ಆ್ಯಂಟಿಗುವಾ: ಟೆಸ್ಟ್ ಕ್ರಿಕೆಟ್ನಲ್ಲಿ ಅತಿ ವೇಗದಲ್ಲಿ 50 ವಿಕೆಟ್ ಭಾರತೀಯ ವೇಗದ ಬಲೌರ್ ಎಂಬ ಹಿರಿಮೆಗೆ ಪಾತ್ರವಾಗಿದ್ದಾರೆ. ಆತಿಥೇಯ ವೆಸ್ಟ್ಇಂಡೀಸ್ ವಿರುದ್ಧ ನಡೆಯುತ್ತಿರುವ ಎರಡು ಪಂದ್ಯಗಳ ಟೆಸ್ಟ್ ಸರಣಿಯ ಮೊದಲ ಪಂದ್ಯದಲ್ಲಿ ಬುಮ್ರಾ ಈ ದಾಖಲೆ ಬರೆದಿದ್ದಾರೆ. 25ರ ಹರೆಯದ ಬುಮ್ರಾ, ತಮ್ಮ 11ನೇ ಟೆಸ್ಟ್ ಪಂದ್ಯದಲ್ಲೇ 50 ಟೆಸ್ಟ್ ವಿಕೆಟ್ಗಳ ಮೈಲುಗಲ್ಲನ್ನು ತಲುಪಿದ್ದಾರೆ. ಈ ಮೂಲಕ ವೆಂಕಟೇಶ್ ಪ್ರಸಾದ್ ಹಾಗೂ ಮೊಹಮ್ಮದ್ ಶಮಿ ದಾಖಲೆಯನ್ನು ಮುರಿದಿದ್ದಾರೆ. ಇವರಿಬ್ಬರು 13 ಟೆಸ್ಟ್ ಪಂದ್ಯಗಳಲ್ಲಿ ಇದೇ ಸಾಧನೆ ಮಾಡಿದ್ದರು. ಅಂದ ಹಾಗೆ ಒಟ್ಟಾರೆಯಾಗಿ ಟೆಸ್ಟ್ ಕ್ರಿಕೆಟ್ನಲ್ಲಿ ಮೂರನೇ ಅತಿ ವೇಗದಲ್ಲಿ 50 ವಿಕೆಟುಗಳನ್ನು ಕಬಳಿಸಿದ ಭಾರತದ ವೇಗಿ ಎಂದೆನಿಸಿಕೊಂಡಿದ್ದಾರೆ. ಈ ಪಟ್ಟಿಯಲ್ಲಿ ಸ್ಪಿನ್ನರ್ ರವಿಚಂದ್ರನ್ ಅಶ್ವಿನ್ ಒಂಬತ್ತು ಹಾಗೂ ಅನಿಲ್ ಕುಂಬ್ಳೆ 10 ಪಂದ್ಯಗಳಲ್ಲಿ ಈ ಸಾಧನೆ ಬರೆದಿದ್ದರು. ವೆಸ್ಟ್ಇಂಡೀಸ್ನ ಡ್ಯಾರೆನ್ ಬ್ರಾವೋ ಭಾರತೀಯ ವೇಗಿಗೆ 50ನೇ ಬಲಿಯಾಗಿದ್ದಾರೆ. ಈ ಮೂಲಕ ಟ್ವೆಂಟಿ-20, ಏಕದಿನನ ಬಳಿಕ ಟೆಸ್ಟ್ ಕ್ರಿಕೆಟ್ನಲ್ಲೂ ತಮ್ಮ ಸಾಮರ್ಥ್ಯವನ್ನು ಮೆರೆದಿದ್ದಾರೆ. ಟೆಸ್ಟ್ ಕ್ರಿಕೆಟ್ನಲ್ಲಿ ಅತಿ ವೇಗದಲ್ಲಿ 50 ವಿಕೆಟ್ ಪಡೆದ ಭಾರತೀಯ ಬೌಲರ್ಗಳು (ಪಂದ್ಯ): ರವಿಚಂದ್ರನ್ ಅಶ್ವಿನ್: 9 ಅನಿಲ್ ಕುಂಬ್ಳೆ: 10 ನರೇಂದ್ರ ಹಿರ್ವಾನಿ: 11 ಹರ್ಭಜನ್ ಸಿಂಗ್: 11 ಜಸ್ಪ್ರೀತ್ ಬುಮ್ರಾ: 11
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/33T7Qla
