ರಾಮನಗರ: ನಗರಸಭೆಯಲ್ಲಿ ಭ್ರಷ್ಟಾಚಾರ ಹಾಗೂ ಸ್ಥಳಾಂತರವನ್ನು ವಿರೋಧಿಸಿ ಶನಿವಾರ ನಡೆದ ರಾಮನಗರ ಟೌನ್ ಬಂದ್ನಿಂದಾಗಿ, ರಾಮನಗರ ಮಾರುಕಟ್ಟೆ ಸಂಪೂರ್ಣ ಸ್ತಬ್ಧವಾಗಿತ್ತು. ಹೀಗಾಗಿ ರೇಷ್ಮೆ ಉದ್ಯಮಕ್ಕೆ 1.30 ಕೋಟಿ ರೂ. ನಷ್ಟವಾಗಿದೆ. ಬಂದ್ ಕುರಿತು ರೀಲರ್ಸ್ ಆಸೋಷಿಯನ್ ಪದಾಧಿಕಾರಿಗಳು ಕಳೆದ ಮೂರ್ನಾಲ್ಕು ದಿನಗಳಿಂದ ವ್ಯಾಪಕ ಪ್ರಚಾರ ನಡೆಸಿದ್ದರಿಂದ ರೇಷ್ಮೆ ಬೆಳೆಗಾರರು ಶನಿವಾರ ಮಾರುಕಟ್ಟೆಯತ್ತ ತಲೆಹಾಕಲಿಲ್ಲ. ಹೀಗಾಗಿ ಮಾರುಕಟ್ಟೆಯಲ್ಲಿ ವ್ಯವಹಾರ ಸಂಪೂರ್ಣ ಸ್ಥಗಿತಗೊಂಡಿತ್ತು. ಗೂಡು ಆಗಮಿಸಲೇ ಇಲ್ಲ ನಿತ್ಯ ಮಾರುಕಟ್ಟೆ ರಾಮನಗರ ಜಿಲ್ಲೆ ಸೇರಿದಂತೆ ಕೋಲಾರ, ತಮಿಳುನಾಡು, ಆಂಧ್ರ ಪ್ರದೇಶ ಮಹಾರಾಷ್ಟ್ರದಿಂದಲೂ ರೈತರು ಮಾರಾಟಕ್ಕೆಂದು ಆಗಮಿಸುತ್ತಿದ್ದರು. ಆದರೇ, ಶನಿವಾರ ಬಂದ್ನಿಂದ ಮಾರುಕಟ್ಟೆಗೆ ಯಾರೂ ಬಂದಿರಲಿಲ್ಲ. ಕೆಲಸ ನಿರ್ವಹಿಸಿದ ಅಧಿಕಾರಿಗಳು ಆದರೆ, ಅಧಿಕಾರಿಗಳು ಮಾತ್ರ ಗೂಡು ವಹಿವಾಟಿಗೆ ಬೇಕಾದ ಎಲ್ಲಾ ಸಿದ್ಧತೆ ಮಾಡಿಕೊಂಡಿದ್ದರು. ಒಂದೊಮ್ಮೆ ಬಂದ್ ಕರೆ ನಿರ್ಲಕ್ಷಿಸಿ ರೈತರು ಗೂಡಿನೊಂದಿಗೆ ಮಾರುಕಟ್ಟೆಗೆ ಬಂದರೆ ವಹಿವಾಟು ನಡೆಸಲು ಬೇಕಾದ ಎಲ್ಲಾ ವ್ಯವಸ್ಥೆಯನ್ನೂ ಅಧಿಕಾರಿಗಳು ಮಾಡಿಕೊಂಡಿದ್ದರು. ಮಾರುಕಟ್ಟೆ ಸಿಬ್ಬಂದಿಯೂ ಸಂಜೆ ನಾಲ್ಕು ಗಂಟೆವರೆಗೆ ಕೆಲಸ ಮಾಡಿ ಯಾರು ಬರದಿದ್ದುದರಿಂದ ಮನೆಗೆ ತೆರಳಿದರು. ಶನಿವಾರ 30 ಟನ್ ವಹಿವಾಟು ರಾಮನಗರ ರೇಷ್ಮೆ ಮಾರುಕಟ್ಟೆಯಲ್ಲಿ ನಿತ್ಯ 20ರಿಂದ 30 ಟನ್ ಗೂಡು ವಾಹಿವಾಟು ನಡೆಯುತ್ತದೆ. ನಿತ್ಯ ಒಂದು ಕೋಟಿಗೂ ಅಧಿಕ ಹಣ ಕೈ ಬದಲಾವಣೆಯಾಗುತ್ತಿತ್ತು. ಒಟ್ಟಾರೆ ವ್ಯವಹಾರವನ್ನು ಪರಿಗಣಿಸಿ ಹೇಳುವುದಾದರೆ ಬಂದ್ನಿಂದ ರೇಷ್ಮೆ ಉದ್ಯಮಕ್ಕೆ 1.30 ಕೋಟಿ ರೂ.