ಎಸ್‌. ಜಿ. ಕುರ್ಯ, ಉಡುಪಿಉಡುಪಿಯ ಶ್ರೀಸುಗುಣೇಂದ್ರತೀರ್ಥ ಶ್ರೀಪಾದರು ಅಮೆರಿಕದಲ್ಲಿ ಐದು ಕ್ರಿಸ್ತ ಮಂದಿರವನ್ನು ಖರೀದಿಸಿ ದೇವಕಿಯ ಎಂಟನೇ ಗರ್ಭದಲ್ಲಿ ಜನಿಸಿದ ಶ್ರೀಕೃಷ್ಣನ ಮಂದಿರವಾಗಿ ಪರಿವರ್ತಿಸಿದ್ದಾರೆ. ಆಸ್ಪ್ರೇಲಿಯಾದಲ್ಲಿ ಎರಡು, ಲಂಡನ್‌ ಮತ್ತು ಕೆನಡಾದಲ್ಲಿ ತಲಾ ಒಂದು, ಅಮೆರಿಕದಲ್ಲಿ ಎಂಟು ಸಹಿತ ಒಟ್ಟು 12 ಶ್ರೀಕೃಷ್ಣ ಮಂದಿರವನ್ನು ನಿರ್ಮಿಸಿ ಭಾರತೀಯತೆ, ಆಧ್ಯಾತ್ಮದ ದಿಕ್ಕು ತೋರಲಾಗುತ್ತಿದೆ. ಭಾರತೀಯ ಪರಂಪರೆ ಪರಿಪಾಲಿಸಿ ಭಕ್ತರು, ಭಾರತೀಯರನ್ನು ಸನ್ಮಾರ್ಗದಲ್ಲಿ ಒಯ್ಯಲು ಸಾಗರೋಲ್ಲಂಘನ ಮಾಡಿದ ಶ್ರೀಕೃಷ್ಣ ನಿಜಾರ್ಥದಲ್ಲಿ ಜಗದ್ಗುರುವಾಗಿದ್ದಾನೆ. ಅಮೆರಿಕದ ಸಂವಿಧಾನ, ಡಾಲರ್‌ ನೋಟಲ್ಲೇ ವಿ ಟ್ರಸ್ಟ್‌ ಇನ್‌ ಗಾಡ್‌ ಎನ್ನುವ ಧ್ಯೇಯ ವಾಕ್ಯವಿದ್ದರೂ ಉದ್ಯೋಗ, ವಲಸೆ, ಪ್ರಗತಿಪರತೆ ಹಿನ್ನೆಲೆಯಲ್ಲಿ ಕ್ರೈಸ್ತ ಪ್ರಾರ್ಥನಾ ಮಂದಿರಕ್ಕೆ ತೆರಳುವವರ ಸಂಖ್ಯೆ ಕಡಿಮೆಯಾಗುತ್ತಿವೆ. ಪಾಳು ಬಿದ್ದ ಚರ್ಚುಗಳನ್ನು ಮಾರಾಟಕ್ಕಿಡಲಾಗುತ್ತಿದೆ, ಅಮೆರಿಕನ್ನರ ಹೊರತು ಐದು ಚರ್ಚು ಪುತ್ತಿಗೆ ಶ್ರೀಗಳ ಪಾಲಾಗಿದೆ. ಧಾರ್ಮಿಕ ವಿಧಿ ವಿಧಾನ, ವಾಸ್ತು ಹೋಮ ಸಹಿತವಾಗಿ ಭಾರತದಿಂದ ಒಯ್ದ ಶ್ರೀಕೃಷ್ಣನನ್ನೇ ವಿದೇಶದಲ್ಲಿರುವ ಶ್ರೀಕೃಷ್ಣ ವೃಂದಾವನ/ಮಂದಿರದಲ್ಲಿ ಪ್ರತಿಷ್ಠಾಪಿಸಲಾಗಿದೆ. ಅಮೆರಿಕದ ಭಾರತೀಯರಿಗೆ ನಿತ್ಯ ಜಪ, ತಪಾನುಷ್ಠಾನ, ಮಕ್ಕಳಿಗೆ ಪಾಠ ಪ್ರವಚನ, ಭಗವದ್ಗೀತೆ ತರಗತಿ ಸಹಿತ ಜ್ಞಾನ ಯಜ್ಞ, ಸತ್ಯನಾರಾಯಣ ಪೂಜೆ, ಮದುವೆಗೂ ಅವಕಾಶ ಕಲ್ಪಿಸಲಾಗಿದೆ. ಅರ್ಚಕರಿಗೆ ಚಲಿಸುವ ಮನೆ ಅಮೆರಿಕದ ಟೆಕ್ಸಾಸ್‌ ರಾಜ್ಯದ ಹ್ಯೂಸ್ಟನ್‌ ಮಹಾನಗರದ ಐದು ಎಕರೆಯಲ್ಲಿರುವ ಶ್ರೀಕೃಷ್ಣ ವೃಂದಾವನ ದುರಸ್ತಿ ಹಿನ್ನೆಲೆಯಲ್ಲಿ ಇಬ್ಬರು ಅರ್ಚಕರ ತಾತ್ಕಾಲಿಕ ಬಳಕೆಗಾಗಿ 1.50ಕೋಟಿ ರೂ. ವೆಚ್ಚದ ಐದು ಬೆಡ್‌ರೂಮಿನ ಚಲಿಸುವ ಮನೆ ಖರೀದಿಸಿದ್ದು ಶಾಶ್ವತ ನೂತನ ಮಂದಿರ ನಿರ್ಮಾಣದ ಬಳಿಕ ತಾತ್ಕಾಲಿಕ ಮನೆ ಸ್ಥಳಾಂತರವಾಗಲಿದೆ. ಶ್ರೀಕೃಷ್ಣನ ಭಕ್ತಿ, ಮಧ್ವರ ತತ್ವ ಸಿದ್ಧಾಂತ ಪ್ರಚಾರ ಪ್ರಸಾರ ಜಗದಗಲವಾಗಿ ಜನರ ಮನೆ ಮನ ಮುಟ್ಟಬೇಕು, ತಟ್ಟಬೇಕು. ವಸುದೈವ ಕುಟುಂಬಕಂ ನೆಲೆಯಲ್ಲಿ ಭಯೋತ್ಪಾದನೆ ಅಳಿದು ಶಾಂತಿ, ಸೌಹಾರ್ದ, ಭ್ರಾತೃತ್ವ ನೆಲೆಸಬೇಕು. ಶ್ರೀಸುಗುಣೇಂದ್ರತೀರ್ಥ ಶ್ರೀಪಾದರು, ಪುತ್ತಿಗೆ ಮಠ, ಉಡುಪಿ(ಮೊಕ್ಕಾಂ ಅಮೆರಿಕ) ಹಿಂದೂ ಪರಂಪರೆ, ಭಾರತೀಯರ ಬಗ್ಗೆ ಅಮೆರಿಕನ್ನರಿಗೆ ಅಪಾರ ಗೌರವವಿದೆ. ಭಕ್ತಿ, ಪ್ರೀತಿಗೆ ಗಡಿಗಳಿಲ್ಲ. ಎಲ್ಲರಲ್ಲಿರುವ ದೇವರೊಬ್ಬನೇ. ನಮ್ಮತನ ಉಳಿಸಿ ಬೆಳೆಸಿ ಜೀವನದ ಯಶಸ್ಸಿನ ಸೂತ್ರವನ್ನು ಅಳವಡಿಸಿಕೊಳ್ಳಬೇಕು. ಪ್ರಸನ್ನ ಆಚಾರ್ಯ, ದಿವಾನರು, ಪುತ್ತಿಗೆ ಮಠ, ಉಡುಪಿ(ಮೊಕ್ಕಾಂ ಅಮೆರಿಕ)
from India & World News in Kannada | VK Polls https://ift.tt/37Wr3Hj
