ಹೊಸದಿಲ್ಲಿ : ಬಹುನಿರೀಕ್ಷಿತ ಫಿಟ್ ಇಂಡಿಯಾ ಅಭಿಯಾನಕ್ಕೆ ಪ್ರಧಾನಿ ನರೇಂದ್ರ ಚಾಲನೆ ಕೊಟ್ಟಿದ್ದಾರೆ. ರಾಷ್ಟ್ರೀಯ ಕ್ರೀಡಾ ದಿನವಾದ ಇಂದು ಫಿಟ್ ಇಂಡಿಯಾ ಅಭಿಯಾನಕ್ಕೆ ಚಾಲನೆ ಸಿಕ್ಕಿದೆ. ಆರೋಗ್ಯ ಸುಧಾರಣೆ ಹಾಗೂ ಸದೃಢ ದೇಹದಿಂದಲೇ ರಾಷ್ಟ್ರದ ಅಭಿವೃದ್ಧಿ ಸಾಧ್ಯ ಅನ್ನೋದನ್ನು ಸಾರಲು ಈ ಅಭಿಯಾನ ಆರಂಭಿಸಲಾಗಿದೆ. ಹೊಸದಿಲ್ಲಿಯ ಇಂದಿರಾ ಗಾಂಧಿ ಕ್ರೀಡಾಂಗಣ ಸಂಕೀರ್ಣದಲ್ಲಿ ಫಿಟ್ ಇಂಡಿಯಾ ಅಭಿಯಾನಕ್ಕೆ ಚಾಲನೆ ಸಿಕ್ಕಿದೆ. ಪ್ರಧಾನಿ ನರೇಂದ್ರ ಮೋದಿ ಕೂಡಾ ಫಿಟ್ ನೆಸ್ ಅಭಿಯಾನದಲ್ಲಿ ಭಾಗವಹಿಸಲಿದ್ದಾರೆ. ರಾಷ್ಟ್ರದ ಜನರಿಗೆ ಫಿಟ್ ನೆಸ್ ಚಾಲೆಂಜ್ ಹಾಕಲಿದ್ದಾರೆ. ಸದೃಢ ದೇಹ ಎಷ್ಟು ಮುಖ್ಯ ಅನ್ನೋದ್ರ ಮಹತ್ವವನ್ನು ಜನತೆಗೆ ಸಾರಲಿದ್ದಾರೆ. ಆಗಸ್ಟ್ 25ರಂದು ಮನ್ ಕಿ ಬಾತ್ ನಲ್ಲೂ ಪ್ರಧಾನಿ ಮೋದಿ ಫಿಟ್ ನೆಸ್ ಅಭಿಯಾನ ಆರಂಭದ ಬಗ್ಗೆ ಮಾತನಾಡಿದ್ರು. ಇಂದು ಹಾಕಿ ಮಾಂತ್ರಿಕ ಮೇಜರ್ ಧ್ಯಾನ್ ಚಂದ್ ಅವರ 114ನೇ ಜನ್ಮದಿನ. ಧ್ಯಾನ್ ಚಂದ್ ಜನ್ಮದಿನದಂದು ರಾಷ್ಟ್ರೀಯ ಕ್ರೀಡಾದಿನಾಚರಣೆ ಮಾಡಲಾಗುತ್ತೆ.
from India & World News in Kannada | VK Polls https://ift.tt/2LsnXOr
