ಮೈಸೂರು: ಎಂಟನೇ ಆವೃತ್ತಿಯ ಟ್ವೆಂಟಿ-20 ಕ್ರಿಕೆಟ್ ಟೂರ್ನಮೆಂಟ್‌ನಲ್ಲಿ ಶನಿವಾರ ನಡೆದ ಜಿದ್ದಾಜಿದ್ದಿನ ಫೈನಲ್ ಮುಖಾಮುಖಿಯಲ್ಲಿ ವಿರುದ್ಧ ಎಂಟು ರನ್ ಅಂತರದ ಗೆಲುವು ದಾಖಲಿಸಿರುವ , ಮೊತ್ತ ಮೊದಲ ಬಾರಿಗೆ ಕಿರೀಟಕ್ಕೆ ಮುತ್ತಿಕ್ಕಿದೆ. ಮೈಸೂರಿನ ಶ್ರೀಕಂಠದತ್ತ ನರಸಿಂಹ ರಾಜ ಒಡೆಯರ್ ಮೈದಾನದಲ್ಲಿ ನಡೆದ ಫೈನಲ್ ಮುಖಾಮುಖಿಯಲ್ಲಿ ಬ್ಯಾಟಿಂಗ್ ಹಾಗೂ ಬೌಲಿಂಗ್‌ನಲ್ಲಿ ಸಾಂಘಿಕ ಪ್ರದರ್ಶನ ನೀಡಿರುವ ವಿನಯ್ ಕುಮಾರ್ ಬಳಗವು ಟ್ರೋಫಿ ಗೆಲ್ಲುವ ಮೂಲಕ ದಾಖಲೆ ಬರೆದಿದೆ. ಮೊದಲು ಬ್ಯಾಟಿಂಗ್ ನಡೆಸಿದ ಹುಬ್ಬಳ್ಳಿ ಟೈಗರ್ಸ್ ಆರು ವಿಕೆಟ್ ನಷ್ಟಕ್ಕೆ 152 ರನ್‌ಗಳ ಸ್ಪರ್ಧಾತ್ಮಕ ಮೊತ್ತ ಪೇರಿಸಿತ್ತು. ಬಳಿಕ ಗುರಿ ಬೆನ್ನಟ್ಟಿದ ಬಳ್ಳಾರಿ ಟಸ್ಕರ್ಸ್ ದೇವದತ್ ಪಡಿಕ್ಕಲ್ (68) ಹೋರಾಟದ ಹೊರತಾಗಿಯೂ ನಿಗದಿತ ಓವರ್‌ಗಳಲ್ಲಿ ವಿಕೆಟ್ ನಷ್ಟಕ್ಕೆ ರನ್ ಗಳಿಸಲಷ್ಟೇ ಶಕ್ತವಾಗಿತ್ತು. ಇನ್ನೊಂದೆಡೆ ಮೊದಲು ಬ್ಯಾಟಿಂಗ್‌ನಲ್ಲಿ 47 ರನ್ ಹಾಗೂ ಬಳಿಕ ಬೌಲಿಂಗ್‌ನಲ್ಲೂ ಮೂರು ವಿಕೆಟ್ ಪಡೆದ ಆದಿತ್ಯ ಸೋಮಣ್ಣ ಹುಬ್ಬಳ್ಳಿ ಟೈಗರ್ಸ್ ಪಾಲಿಗೆ ನೈಜ ಹೀರೊ ಎನಿಸಿಕೊಂಡರು. ಇದರೊಂದಿಗೆ ಎರಡು ವರ್ಷಗಳ ಹಿಂದೆ ಫೈನಲ್‌ನಲ್ಲಿ ಬಳ್ಳಾರಿ ಟಸ್ಕರ್ಸ್ ವಿರುದ್ಧವೇ ಎದುರಾದ ಸೋಲಿಗೆ ಸೇಡು ತೀರಿಸಿಕೊಂಡಿದೆ. 2016 ಹಾಗೂ 2017ನೇ ಆವೃತ್ತಿಗಳಲ್ಲಿ ರನ್ನರ್-ಅಪ್ ಪ್ರಶಸ್ತಿ ಗೆದ್ದಿರುವ ಬಳ್ಳಾರಿ ಟಸ್ಕರ್ಸ್ ಇದೀಗ ಮೂರನೇ ಪ್ರಯತ್ನದಲ್ಲಿ ಚಾಂಪಿಯನ್ ಎನಿಸಿಕೊಂಡಿದೆ. ಸವಾಲಿನ ಮೊತ್ತ ಬೆನ್ನಟ್ಟಿದ ಬಳ್ಳಾರಿ ಟಸ್ಕರ್ಸ್ ಆರಂಭವೂ ಉತ್ತಮವಾಗಿರಲಿಲ್ಲ. ಅಭಿಷೇಕ್ ರೆಡ್ಡಿ (2) ಹೊರದಬ್ಬಿದ ಅಭಿಲಾಷ್ ಶೆಟ್ಟಿ ಆಘಾತ ನೀಡಿದರು. ಇದಾದ ಬೆನ್ನಲ್ಲೇ ಮಿತ್ರಕಾಂತ್ ಯಾದವ್ ಬಲೆಗೆ ಕೆ ಗೌತಮ್ (1) ಬಿದ್ದರು. ಪರಿಮಾಮ 8 ರನ್ ಗಳಿಸುವಷ್ಟರಲ್ಲಿ ಎರಡು ವಿಕೆಟ್ ಕಳೆದುಕೊಂಡು ಭಾರಿ ಸಂಕಷ್ಟಕ್ಕೆ ಸಿಲುಕಿತು. ಉತ್ತಮವಾಗಿ ಆಡುತ್ತಿದ್ದ ಭವೇಷ್ ಗುಲೆಚಾ (15) ಹೊರದಬ್ಬಿದ ಅಭಿಲಾಷ್ ಮಗದೊಂದು ಆಘಾತ ನೀಡಿದರು. ಈ ಹಂತದಲ್ಲಿ ಜತೆಗೂಡಿದ ನಾಯಕ ಸಿಎಂ ಗೌತಮ್ ಹಾಗೂ ದೇವದತ್ ಪಡಿಕ್ಕಲ್ ತಂಡವನ್ನು ಮುನ್ನಡೆಸಿದರು. ದೇವದತ್ ಬಿರುಸಿನ ಆಟವನ್ನು ಪ್ರದರ್ಶಿಸಿದರೆ ಗೌತಮ್ ಎಚ್ಚರಿಕೆಯ ಬ್ಯಾಟಿಂಗ್ ಪ್ರದರ್ಶಿಸುವ ಮೂಲಕ ನಾಯಕನ ಇನ್ನಿಂಗ್ಸ್ ಕಟ್ಟಿದರು. 10 ಓವರ್‌ಗಳ ವೇಳೆಗೆ ಬಳ್ಳಾರಿ ಸ್ಕೋರ್ 59/3. ಕೆಪಿಎಲ್ 2019ರಲ್ಲಿ ಅತಿ ಹೆಚ್ಚು ರನ್ ಗಳಿಸಿದ ಹೆಗ್ಗಳಿಕೆಗೆ ಪಾತ್ರವಾಗಿರುವ ಪಡಿಕ್ಕಲ್ 37 ಎಸೆತಗಳಲ್ಲಿ ಅರ್ಧಶತಕ ಸಾಧನೆ ಮಾಡಿದರು. ಹಾಗೆಯೇ ನಾಯಕನ ಜತೆಗೆ 75 ರನ್‌ಗಳ ಜತೆಯಾಟದಲ್ಲಿ ಭಾಗಿಯಾದರು. ಈ ನಡುವೆ ನಾಯಕ ಗೌತಮ್ ವಿಕೆಟ್ ಕಬಳಿಸಿದ ಶ್ರೇಯಸ್ ಗೋಪಾಲ್ ತಂಡಕ್ಕೆ ನಿರ್ಣಾಯಕ ಬ್ರೇಕ್ ನೀಡಿದರು. ಈ ವೇಳೆಯಲ್ಲಿ ಬಳ್ಳಾರಿ ಸ್ಕೋರ್ 15 ಓವರ್‌ಗಳಲ್ಲಿ 100/4. ಅಂದರೆ ಅಂತಿಮ ಐದು ಓವರ್‌ಗಳಲ್ಲಿ ಗೆಲುವಿಗೆ 53 ರನ್‌ಗಳ ಅವಶ್ಯಕತೆಯಿತ್ತು. ಸಿಎ ಕಾರ್ತಿಕ್ (3) ಹಾಗೂ ಜೀಶನ್ ಅಲಿ ಸಯ್ಯದ್ (0) ಅವರಿಗೂ ಹೆಚ್ಚೇನು ಮಾಡಲಾಗಲಿಲ್ಲ. ಇನ್ನೊಂದೆಡೆ ಕ್ರೀಸಿನಲ್ಲಿ ನೆಲೆಯೂರಿ ನಿಂತಿದ್ದ ದೇವದತ್ ಪಡಿಕ್ಕಲ್ ಹೋರಾಟವನ್ನು ಕೈಬಿಡಲಿಲ್ಲ. ತಾವೇ ಭವಿಷ್ಯದ ನೈಜ ತಾರೆ ಎಂಬುದನ್ನು ಸಾಬೀತು ಮಾಡಿದ ದೇವದತ್ ಅತಿ ಒತ್ತಡದ ಪರಿಸ್ಥಿತಿಯಲ್ಲೂ ತಾಳ್ಮೆಯನ್ನು ಪರಿಚಯಿಸುವ ಮೂಲಕ ಗಮನ ಸೆಳೆದರು. ಭಾರತದ ವಿಶ್ವಕಪ್ ಹೀರೊ ಯುವರಾಜ್ ಸಿಂಗ್ ಅದೇ ಬ್ಯಾಟಿಂಗ್ ಶೈಲಿಯನ್ನು ಹೋಲುವ ಪಡಿಕ್ಕಲ್, ಏಕಾಂಗಿ ಹೋರಾಟ ನೀಡುವ ಮೂಲಕ ಉಜ್ವಲ ಭವಿಷ್ಯವನ್ನು ಸಾರಿದರು. ಆದರೆ ಕೊನೆಯ ಹಂತದಲ್ಲಿ ಸಹ ಆಟಗಾರರಿಂದ ಸೂಕ್ತ ಬೆಂಬಲ ಸಿಗದೇ ಹಿನ್ನಡೆ ಅನುಭವಿಸಿದರು. ಆಂತಿಮ ಎರಡು ಓವರ್‌ಗಳಲ್ಲಿ ಗೆಲುವಿಗೆ 27 ರನ್ ಅಗತ್ಯವಿತ್ತು. ಈ ಹಂತದಲ್ಲಿ ದೇವದತ್ ವಿಕೆಟ್ ಒಪ್ಪಿಸುವುದರೊಂದಗೆ ಬಳ್ಳಾರಿ ಹೋರಾಟವು ಕೊನೆಗೊಂಡಿತು. ಅಂತಿಮವಾಗಿ 20 ಓವರ್‌ಗಳಲ್ಲಿ 144 ರನ್‌ಗಳಿಗೆ ಆಲೌಟಾಯಿತು. 48 ಎಸೆತಗಳನ್ನು ಎದುರಿಸಿದ ದೇವದತ್ ಎಂಟು ಬೌಂಡರಿ ಹಾಗೂ ಎರಡು ಸಿಕ್ಸರ್ ನೆರವಿನಿಂದ 68 ರನ್ ಗಳಿಸಿದರು. ಹುಬ್ಬಳ್ಳಿ ಪರ ಸೋಮಣ್ಣ ಜತೆಗೆ ಅಭಿಲಾಷ್ ಶೆಟ್ಟಿ ಮೂರು ವಿಕೆಟುಗಳನ್ನು ಕಿತ್ತು ಮಿಂಚಿದರು. ಈ ಮುನ್ನ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ನಡೆಸಿದ ಹುಬ್ಬಳ್ಳಿ ಟೈಗರ್ಸ್ ಆರಂಭ ಉತ್ತಮವಾಗಿರಲಿಲ್ಲ. ಟೂರ್ನಿಯಲ್ಲಿ ಅತಿ ಹೆಚ್ಚು ರನ್ ಗಳಿಸಿರುವ ಇನ್ ಫಾರ್ಮ್ ಬ್ಯಾಟ್ಸ್‌ಮನ್ ಮೊಹಮ್ಮದ್ ತಹಾ (9) ಅವರನ್ನು ಟೂರ್ನಿಯಲ್ಲಿ ಅತಿ ಹೆಚ್ಚು ವಿಕೆಟುಗಳನ್ನು ಕಬಳಿಸಿರುವ ಕೃಷ್ಣಪ್ಪ ಗೌತಮ್ ಹೊರದಬ್ಬಿದರು. ಆದರೆ ಇದರೆಲ್ಲ ಶ್ರೇಯಸ್ಸು ಅದ್ಭುತ ಕ್ಯಾಚ್ ಹಿಡಿದ ಪ್ರಸಿದ್ದ್ ಕಷ್ಣ ಅವರಿಗೆ ಸಲ್ಲುತ್ತದೆ. ಬಳಿಕ ನಾಯಕ ವಿನಯ್ ಕುಮಾರ್ (4) ಕ್ಲೀನ್ ಬೌಲ್ಡ್ ಮಾಡಿದ ಪ್ರಸಿದ್ಧ್, ಬಲವಾದ ಪ್ರಹಾರ ನೀಡಿದರು. 