ಮುದ್ದೇಬಿಹಾಳ: ಸ್ವಾತಂತ್ರ್ಯಾನಂತರ 72 ವರ್ಷಗಳಲ್ಲಿ ಕಾಂಗ್ರೆಸ್‌ ಪಕ್ಷಕ್ಕೆ ಒಬ್ಬ ಅರ್ಹ ಮುಸ್ಲಿಂ ಅಧ್ಯಕ್ಷ ಆಗದೇ ಹೋದದ್ದು ಬೇಸರ ತಂದಿದೆ. ಕುರುಬರು ಎಂಎಲ್‌ಎ ಆಗಲ್ಲ ಎಂಬ ಮಾತು ಕೇಳಿಯೇ ಜಿದ್ದಿಗೆ ಬಿದ್ದು, ಕುರುಬರನ್ನು ಮುಖ್ಯಮಂತ್ರಿ ಮಾಡಿದೆ. ಇದಕ್ಕಾಗಿಯೇ ಮಲ್ಲಿಕಾರ್ಜುನ ಖರ್ಗೆ ಹಾಗೂ ಎಚ್‌ಡಿ ಕುಮಾರಸ್ವಾಮಿ ಅವರ ವಿರೋಧ ಕಟ್ಟಿಕೊಂಡೆ ಎಂದು ಕೇಂದ್ರದ ಮಾಜಿ ಸಚಿವ ಹೇಳಿದರು. ಪಟ್ಟಣದ ಟಾಪ್‌ ಇನ್‌ ಟೌನ್‌ ಕಲ್ಯಾಣ ಮಂಟಪದಲ್ಲಿ ಭಾನುವಾರ ನಡೆದ ಕರ್ನಾಟಕ ಮುಸ್ಲಿಂ ಕೌನ್ಸಿಲ್‌ ಹಾಗೂ ಸಿ.ಎಂ.ಇಬ್ರಾಹಿಂ ಸ್ವಾಭಿಮಾನಿ ಬಳಗದ ವಿಜಯಪುರ ಹಾಗೂ ಬಾಗಲಕೋಟೆ ಜಿಲ್ಲೆಯ ಪದಾಧಿಕಾರಿಗಳ ಸಭೆಯಲ್ಲಿ ಅವರು ಮಾತನಾಡಿದರು. ನನಗೆ ಯಾರ ಬಗ್ಗೆಯೂ ದ್ವೇಷ, ಅಸೂಯೆ, ಸಿಟ್ಟು, ಸೆಡವು ಇಲ್ಲ, ಎಲ್ಲ ಪಕ್ಷಗಳಲ್ಲಿ ನನಗೆ ಒಳ್ಳೆಯ ಸ್ನೇಹಿತರಿದ್ದಾರೆ. ಕಾಂಗ್ರೆಸ್‌ ಬಗ್ಗೆ ತಿರಸ್ಕಾರವಿಲ್ಲ, ಆದರೆ ಬೇಸರ ಇದೆ. ಯೋಜನಾ ಆಯೋಗದ ಉಪಾಧ್ಯಕ್ಷನಾಗಿ ನಾನು ಒಳ್ಳೆಯ ಕೆಲಸ ಮಾಡಿರುವೆ ಎಂದರು. ಮುಸ್ಲಿಂರನ್ನ ಎಲ್ಲರೂ ಬಳಸಿಕೊಂಡಿದ್ದಾರೆ. ಆದರೆ ನ್ಯಾಯ ಕೊಟ್ಟಿಲ್ಲ ಎಂದ ಇಬ್ರಾಹಿಂ, ಈಗ ನನ್ನನ್ನು ನಂಬಿರುವ ಸಮಾಜಕ್ಕೆ ಸರಿದಾರಿ ತೋರುವ ಜವಾಬ್ದಾರಿ ನನ್ನ ಮೇಲಿದೆ, ಪ್ರಯತ್ನ ನನ್ನದು, ಆಶೀರ್ವಾದ ನಿಮ್ಮದು, ನಾನಂತೂ ಹೊರಟಿದ್ದೇನೆ, ಯಾರ ಮೇಲೂ ಒತ್ತಾಯವಿಲ್ಲ, ಸರಿ ಎನ್ನಿಸಿದರೆ ನನ್ನ ಹಿಂದೆ ಬನ್ನಿ. ರಾಜ್ಯದಾದ್ಯಂತ ಸಂಚರಿಸುತ್ತಿದ್ದೇನೆ, ಲಿಂಗಾಯತರ, ಕುರುಬರ, ಮುಸ್ಲಿಂ ಹಾಗೂ ಹಿಂದುಳಿದವರ ಸಭೆಯನ್ನು ಮಾರ್ಚ್ ಅಂತ್ಯಕ್ಕೆ ಬೆಂಗಳೂರಿನಲ್ಲಿ ಕರೆದು ಅಂತಿಮ ತೀರ್ಮಾನ ತೆಗದುಕೊಳ್ಳುತ್ತೇನೆ ಎಂದು ತಿಳಿಸಿದರು.
from India & World News in Kannada | VK Polls https://ift.tt/36zP7xX
