ಈ ಕ್ಷೇತ್ರಗಳಿಂದ ಆಯ್ಕೆಯಾದ ಸದಸ್ಯರ ಅವಧಿ ಜೂನ್ 30 ಕ್ಕೆ ಮುಕ್ತಾಯಗೊಂಡಿತ್ತು. ಕೊರೊನಾ ಸೋಂಕು ಕಾರಣದಿಂದಾಗಿ ಚುನಾವಣೆಯ ಅವಧಿಯನ್ನು ಮುಂದೂಡಲಾಗಿತ್ತು.
from India & World News in Kannada | VK Polls https://ift.tt/37Ohj1K
