ಕಿಂಗ್‌ಸ್ಟನ್: ವೆಸ್ಟ್‌ಇಂಡೀಸ್ ವಿರುದ್ದ ನಡೆಯುತ್ತಿರುವ ದ್ವಿತೀಯ ಟೆಸ್ಟ್ ಪಂದ್ಯದ ಎರಡನೇ ದಿನದಾಟದಲ್ಲಿ ಭಾರತದ ಬಲಗೈ ಬೌಲರ್ ಹ್ಯಾಟ್ರಿಕ್ ಸೇರಿದಂತೆ ಆರು ವಿಕೆಟ್ ಸಾಧನೆ ಮಾಡಿದ್ದಾರೆ. ವಿಶಿಷ್ಟ ಬೌಲಿಂಗ್ ಶೈಲಿಯನ್ನು ಹೊಂದಿರುವ ಬುಮ್ರಾ, ವಿಂಡೀಸ್ ವೇಗಿ ಸ್ನೇಹಿ ಪಿಚ್‌ನಲ್ಲಿ ಆತಿಥೇಯರಿಗೆ ಮಾರಕವಾಗಿ ಕಾಡುತ್ತಿದ್ದಾರೆ. ಇದರಿಂದಲೇ ಟ್ವಿಟರ್‌ನಲ್ಲಿ ಶತಮಾನದ ದೈತ್ಯ ವಿಂಡೀಸ್ ವೇಗಿಗಳೊಂದಿಗೆ ಹೋಲಿಕೆಗಳನ್ನು ಮಾಡಲಾಗುತ್ತಿದೆ. ಮಾಜಿ ಆಟಗಾರ ಹಾಗೂ ವೀಕ್ಷಣಾ ವಿವರಣೆಗಾರ ಇಯಾನ್ ಬಿಷಪ್, ಬುಮ್ರಾ ಅವರಂತಹ ಬೌಲರ್ ಜೀವಮಾನದಲ್ಲಿ ಒಮ್ಮೆ ಮಾತ್ರ ಕಾಣಲು ಸಿಗುವ ಪ್ರತಿಭೆ ಸಾಧ್ಯ ಎಂದು ಹೊಗಳಿಕೆಯ ಮಾತುಗಳನ್ನಾಡಿದ್ದಾರೆ. ವಿಂಡೀಸ್ ಸರಣಿಯಲ್ಲಿ ಸತತ ಎರಡನೇ ಟೆಸ್ಟ್ ಪಂದ್ಯದಲ್ಲೂ ಬುಮ್ರಾ ಐದು ವಿಕೆಟ್ ಸಾಧನೆ ಮಾಡಿದ್ದಾರೆ. ಹಾಗೆಯೇ ವೆಸ್ಟ್‌ಇಂಡೀಸ್ ಮಾಜಿ ದೈತ್ಯ ಬೌಲರ್‌ಗಳು ಸಹ ಬುಮ್ರಾ ಸಾಧನೆಯನ್ನು ಕೊಂಡಾಡಿದ್ದಾರೆ. ಅಂಬ್ರೋಸ್ ಅಂತೂ ಬುಮ್ರಾ ತಮ್ಮ ಸಾಲಿಗೆ ಸೇರಿದ ಬೌಲರ್ ಎಂದು ಶ್ಲಾಘಿಸಿದ್ದಾರೆ. ಮಾಜಿ ಬ್ಯಾಟಿಂಗ್ ದೈತ್ಯ ವಿವ್ ರಿಚರ್ಡ್ಸ್, ಬುಮ್ರಾಗಿಂತಲೂ ಡೆನ್ನಿಸ್ ಲಿಲ್ಲಿ ದಾಳಿಯನ್ನೇ ಎದುರಿಸುವುದು ಲೇಸು ಎಂದು ಹೇಳಿದ್ದಾರೆ. ಮೊದಲ ಟೆಸ್ಟ್ ಪಂದ್ಯದಲ್ಲಿ ಐದು ವಿಕೆಟ್ ಪಡೆಯುವ ಮೂಲಕ ತಮ್ಮ ಮೊದಲ ಪ್ರವಾಸದಲ್ಲೇ ದಕ್ಷಿಣ ಆಫ್ರಿಕಾ, ಇಂಗ್ಲೆಂಡ್, ಆಸ್ಟ್ರೇಲಿಯಾ ಹಾಗೂ ವೆಸ್ಟ್‌ಇಂಡೀಸ್‌ನಲ್ಲಿ ಐದು ವಿಕೆಟ್ ಪಡೆದ ಸಾಧನೆ ಮಾಡಿದ್ದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2ZDFAQ9
