ಆ್ಯಂಟಿಗುವಾ: ಆತಿಥೇಯ ವೆಸ್ಟ್ಇಂಡೀಸ್ ವಿರುದ್ಧ ನಡೆಯುತ್ತಿರುವ ಮೊದಲ ಟೆಸ್ಟ್ ಪಂದ್ಯದ ಪ್ರಥಮ ಇನ್ನಿಂಗ್ಸ್ನಲ್ಲೇ ಐದು ವಿಕೆಟ್ ಸಾಧನೆ ಮಾಡಿರುವ ಭಾರತದ ಬಲಗೈ ವೇಗಿ , ಮಾಜಿ ಸ್ಪಿನ್ ದಿಗ್ಗಜ ಹಾಗೂ ದಾಖಲೆಯೊಂದನ್ನು ಸರಿಗಟ್ಟಿದ್ದಾರೆ. ವೆಸ್ಟ್ಇಂಡೀಸ್ ಬೆನ್ನಲುಬು ಮುರಿದ ಇಶಾಂತ್ ಎರಡನೇ ದಿನದಾಟದಲ್ಲಿ 42 ರನ್ ತೆತ್ತು ಪ್ರಮುಖ ಐದು ವಿಕೆಟುಗಳನ್ನು ಕಬಳಿಸಿದ್ದರು. ಇದರೊಂದಿಗೆ ಭಾರತ ಹಿಡಿತ ಸಾಧಿಸುವಲ್ಲಿ ನೆರವಾಗಿದ್ದರು. ಈ ಮೂಲಕ ವೆಸ್ಟ್ಇಂಡೀಸ್ ನೆಲದಲ್ಲಿ ಅತಿ ಹೆಚ್ಚು ಬಾರಿ ಐದು ವಿಕೆಟ್ ಪಡೆದ ಭಾರತೀಯ ಬೌಲರ್ಗಳ ಸಾಲಿನಲ್ಲಿ ಕುಂಬ್ಳೆ ಹಾಗೂ ಭಜ್ಜಿ ದಾಖಲೆಯನ್ನು ಇಶಾಂತ್ ಸರಿಗಟ್ಟಿದ್ದಾರೆ. ಇಶಾಂತ್ ಇದೀಗ ಮೂರನೇ ಬಾರಿಗೆ ವಿಂಡೀಸ್ ನೆಲದಲ್ಲಿ ಐದು ವಿಕೆಟ್ ಸಾಧನೆ ಮಾಡಿದ್ದಾರೆ. ಹಾಗೆಯೇ ಒಟ್ಟಾರೆಯಾಗಿ ಕೆರೆಬಿಯನ್ ನಾಡಿನಲ್ಲಿ 35 ವಿಕೆಟುಗಳನ್ನು ಕಬಳಿಸಿದ್ದಾರೆ. ಇದರೊಂದಿಗೆ ಭಾರತೀಯ ಬೌಲರ್ಗಳ ಪೈಕಿ ವಿಂಡೀಸ್ನಲ್ಲಿ ಅತಿ ಹೆಚ್ಚುವಿಕೆಟುಗಳನ್ನು ಪಡೆದ ಸಾಲಿನಲ್ಲಿ ನಾಲ್ಕನೇ ಸ್ಥಾನದಲ್ಲಿದ್ದಾರೆ. ಅಂದ ಹಾಗೆ ಟೆಸ್ಟ್ ಕ್ರಿಕೆಟ್ನಲ್ಲಿ ಇಶಾಂತ್ ಒಂಬತ್ತನೇ ಬಾರಿಗೆ ಐದರ ಗೊಂಚಲು ಪಡೆಯುತ್ತಿದ್ದಾರೆ. 91 ಟೆಸ್ಟ್ ಪಂದ್ಯಗಳ ಅನುಭವ ಹೊಂದಿರುವ 30ರ ಹರೆಯದ ಇಶಾಂತ್ ಒಟ್ಟು 272 ವಿಕೆಟುಗಳನ್ನು ಕಬಳಿಸಿದ್ದಾರೆ. ಇದರಲ್ಲಿ ಪಂದ್ಯವೊಂದರಲ್ಲಿ 10 ವಿಕೆಟ್ ಸಹ ಸೇರಿದೆ. ಇಶಾಂತ್ ಜೀವನಶ್ರೇಷ್ಠ ಬೌಲಿಂಗ್ ಸಾಧನೆ 7/74 ಆಗಿದೆ. ಈ ಮುನ್ನ ಬ್ಯಾಟಿಂಗ್ನಲ್ಲೂ 62 ಎಸೆತಗಳನ್ನು ಎದುರಿಸಿದ್ದ ಇಶಾಂತ್ 19 ರನ್ಗಳ ಉಪಯುಕ್ತ ಇನ್ನಿಂಗ್ಸ್ ಕಟ್ಟಿದ್ದರು. ಅಲ್ಲದೆ ಎಂಟನೇ ವಿಕೆಟ್ಗೆ ರವೀಂದ್ರ ಜಡೇಜಾ ಜತೆಗೆ 60 ರನ್ಗಳ ಅಮೂಲ್ಯ ಜತೆಯಾಟದಲ್ಲಿ ಭಾಗಿಯಾಗಿದ್ದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2U1dEEB
