ಹೊಸದಿಲ್ಲಿ: ಭವಿಷ್ಯ ನಿಧಿಗೆ ಆರ್ಥಿಕ ವರ್ಷವೊಂದರಲ್ಲಿ 2.5ಲಕ್ಷ ರೂ. ಅಥವಾ ಅದಕ್ಕಿಂತ ಹೆಚ್ಚಿನ ವಂತಿಗೆ ನೀಡುವವರಿಗೆ, ಈ ಮೊತ್ತದ ಮೇಲೆ ಮುಂದಿನ ವರ್ಷ ಗಳಿಸುವ ಬಡ್ಡಿಗೆ ವಿನಾಯಿತಿ ಲಭಿಸುವುದಿಲ್ಲ ಎಂದು ಸರ್ಕಾರ ಹೇಳಿದೆ. 2021ರ ಬಜೆಟ್ ಮಂಡಿಸಿದ ಕೇಂದ್ರ ವಿತ್ತ ಸಚಿವೆ , ಅಧಿಕ ಆದಾಯವಿರುವ ಉದ್ಯೋಗಿಗಳೂ ತೆರಿಗೆ ವಿನಾಯಿತಿ ಪಡೆಯುತ್ತಿರುವುದನ್ನು ಗಮನಿಸಿ, ಭವಿಷ್ಯನಿಧಿಗೆ ವಾರ್ಷಿಕ 2.5 ಲಕ್ಷ ರೂ. ಮಿತಿಯೊಳಗೆ ವಂತಿಗೆ ನೀಡುವ ಉದ್ಯೋಗಿಗಳಿಗೆ ಮಾತ್ರ ಇನ್ನು ಸೌಲಭ್ಯ ಮುಂದುವರಿಸಲು ಸರ್ಕಾರ ನಿರ್ಧರಿಸಿದೆ ಎಂದಿದ್ದಾರೆ. ಪ್ರಸಕ್ತ, ಉದ್ಯೋಗಿಗಳು ಭವಿಷ್ಯನಿಧಿಗೆ ಪಡೆಯುವ ಬಡ್ಡಿಗೆ ತೆರಿಗೆ ವಿನಾಯಿತಿ ಇದೆ. ಸರ್ಕಾರದ ಈ ಕ್ರಮದಿಂದ ಕಾರ್ಮಿಕರ ಮೇಲೆ ಪರಿಣಾಮವಾಗದು ಎಂದು ಸಚಿವೆ ಹೇಳಿದ್ದಾರೆ.
from India & World News in Kannada | VK Polls https://ift.tt/3ato60a
