ಹೊಸದಿಲ್ಲಿ: ಕಳೆದೊಂದು ಶತಮಾನದಲ್ಲಿ ವಿಶ್ವ ಕ್ರಿಕೆಟ್‌ಗೆ ವೆಸ್ಟ್ಇಂಡೀಸ್ ಅನೇಕ ಮಹಾನ್ ಕ್ರಿಕೆಟಿಗರನ್ನು ಕೊಡುಗೆಯಾಗಿ ನೀಡಿದೆ. ಬಹುಶ: ವಿವ್ ರಿಚರ್ಡ್ಸ್, ಗ್ಯಾರಿ ಸೋಬರ್ಸ್ ಸಾಲಿನಲ್ಲಿ ಈ ಹೆಸರು ಗುರುತಿಸಿಕೊಳ್ಳದಿರಬಹುದು. ಆದರೆ ಕ್ರಿಕೆಟ್‌ಗೆ ಅವರು ನೀಡಿರುವ ಸಂಭಾವನೆ ಮಾತ್ರ ಯಾವ ಮಹಾನ್ ಆಟಗಾರನಿಗಿಂತಲೂ ಕಡಿಮೆಯೇನಲ್ಲ. ಅವರೇ 85ರ ಹರೆಯದ ಸೆಸಿಲ್ ರೈಟ್. ತಮ್ಮ 60 ವರ್ಷಗಳ ವೃತ್ತಿ ಜೀವನದ ಬಳಿಕ ಕೊನೆಗೂ ನಿವೃತ್ತಿ ಘೋಘಿಸುತ್ತಿರುವ ರೈಟ್ ಕ್ರಿಕೆಟ್‌ನಲ್ಲಿ ಮಾಡಿರುವ ಸಾಧನೆ ಅದ್ಭುತ. ಮಾಜಿ ಬೌಲರ್‌ಗಳಾದ ಮುತ್ತಯ್ಯ ಮುರಳೀಧರನ್ ಹಾಗೂ ಶೇನ್ ವಾರ್ನ್ ದಾಖಲೆಗಳ ಪಟ್ಟಿಯಲ್ಲೂ ಸೆಸಿಲ್ ರೈಟ್ ಗುರುತಿಸಿಕೊಂಡಿಲ್ಲ. ಆದರೂ 60 ವರ್ಷಗಳ ಸುದೀರ್ಘ ಕ್ರಿಕೆಟ್ ಕೆರಿಯರ್‌ನಲ್ಲಿ 20 ಲಕ್ಷಕ್ಕೂ ಹೆಚ್ಚು ಪಂದ್ಯಗಳಲ್ಲಿ 7000 ವಿಕೆಟುಗಳನ್ನು ಕಬಳಿಸಿದ್ದಾರೆ. ಕ್ರೀಡಾ ಜೀವನದ ಆರಂಭದಲ್ಲಿ ಜಮೈಕಾ ಪರ ಆಡುತ್ತಿದ್ದ ಸೆಸಿಲ್, 1959ನೇ ಇಸವಿಯಲ್ಲಿ ಇಂಗ್ಲೆಂಡ್‌ಗೆ ತೆರಳಿದ್ದರು. ಬಳಿಕ ಎನಿಡ್ ಎಂಬವರನ್ನು ವಿವಾಹವಾಗಿ ಅಲ್ಲೇ ನೆಲೆಸಿದ್ದರು. ಅಷ್ಟೇ ಯಾಕೆ ತಮ್ಮ ಆಡುವ ಕಾಲಘಟ್ಟದಲ್ಲಿ ಐದು ಆವೃತ್ತಿಯಲ್ಲೇ 27ರ ಸರಾಸರಿಯಲ್ಲಿ 538 ವಿಕೆಟ್ ಕಬಳಿಸಿ ಅಮೋಘ ಸಾಧನೆ ಮಾಡಿದ್ದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/347ZIgE
