ಹೊಸದಿಲ್ಲಿ : ಪಾಕ್ ಪ್ರೇರಿತ ಉಗ್ರರು ಭಾರತದಲ್ಲಿ ವಿಧ್ವಂಸಕ ಕೃತ್ಯ ಎಸಗಲು ರೂಪಿಸಿದ್ದ ಮತ್ತೊಂದು ಬಯಲಾಗಿದೆ. ಜಲಮಾರ್ಗದ ಮೂಲಕ ಭಾರತ ಪ್ರವೇಶಿಸಬೇಕೆಂಬ ಉಗ್ರರ ಸಂಚು ಕೆಲ ದಿನಗಳ ಹಿಂದಷ್ಟೇ ಬಯಲಾಗಿತ್ತು. ಇದೀಗ ಉಗ್ರರು ನ ಕಛ್ ನಲ್ಲಿ ಭಾರತದ ಗಡಿ ಪ್ರವೇಶಿಸಲು ನೀಲನಕ್ಷೆ ಸಿದ್ದಗೊಳಿಸಿದ್ದಾರೆ ಎಂಬ ಸಂಗತಿ ಬೆಳಕಿಗೆ ಬಂದಿದೆ. ಕಛ್ ತೀರಕ್ಕೆ ಬಂದಿಳಿದು ಗುಜರಾತ್ ನ ವಿವಿದೆಡೆ ವಿಧ್ವಂಸಕ ಕೃತ್ಯಗಳನ್ನು ಎಸಗಲು ಸಂಘಟನೆಗಳು ಸಂಚು ರೂಪಿಸಿವೆ. ಗುಜರಾತ್ ನಾದ್ಯಂತ ಕೋಮು ಸೌಹಾರ್ದತೆಯನ್ನು ಹದಗೆಡಿಸಿ, ಗಲಭೆಗಳನ್ನು ಸೃಷ್ಟಿಸಬೇಕೆನ್ನುವುದು ಉಗ್ರರ ಕುತಂತ್ರವಾಗಿದೆ. ಹೀಗಾಗಿ ಗುಜರಾತ್ ನ ಕಾಂಡ್ಲಾ ಬಂದರು ಸೇರಿದಂತೆ ಎಲ್ಲೆಡೆ ಭಾರೀ ಬಿಗಿ ಬಂದೋಬಸ್ತ್ ಏರ್ಪಡಿಸಲಾಗಿದೆ. ಕೆಲವು ದಿನಗಳ ಹಿಂದಷ್ಟೇ ಜೈಷ್-ಎ-ಮೊಹಮ್ಮದ್ ಉಗ್ರ ಸಂಘಟನೆ, ತನ್ನ ಭಯೋತ್ಪಾದಕರನ್ನು ಭಾರತದೊಳಗೆ ನುಗ್ಗಿಸಲು ಹೊಸ ತಂತ್ರ ರೂಪಿಸಿತ್ತು. ಸಮುದ್ರದ ಒಳಗಿನಿಂದ ಭಾರತದೊಳಗೆ ಸಾಗಿಬಂದು, ಇಲ್ಲಿ ವಿಧ್ವಂಸಕ ಕೃತ್ಯಗಳನ್ನು ಎಸಗಲು ತನ್ನ ಭಯೋತ್ಪಾದಕರಿಗೆ ಸಂಘಟನೆ ತರಬೇತಿ ನೀಡುತ್ತಿದ್ದ ಆಘಾತಕಾರಿ ಮಾಹಿತಿ ಗುಪ್ತಚರ ದಳದಿಂದ ಸೇನೆಗೆ ರವಾನೆಯಾಗಿತ್ತು. ಹೀಗಾಗಿ, ಭಾರತದ ಸಾಗರತೀರದುದ್ದಕ್ಕೂ ಕಟ್ಟೆಚ್ಚರ ವಹಿಸಿತ್ತು. ಕೇಂದ್ರದಲ್ಲಿ ಮೋದಿ ಸರ್ಕಾರ ಅಸ್ತಿತ್ವಕ್ಕೆ ಬಂದ ನಂತರ ಭಯೋತ್ಪಾದಕ ಚಟುವಟಿಕೆಗಳ ಪ್ರಮಾಣದಲ್ಲಿ ಗಣನೀಯ ಪ್ರಮಾಣದ ಇಳಿಕೆ ಆಗಿದೆ. ಉರಿ, ಪಠಾಣ್ ಕೋಟ್ ಹಾಗೂ ಪುಲ್ವಾಮಾಗಳಲ್ಲಿ ಭದ್ರತಾ ಪಡೆಗಳನ್ನು ಗುರಿಯಾಗಿಸಿ ನಡೆದ ದಾಳಿಗಳನ್ನು ಹೊರತುಪಡಿಸಿದ್ರೆ, ಅದೃಷ್ಟವಶಾತ್ ನಾಗರಿಕರ ಮೇಲೆ ದೊಡ್ಡ ಪ್ರಮಾಣದ ದಾಳಿಗಳು ನಡೆದಿಲ್ಲ. ದೇಶದ ಗಡಿಯಲ್ಲಿ ಹಾಗೂ ಆಂತರಿಕ ಭದ್ರತಾ ವ್ಯವಸ್ಥೆಯಲ್ಲಿ ಸಾಕಷ್ಟು ಸುಧಾರಣೆಯಾಗಿದೆ. ಇದರ ಬೆನ್ನಲ್ಲೇ, ಜಮ್ಮು-ಕಾಶ್ಮೀರಕ್ಕೆ ನೀಡಿದ್ದ ವಿಶೇಷ ಸ್ಥಾನಮಾನವೂ ರದ್ದಾಗಿರೋದ್ರಿಂದ ಕಣಿವೆ ರಾಜ್ಯದಲ್ಲಿ ಅಶಾಂತಿ ಸೃಷ್ಟಿಸಲು ಪಾಕಿಸ್ತಾನ ಯತ್ನಿಸುತ್ತಿದೆ. ಈ ಹಿನ್ನೆಲೆಯಲ್ಲಿ, ಭಾರತದೊಳಗೆ ನುಸುಳಲು ಹಾಗೂ ವಿಧ್ವಂಸಕ ಕೃತ್ಯಗಳನ್ನು ಎಸಗಲು ಹೊಸ ಕುತಂತ್ರದ ಹಾದಿಗಳನ್ನು ಹುಡುಕುತ್ತಿದ್ದಾರೆ. ಇದರ ಭಾಗವಾಗಿಯೇ ಸಾಗರದಾಳದ ಮಾರ್ಗವನ್ನು ಉಗ್ರರು ಶೋಧಿಸುತ್ತಿರಬಹುದು ಎಂದು ವಿಶ್ಲೇಷಿಸಲಾಗಿತ್ತು. ಉಗ್ರರ ಕುತಂತ್ರಗಳ ಬಗ್ಗೆ ಸಮಗ್ರವಾಗಿ ಮಾಹಿತಿ ಕಲೆ ಹಾಕಿದ್ದ , ಈ ಹಿಂದೆ ಭಾರತದ ಗಡಿ ದಾಟಿ ಪಾಕಿಸ್ತಾನ ಆಕ್ರಮಿತ ಕಾಶ್ಮೀರದಲ್ಲಿ ಉಗ್ರರ ನೆಲೆಗಳ ಮೇಲೆ ಸರ್ಜಿಕಲ್ ಸ್ಟ್ರೈಕ್ ಹಾಗೂ ಏರ್ ಸ್ಟ್ರೈಕ್ ನಡೆಸಿದ್ದನ್ನು ಇಲ್ಲಿ ಸ್ಮರಿಸಬಹುದು.
from India & World News in Kannada | VK Polls https://ift.tt/2LgX4MZ
