ಹೊಸ ದಿಲ್ಲಿ: ಭಾಷಾ ಸಾಮರಸ್ಯದ ಮಾತನ್ನಾಡುವ ಮೋದಿಯವರು ಮೊದಲು ಹಿಂದಿ ಹೇರಿಕೆಯನ್ನು ಹಿಂಪಡೆಯಲಿ. ಇದು ಕಾಂಗ್ರೆಸ್ ಸಂಸದ ಆಗ್ರಹ. ಕೆಲವೇ ಗಂಟೆಗಳ ಹಿಂದೆ ವೀಡಿಯೋ ಸಂವಾದ ಕಾರ್ಯಕ್ರಮದಲ್ಲಿ ಮಾತನಾಡಿದ ದೇಶದ ಎಲ್ಲ ಭಾಗಗಳ ಜನರೂ ಎಲ್ಲಾ ಭಾಷೆಗಳನ್ನೂ ಕಲಿಯಬೇಕು ಎಂದು ಹೇಳಿದ್ದರು. ಮೋದಿಯವರ ಈ ಮಾತಿಗೆ ಕುಟುಕಿರುವ ತರೂರ್, ಪ್ರಧಾನಿ ಆಶಯವನ್ನು ನಾವು ಸ್ವಾಗತಿಸುತ್ತೇವೆ, ಜೊತೆಯಲ್ಲೇ ಹಿಂದಿ ಹೇರಿಕೆಯನ್ನೂ ಮೋದಿ ತೆಗೆದುಹಾಕಬೇಕು ಎಂದಿದ್ದಾರೆ. ಮೋದಿಯವರ ಭಾಷಾ ಕಲಿಕೆಯ ಕರೆಗೆ ಓಗೊಡುತ್ತೇನೆ ಎಂದಿರುವ ಶಶಿ ತರೂರ್, ಮೊದಲ ಹಂತವಾಗಿ ಒಂದು ಪದವನ್ನು ಇಂಗ್ಲೀಷ್, ಹಿಂದಿ ಹಾಗೂ ಮಲೆಯಾಳಂ ಭಾಷೆಗಳಲ್ಲಿ ಅನುವಾದಿಸಿ ಪ್ರಕಟಿಸಿದ್ದಾರೆ. ಇಂದು ಬೆಳಗ್ಗೆಯಷ್ಟೇ ದೇಶದ ಭಾಷಾ ಸಾಮರಸ್ಯವನ್ನು ಕೊಂಡಾಡಿ ಮಾತನಾಡಿದ್ದ ಪ್ರಧಾನಿ ಮೋದಿ, ಕನ್ನಡಿಗರು ಬಂಗಾಳಿ ಭಾಷೆ ಕಲಿಯಬೇಕು, ಹರ್ಯಾಣದ ಜನರು ಮಲೆಯಾಳಂ ಕಲಿಯಬೇಕು.. ಹೀಗೆ ದೇಶದ ಎಲ್ಲ ಭಾಗಗಳ ಜನರೂ ಎಲ್ಲಾ ಭಾಷೆಗಳ ಪರಿಚಯ ಹೊಂದುವ ಮೂಲಕ, ಇಡೀ ದೇಶವೇ ಹತ್ತಿರವಾಗಬೇಕೆಂದು ಸಂದೇಶ ನೀಡಿದ್ದರು. ಕೆಲವೇ ದಿನಗಳ ಹಿಂದಷ್ಟೇ ಪ್ರಧಾನಿ ಮೋದಿಯವರನ್ನು ಶಶಿ ತರೂರ್ ಹೊಗಳಿದ್ದಾರೆ ಅನ್ನೋ ವಿಚಾರ, ಕಾಂಗ್ರೆಸ್ ನಾಯಕರ ಅಸಮಾಧಾನಕ್ಕೆ ಕಾರಣವಾಗಿತ್ತು. ಈ ವೇಳೆ ಸುದೀರ್ಘ ಪತ್ರ ಬರೆದು ಸ್ಪಷ್ಟನೆ ನೀಡಿದ್ದ ಶಶಿ ತರೂರ್, ತಾವು ಮೋದಿ ವಿರೋಧಿಯೇ ಎಂದು ಸ್ಪಷ್ಟಪಡಿಸಿದ್ರು. ಆದ್ರೆ ಸರ್ಕಾರದ ಎಲ್ಲಾ ನಿರ್ಧಾರಗಳನ್ನೂ ವಿರೋಧಿಸುವುದು ಬೇಡ, ವಿರೋಧ ಮಾಡುವಾಗ ಜನಾಭಿಪ್ರಾಯವನ್ನೂ ಗಮನದಲ್ಲಿ ಇಟ್ಟುಕೊಳ್ಳೋಣ, ಇಲ್ಲವಾದ್ರೆ ಕಾಂಗ್ರೆಸ್ ಎಂದೂ ಗೆಲ್ಲುವ ಪಕ್ಷವಾಗಲ್ಲ ಎಂದು ತಮ್ಮ ಸ್ಪಷ್ಟನೆಯ ಪತ್ರದಲ್ಲಿ ಕೈ ನಾಯಕರಿಗೆ ತರೂರ್ ಬುದ್ದಿಮಾತು ಹೇಳಿದ್ದರು.
from India & World News in Kannada | VK Polls https://ift.tt/2ZBrtin