ನಷ್ಟ ಸಂಭವಿಸಿದೆ. ಆವಕ ಹೆಚ್ಚಾಗಲಿದೆ ಶನಿವಾರ ಬಂದ್ ಇದ್ದ ಕಾರಣ ಭಾನುವಾರ ಮಾರುಕಟ್ಟೆಗೆ ಹೆಚ್ಚಿನ ಗೂಡು ಆವಕ ಆಗಲಿದೆ ಎಂಬುದು ಅಧಿಕಾರಿಗಳ ಅಭಿಪ್ರಾಯ. ನಿತ್ಯ 25 ಟನ್ ವಹಿವಾಟು ನಡೆಯುತ್ತಿದ್ದರೇ, ಭಾನುವಾರ 30ಕ್ಕೂ ಹೆಚ್ಚು ಟನ್ ಗೂಡು ಮಾರುಕಟ್ಟೆ ಬರಬಹುದು ಎಂಬುದು ಅಧಿಕಾರಿಗಳ ಅಂದಾಜು. ಬೇರೆ ಮಾರುಕಟ್ಟೆಗೆ ಬಂದ್ನಿಂದಾಗಿ ಕೆಲವು ರೈತರು ಕನಕಪುರ, ಚನ್ನಪಟ್ಟಣ ಹಾಗೂ ಕೊಳ್ಳೇಗಾಲ ರೇಷ್ಮೆ ಮಾರುಕಟ್ಟೆಗೆ ಗೂಡನ್ನು ಕೊಂಡೊಯ್ದಿದ್ದಾರೆ. ಬಣಗುಟ್ಟಿದ ಮಾರುಕಟ್ಟೆಗೂಡು ಮಾರಲು ಬರುವ ರೈತರು, ಕೊಳ್ಳಲು ಬರುವ ರೀಲರ್ಸ್ ಗಳಿಂದ ನಿತ್ಯ ಗಿಜಿಗುಡುತ್ತಿದ್ದ ರಾಮನಗರ ರೇಷ್ಮೆ ಮಾರುಕಟ್ಟೆ ಶನಿವಾರ ಜನರಿಲ್ಲದೇ ಬಣಗುಡುತ್ತಿತ್ತು.ಕೇವಲ ಅಧಿಕಾರಿಗಳು ಮತ್ತು ಸಿಬ್ಬಂದಿ ಮಾತ್ರ ಕೆಲಸಕ್ಕೆ ಹಾಜರಾಗಿದ್ದರು. ವಹಿವಾಟು ನಡೆದಿಲ್ಲದ ಕಾರಣ ಅವರಿಗೂ ಕೆಲಸವಿಲ್ಲದೇ ಸುಮ್ಮನೆ ಕುಳಿತಿದ್ದರು. ರಾಮನಗರ ರೇಷ್ಮೆ ಮಾರುಕಟ್ಟೆ ಬಂದ್ ಮಾಡುವ ಕುರಿತು ರೀಲರ್ಸ್ಗಳೇ ಆವರಣದಲ್ಲಿ ಬ್ಯಾನರ್ ಹಾಕಿದ್ದರು. ಇನ್ನು ಶನಿವಾರ ರೈತರು ಮಾರುಕಟ್ಟೆಗೆ ಆಗಮಿಸಿದರೇ, ವಹಿವಾಟು ನಡೆಸಲು ಸಿಬ್ಬಂದಿಗಳು ಹಾಜರಾಗಿದ್ದರು. ಅದರೆ, ಯಾವ ರೈತರು ಮಾರುಕಟ್ಟೆಗೆ ಆಗಮಿಸಿರಲಿಲ್ಲ. ಮುನ್ಷಿ ಬಸಯ್ಯ, ಉಪನಿರ್ದೇಶಕ, ರೇಷ್ಮೆ ಮಾರುಕಟ್ಟೆ, ರಾಮನಗರ
from India & World News in Kannada | VK Polls https://ift.tt/3sgqejw
