ಹೊಸದಿಲ್ಲಿ: 25ನೇ ವಯಸ್ಸಿನಿಂದ ಮಾರಾಟ ದಂಧೆಯಲ್ಲಿ ತೊಡಗಿದ್ದ 88 ವರ್ಷದ ವೃದ್ಧೆ, ಈಗ 10ನೇ ಬಾರಿಗೆ ಪೊಲೀಸರ ಅತಿಥಿಯಾಗಿದ್ದಾಳೆ. ದಿಲ್ಲಿಯ ಹಿರಿಯ ಡ್ರಗ್ ಪೆಡರಲ್ ಎಂಬ ಕುಖ್ಯಾತಿಯ ರಾಜ್‌ರಾಣಿ ಬಂಧಿತ ಆರೋಪಿ. ಖಚಿತ ಮಾಹಿತಿ ಮೇರೆಗೆ 16 ಗ್ರಾಂ ಹೆರಾಯಿನ್ ಮಾರಲು ಯತ್ನಿಸುತ್ತಿದ್ದ ರಾಜ್‌ರಾಣಿಯನ್ನು ಪಶ್ಚಿಮ ದಿಲ್ಲಿ ಪೊಲೀಸರು ಬಂಧಿಸಿ, ಜೈಲಿಗಟ್ಟಿದ್ದಾರೆ. 'ಅಪ್ರಾಪ್ತ ವಯಸ್ಸಿನಲ್ಲಿಯೇ ವಿವಾಹವಾಗಿ, ಹರಿಯಾಣಾದಿಂದ ಇಂದರ್‌ಪುರಿಗೆ ಬಂದು ನೆಲೆಸಿದ್ದೆ. ನನಗೆ 7 ಜನ ಮಕ್ಕಳಿದ್ದರು. ಅವರು ಕೂಡ ಮಾರಾಟ ದಂಧೆಯಲ್ಲಿಯೇ ತೊಡಗಿದ್ದರು. ಆದರೆ, ದುರದೃಷ್ಟವಶಾತ್ 6 ಜನ ಮಕ್ಕಳು ಡ್ರಗ್ಸ್ ವ್ಯಸನ ಮತ್ತು ಅಪಘಾತದಿಂದ ಸಾವನ್ನಪ್ಪಿದ್ದರು' ಎಂದು ಪೊಲೀಸ್ ವಿಚಾರಣೆ ವೇಳೆ ಬಂಧಿತ ಆರೋಪಿ ರಾಜ್‌ರಾಣಿ ಹೇಳಿಕೊಂಡಿದ್ದಾಳೆ. 1990ರ ದಶಕದ ಆರಂಭದಲ್ಲಿ ಪತಿ ನಿಧನದ ಬಳಿಕ ಆತ ನಡೆಸುತ್ತಿದ್ದ ಡ್ರಗ್ಸ್ ವ್ಯವಹಾರವನ್ನು ಪತ್ನಿ ರಾಜ್‌ರಾಣಿಯೇ ನೋಡಿಕೊಳ್ಳ ಹತ್ತಿದಳು. ಈಕೆ ಪಂಜಾಬ್ ಮತ್ತು ಉತ್ತರ ಪ್ರದೇಶದ ಡೀಲರ್‌ಗಳಿಂದ ಡ್ರಗ್ಸ್ ಖರೀದಿಸುತ್ತಿದ್ದಳೆಂದು ಪೊಲೀಸರು ತಿಳಿಸಿದ್ದಾರೆ.
from India & World News in Kannada | VK Polls https://ift.tt/2LdiPgH