21 ರನ್ನಿಗೆ ಎರಡು ವಿಕೆಟ್ ಕಳೆದುಕೊಂಡ ಹುಬ್ಬಳ್ಳಿ ಸಂಕಷ್ಟಕ್ಕೆ ಸಿಲುಕಿತು. ಈ ಹಂತದಲ್ಲಿ ಜತೆಗೂಡಿದ ಆದಿತ್ಯ ಸೋಮಣ್ಣ ಹಾಗೂ ವಿಕೆಟ್ ಕೀಪರ್ ಲವನಿತ್ ಸಿಸೋಡಿಯಾ ತಂಡವನ್ನು ಎಚ್ಚರಿಕೆಯಿಂದ ಮುನ್ನಡೆಸಿದರು. ಸೋಮಣ್ಣ ಹಾಗೂ ಸಿಸೋಡಿಯಾ ಮೂರನೇ ವಿಕೆಟ್ಗೆ 62 ರನ್‌ಗಳ ಮಹತ್ವದ ಜತೆಯಾಟದಲ್ಲಿ ಭಾಗಿಯಾದರು. ಆದರೆ ಬೆನ್ನು ಬೆನ್ನಿಗೆ ಸೋಮಣ್ಣ ಹಾಗೂ ಸಿಸೋಡಿಯಾ ಹೊರದಬ್ಬಿದ ಕೆಪಿ ಅಪ್ಪಣ್ಣ ಪಂದ್ಯದಲ್ಲಿ ಹಿಡಿತ ಸಾಧಿಸುವಲ್ಲಿ ನೆರವಾದರು. 38 ಎಸೆತಗಳನ್ನು ಎದುರಿಸಿದ ಆದಿತ್ಯ ಸೋಮಣ್ಣ ಎರಡು ಸಿಕ್ಸರ್ ನೆರವಿನಿಂದ 47 ರನ್ ಗಳಿಸಿದರು. ಇನ್ನೊಂದೆಡೆ ಲವನಿತ್ ಸಿಸೋಡಿಯಾ ಎಸೆತಕ್ಕೆ ಒಂದರಂತೆ 29 ಎಸೆತಗಳಲ್ಲಿ ಎರಡು ಬೌಂಡರಿ ಹಾಗೂ ಸಿಕ್ಸರ್ ನೆರವಿನಿಂದ 29 ರನ್ ಗಳಿಸಿದರು. ಕೆಬಿ ಪವನ್‌ಗೂ (4) ಹಾಗೂ ಶಿಶಿರ್ ಭವನೆಗೂ (1) ಹೆಚ್ಚೇನು ಮಾಡಲಾಗಲಿಲ್ಲ. ಆದರೆ ಮುರಿಯದ ಏಳನೇ ವಿಕೆಟ್ಗೆ 42 ರನ್‌ಗಳ ಜತೆಯಾಟ ನೀಡಿದ ಪ್ರವೀಣ್ ಕುಮಾರ್ ಹಾಗೂ ಶ್ರೇಯಸ್ ಗೋಪಾಲ್ ತಂಡವನ್ನು ಸ್ಪರ್ಧಾತ್ಮಕ ಮೊತ್ತದತ್ತ ಮುನ್ನಡೆಸಿದರು. ಕೇವಲ 15 ಎಸೆತಗಳನ್ನು ಎದುರಿಸಿದ ದುಬೆ ಎರಡು ಬೌಂಡರಿ ಹಾಗೂ ಸಿಕ್ಸರ್ ನೆರವಿನಿಂದ 26 ರನ್ ಗಳಿಸಿ ಅಜೇಯರಾಗುಳಿದರು. ಅತ್ತ 16 ಎಸೆತಗಳನ್ನು ಎದುರಿಸಿದ ಶ್ರೇಯಸ್ ಗೋಪಾಲ್ ಎರಡು ಬೌಂಡರಿ ನೆರವಿನಿಂದ 14 ರನ್ ಗಳಿಸಿ ಔಟಾಗದೆ ಉಳಿದರು. ಈ ಮೂಲಕ ಆರು ವಿಕೆಟ್ ನಷ್ಟಕ್ಕೆ 153 ರನ್ ಪೇರಿಸಿತು. ಬಳ್ಳಾರಿ ಪರ ಅಪ್ಪಣ್ಣ ಎರಡು ಮತ್ತು ಪ್ರಸಿದ್ದ್, ಗೌತಮ್, ಅಬ್ರರ್ ಕಾಝಿ ಹಾಗೂ ಕಾರ್ತಿಕ್ ಸಿಎ ತಲಾ ಒಂದು ವಿಕೆಟನ್ನು ಹಂಚಿಕೊಂಡರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2PyE9CP
