ಹೊಸ ದಿಲ್ಲಿ: ಕಾಶ್ಮೀರ ಭಾರತದ ಆಂತಕರಿಕ ವಿಚಾರ ಎಂಬ ರಾಹುಲ್ ಟ್ವೀಟ್ ಗೆ ಪಾಕಿಸ್ತಾನದ ಸಚಿವ ಫಹಾದ್ ಹುಸೇನ್ ಲೇವಡಿ ಮಾಡಿದ್ದಾರೆ. ರಾಹುಲ್ ಗಾಂಧಿಯವರೇ ಗೊಂದಲಕ್ಕೆ ಒಳಗಾಗಬೇಡಿ! ವಾಸ್ತವಕ್ಕೆ ಹತ್ತಿರವಾದ ಒಂದು ನಿಲುವಿಗೆ ಬನ್ನಿ ಎಂದು ಟ್ವಿಟರ್ ನಲ್ಲೇ ಕುಟುಕಿದ್ದಾರೆ. ನಿಮ್ಮ ಮುತ್ತಾತನವರು ಭಾರತದ ಜಾತ್ಯತೀತತೆಯ ಪ್ರತೀಕವಾಗಿದ್ದರು. ವಿಶಾಲ ಮನೋಭಾವದವರಾಗಿದ್ದರು. ಅವರಂತೆಯೇ ಚಿಂತಿಸಿ, ನಿರ್ಧಾರ ಕೈಗೊಳ್ಳಿ ಎಂದಿದ್ದಾರೆ. ಕೆಲವೇ ಘಂಟೆಗಳೇ ಹಿಂದೆ ಟ್ವೀಟ್ ಮಾಡಿದ್ದ ರಾಹುಲ್ ಗಾಂಧಿ, ಕಾಶ್ಮೀರ ಭಾರತದ ಆಂತರಿಕ ವಿಚಾರ ಎಂದಿದ್ದರು. ಇದ್ರಲ್ಲಿ ನೀವು ಮೂಗು ತೂರಿಸಬೇಡಿ ಎಂದು ಗೆ ಚಾಟಿ ಬೀಸಿದ್ರು. ಕಣಿವೆ ರಾಜ್ಯದಲ್ಲಿ ಹಿಂಸಾಚಾರಕ್ಕೆ ಪಾಕಿಸ್ತಾನ ಪ್ರಚೋದಿಸುತ್ತಿದೆ ಎಂದೂ ಗಂಭೀರ ಆರೋಪ ಮಾಡಿದ್ದರು. ಮೋದಿ ಸರ್ಕಾರದ ಹಲವು ನಿರ್ಧಾರಗಳಿಗೆ ನಮ್ಮ ವಿರೋಧವಿದೆ, ಆದ್ರೆ ಜಮ್ಮು ಕಾಶ್ಮೀರದಲ್ಲಿ ಹಿಂಸಾಚಾರಕ್ಕೆ ಪಾಕಿಸ್ತಾನ ಪ್ರಚೋದನೆ ನೀಡ್ತಿದೆ ಎಂದಿದ್ದ ರಾಹುಲ್, ವಿಶ್ವದಲ್ಲಿ ಭಯೋತ್ಪಾದನೆಗೆ ಬೆಂಬಲ ನೀಡುತ್ತಿರುವ ಪ್ರಮುಖ ರಾಷ್ಟ್ರ ಪಾಕಿಸ್ತಾನ ಎಂದು ಹರಿಹಾಯ್ದಿದ್ದರು.
from India & World News in Kannada | VK Polls https://ift.tt/2L1vRPJ
