ಕಿಂಗ್‌ಸ್ಟನ್: ಆತಿಥೇಯ ವಿರುದ್ಧ ನಡೆಯುತ್ತಿರುವ ದ್ವಿತೀಯ ಟೆಸ್ಟ್ ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟಿಂಗ್‌ಗಿಳಿಸಲ್ಪಟ್ಟಿರುವ , ನಾಯಕ (76) ಹಾಗೂ ಆರಂಭಿಕ (55) ಆಕರ್ಷಕ ಅರ್ಧಶತಕಗಳ ನೆರವಿನಿಂದ ಮೊದಲ ದಿನದಂತ್ಯಕ್ಕೆ 90 ಓವರ್‌ಗಳಲ್ಲಿ ಐದು ವಿಕೆಟ್ ನಷ್ಟಕ್ಕೆ 264 ರನ್ ಗಳಿಸಿದೆ. ಮಗದೊಮ್ಮೆ ಟೀಮ್ ಇಂಡಿಯಾ ಆರಂಭ ಉತ್ತಮವಾಗಿರಲಿಲ್ಲ. ಕರ್ನಾಟಕದ ಮಯಾಂಕ್ ಅಗರ್ವಾಲ್ ಹಾಗೂ ಕೆಎಲ್ ರಾಹುಲ್ ನಡುವಣ ಜತೆಯಾಟವನ್ನು ಜೇಸನ್ ಹೋಲ್ಡರ್ ಬೇರ್ಪಡಿಸಿದರು. 13 ರನ್ ಗಳಿಸಿದ ರಾಹುಲ್ ಪೆವಿಲಿಯನ್‌ಗೆ ಹೆಜ್ಜೆ ಹಾಕಿದರು. ಚೇತೇಶ್ವರ ಪೂಜಾರ (6) ಮಗದೊಮ್ಮ ವೈಫಲ್ಯ ಅನುಭವಿಸಿದರು. ಪೂಜಾರ ಹೊರದಬ್ಬಿದ ಡೆಬ್ಯು ಬೌಲರ್ ರಖೀಮ್ ಕಾರ್ನ್‌ವಾಲ್ ಚೊಚ್ಚಲ ವಿಕೆಟ್ ಪಡೆದರು. ಬಳಿಕ ನಾಯಕ ವಿರಾಟ್ ಕೊಹ್ಲಿ ಜತೆಗೂಡಿದ ಮಯಾಂಕ್ ಅಗರ್ವಾಲ್ ತಂಡವನ್ನು ಮುನ್ನಡೆಸಿದರು. ಮೂರನೇ ವಿಕೆಟ್‌ಗೆ 69 ರನ್‌ಗಳ ನಿರ್ಣಾಯಕ ಜತೆಯಾಟದಲ್ಲಿ ಭಾಗಿಯಾದ ಮಯಾಂಕ್ ಹಾಗೂ ಕೊಹ್ಲಿ ತಂಡವನ್ನು ಆರಂಭಿಕ ಆಘಾತದಿಂದ ಪಾರು ಮಾಡಿದರು. ಈ ನಡುವೆ ಮೂರನೇ ಅರ್ಧಶತಕ ಗಳಿಸಿದ ಅಗರ್ವಾಲ್ ವಿಕೆಟ್ ಒಪ್ಪಿಸಿ ನಿರಾಸೆ ಅನುಭವಿಸಿದರು. 127 ಎಸೆತಗಳನ್ನು ಎದುರಿಸಿದ ಅಗರ್ವಾಲ್ ಏಳು ಬೌಂಡರಿಗಳಿಂದ 55 ರನ್ ಗಳಿಸಿದರು. ಬಳಿಕ ಕ್ರೀಸಿಗಿಳಿದ ಕಳೆದ ಪಂದ್ಯದ ಶತಕವೀರ ಅಜಿಂಕ್ಯ ರಹಾನೆ ನಾಯಕನ ಜತೆಗೆ 49 ರನ್‌ಗಳ ಜತೆಯಾಟದಲ್ಲಿ ಭಾಗಿಯಾದರು. 24 ರನ್ ಗಳಿಸಿದ ರಹಾನೆ ಓಟಕ್ಕೆ ಕೆಮರ್ ರೂಚ್ ಬ್ರೇಕ್ ಹಾಕಿದರು. ಇನ್ನೊಂದೆಡೆ ಶತಕದತ್ತ ಮುನ್ನುಗ್ಗುತ್ತಿದ್ದ ನಾಯಕ ವಿರಾಟ್ ಕೊಹ್ಲಿ ಅವರನ್ನು ವಿಂಡೀಸ್ ಕಪ್ತಾನ ಜೇಸನ್ ಹೋಲ್ಡರ್ ಹೊರದಬ್ಬಿದರು. 163 ಎಸೆತಗಳನ್ನು ಎದುರಿಸಿದ ಕೊಹ್ಲಿ 10 ಬೌಂಡರಿಂಗಳಿಂದ 76 ರನ್ ಗಳಿಸಿದರು. ಕೊನೆಯ ಹಂತದಲ್ಲಿ ಮುರಿಯದ ಆರನೇ ವಿಕೆಟ್‌ಗೆ 62 ರನ್‌ಗಳ ಅಮೂಲ್ಯ ಜತೆಯಾಟ ನೀಡಿರುವ ಹನುಮ ವಿಹಾರಿ ಹಾಗೂ ರಿಷಬ್ ಪಂತ್ ತಂಡಕ್ಕೆ ಹೆಚ್ಚಿನ ಆಘಾತವಾಗದಂತೆ ನೋಡಿದರು. ಮಗದೊಮ್ಮೆ ಉಪಯುಕ್ತ ಇನ್ನಿಂಗ್ಸ್ ಕಟ್ಟಿರುವ ವಿಹಾರಿ 80 ಎಸೆತಗಳಲ್ಲಿ ಎಂಟು ಬೌಂಡರಿಗಳಿಂದ 42 ರನ್ ಗಳಿಸಿ ಕ್ರೀಸಿನಲ್ಲಿದ್ದಾರೆ. ಇವರಿಗೆ ಸಾಥ್ ನೀಡುತ್ತಿರುವ ಪಂತ್ 27 ರನ್ ಗಳಿಸಿ ಔಟಾಗದೆ ಉಳಿದಿದ್ದಾರೆ. ವಿಂಡೀಸ್ ಪರ ಮೂರು ವಿಕೆಟ್ ಕಬಳಿಸಿದ ನಾಯಕ ಜೇಸನ್ ಹೋಲ್ಡರ್ ಮಿಂಚಿದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2zCSB1K
