ಹೊಸದಿಲ್ಲಿ: 'ಭಾರತದ ಓಟದ ರಾಣಿ' ಖ್ಯಾತಿಯ ಮಾಜಿ ಓಟಗಾರ್ತಿ ಮಡಿಲಲ್ಲಿ ನಗು ಮುಖದಿಂದ ಕುಳಿತಿರುವ ಈ ಮುದ್ದಾದ ಹುಡುಗಿ ಯಾರೆಂಬುದನ್ನು ಊಹಿಸಬಲ್ಲೀರಾ? ಹೌದು, ಇಂಟರ್‌ನೆಟ್‌ನಲ್ಲಿ ಈ ಚಿತ್ರವನ್ನು ಪಿಟಿ ಉಷಾ ಹಂಚಿಕೊಂಡಿದ್ದೆ ತಡ ಎಲ್ಲೆಡೆ ವೈರಲ್ ಆಗಿ ಹರಡುತ್ತಿದೆ. ನಾವು ಮಾತನಾಡುತ್ತಿರುವುದು ಬೇರೆ ಯಾರ ಬಗ್ಗೆಯೂ ಅಲ್ಲ. ಆಕೆಯೇ ಬ್ಯಾಡ್ಮಿಂಟನ್ ವಿಶ್ವ ಚಾಂಪಿಯನ್‌ಶಿಪ್‌ನಲ್ಲಿ ಚಿನ್ನ ಗೆದ್ದು ದೇಶದ ಕೀರ್ತಿ ಪತಾಕೆ ಹಾರಿಸಿರುವ . 18 ವರ್ಷಗಳ ಹಿಂದೆ 2001ರಲ್ಲಿ ಪಿಟಿ ಉಷಾರನ್ನು ಪಿವಿ ಸಿಂಧೂ ಭೇಟಿ ಮಾಡಿದಾಗ ತೆಗೆದುಕೊಂಡ ಸ್ಮರಣೀಯ ಚಿತ್ರವಿದು. ಆಗಷ್ಟೇ ಸಿಂಧೂ ಟ್ರ್ಯಾಕ್‌ಗೆ ನಿವೃತ್ತಿ ಸಲ್ಲಿಸಿ ಒಂದು ವರ್ಷವಾಗಿತ್ತು. ಕಠಿಣ ಪರಿಶ್ರಮ ಕಾರ್ಯರೂಪಕ್ಕೆ ಬಂದಾಗ ಕ್ರೀಡೆಯ ಮೇಲಿನ ಉತ್ಸಾಹ ಹಾಗೂ ಸಮರ್ಪಣೆಗೆ ಯಾವಾಗಲೂ ಪ್ರತಿಫಲ ದೊರೆಯುತ್ತದೆ ಎಂದು ಪಿಟಿ ಉಷಾ ತಮ್ಮ ಟ್ವಿಟರ್ ಸಂದೇಶದಲ್ಲಿ ತಿಳಿಸಿದ್ದಾರೆ. ಅಲ್ಲದೆ ಸಿಂಧೂ ಸಾಧನೆಯು ಮುಂದಿನ ಪೀಳಿಗೆಯ ಆಟಗಾರ್ತಿಯರಿಗೆ ಸ್ಫೂರ್ತಿಯನ್ನು ತುಂಬಲಿದೆ ಎಂದು ತಮ್ಮ ಅಭಿನಂದನಾ ಸಂದೇಶದಲ್ಲಿ ಉಲ್ಲೇಖಿಸಿದ್ದಾರೆ. ಹಳೆಯ ನೆನಪುಗಳನ್ನು ಮೆಲುಕು ಹಾಕಿರುವ ಸಿಂಧೂ, 2001ರಲ್ಲಿ ಹೈದರಾಬಾದ್‌ನಲ್ಲಿ ಅಖಿಲ ಭಾರತ ರೈಲ್ವೇ ಸ್ಫರ್ದೆ ನಡೆಯುತ್ತಿತ್ತು. ಸಿಂಧೂ ಅಪ್ಪ ರಾಮಣ ವಾಲಿಬಾಲ್ ಆಟಗಾರನಾಗಿದ್ದು, ರೈಲ್ವೇಯಲ್ಲೇ ಕೆಲಸ ಮಾಡುತ್ತಿದ್ದರು. ಅಂದು ಅವರನ್ನು ಭೇಟಿ ಮಾಡಲು ತೆರಳಿದಾಗ ಸಿಂಧೂ ಕುಟುಂಬದ ಜತೆ ನಾಲ್ಕೈದು ದಿನಗಳ ಕಾಲ ಉಳಿದುಕೊಂಡಿದ್ದೆ. ಈ ಸಂದರ್ಭದಲ್ಲಿ ಮುದ್ದಾದ ಹೆಣ್ಣಿನ ಜತೆ ಸಮಯ ಕಳೆದಿದ್ದೆ ಎಂದಿದ್ದಾರೆ. ಉಷಾ ಪಾಲಿಗೆ ಸಿಂಧೂ ಈಗಲೂ ಮುದ್ದಾದ ಮಗುವಾಗಿದ್ದು, ಭವಿಷ್ಯದಲ್ಲಿ ಒಲಿಂಪಿಕ್ ಚಿನ್ನದ ಪದಕ ಗೆಲ್ಲುವ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2ZygQbY
