ಜಮೈಕಾ: ಅಧಿಕೃತವಾಗಿ ಭಾರತದ ಅತ್ಯಂತ ಯಶಸ್ವಿ ಟೆಸ್ಟ್ ನಾಯಕ ಎಂದೆನಿಸಿಕೊಳ್ಳಲು ಟೀಮ್ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿಗಿನ್ನು ಕೇವಲ ಒಂದು ಟೆಸ್ಟ್ ಗೆಲುವಿನ ಅಗತ್ಯವಿದೆ. ಸದ್ಯ 27 ಗೆಲುವುಗಳನ್ನು ದಾಖಲಿಸಿ ಮಾಜಿ ನಾಯಕ ಜತೆಗೆ ಜಂಟಿ ಅಗ್ರಸ್ಥಾನವನ್ನು ಹಂಚಿಕೊಂಡಿದ್ದಾರೆ. 47 ಟೆಸ್ಟ್ ಪಂದ್ಯಗಳಲ್ಲೇ ಕೊಹ್ಲಿ ಈ ಸಾಧನೆ ಮಾಡಿದ್ದಾರೆ. ಇನ್ನೊಂದೆಡೆ ಧೋನಿ 60 ಪಂದ್ಯಗಳಲ್ಲಿ 27 ಗೆಲುವುಗಳನ್ನು ದಾಖಲಿಸಿದ್ದರು. ಕೊಹ್ಲಿ ಶೇಕಡಾ 55.31 ಹಾಗೂ ಧೋನಿ 45ರ ಗೆಲುವಿನ ಶೇಕಡಾವಾರು ಹೊಂದಿದ್ದಾರೆ. ಕೊಹ್ಲಿ ನಾಯಕತ್ವದಲ್ಲಿ ಭಾರತವು 27 ಗೆಲುವು ಮತ್ತು ತಲಾ 10 ಗೆಲುವು ಹಾಗೂ ಸೋಲುಗಳನ್ನು ಕಂಡಿದೆ. ವೆಸ್ಟ್‌ಇಂಡೀಸ್ ವಿರುದ್ಧ ಎರಡು ಪಂದ್ಯಗಳ ಟೆಸ್ಟ್ ಸರಣಿಯ ಮೊದಲ ಪಂದ್ಯ ಗೆಲ್ಲುವ ಮೂಲಕ , ವಿದೇಶಿ ನೆಲದಲ್ಲೂ ಭಾರತದ ಅತ್ಯಂತ ಯಶಸ್ವಿ ನಾಯಕರೆನಿಸಿಕೊಂಡಿದ್ದರು. ಈ ಪಟ್ಟಿಯಲ್ಲಿ ಮಾಜಿ ನಾಯಕ ಸೌರವ್ ಗಂಗೂಲಿ (11 ಗೆಲುವು) ದಾಖಲೆಯನ್ನು ಮುರಿದಿದ್ದರು. ಕೊಹ್ಲಿ ನಾಯಕತ್ವದಲ್ಲಿ ವಿದೇಶಿ ನೆಲದಲ್ಲಿ 26 ಪಂದ್ಯಗಳ ಪೈಕಿ 12ರಲ್ಲಿ ಗೆಲುವು ದಾಖಲಾಗಿದೆ. ಇದೀಗ ವಿಂಡೀಸ್ ವಿರುದ್ಧದ ದ್ವಿತೀಯ ಟೆಸ್ಟ್ ಪಂದ್ಯದಲ್ಲೂ ಗೆಲ್ಲುವ ಮೂಲಕ ಸ್ಮರಣೀಯವಾಗಿಸಿಕೊಳ್ಳುವ ಇರಾದೆಯಲ್ಲಿದ್ದಾರೆ. 2018ರಲ್ಲಿ ಕೊಹ್ಲಿ ನಾಯಕತ್ವದಲ್ಲೇ ಭಾರತ, ಆಸ್ಟ್ರೇಲಿಯಾ ನೆಲದಲ್ಲಿ ಐತಿಹಾಸಿಕ ಟೆಸ್ಟ್ ಸರಣಿ ಗೆಲುವು ದಾಖಲಿಸಿತ್ತು. ಭಾರತೀಯ ಟೆಸ್ಟ್ ನಾಯಕನಾಗಿ ವಿದೇಶಿ ನೆಲದಲ್ಲಿ ಅತಿ ಹೆಚ್ಚು ಗೆಲುವುಗಳು: ವಿರಾಟ್ ಕೊಹ್ಲಿ 12 (26 ಟೆಸ್ಟ್) ಸೌರವ್ ಗಂಗೂಲಿ 11 (28) ಎಂಎಸ್ ಧೋನಿ 06 (30) ರಾಹುಲ್ ದ್ರಾವಿಡ್ 05 (17) ಭಾರತೀಯ ಟೆಸ್ಟ್ ನಾಯಕನಾಗಿ ಅತಿ ಹೆಚ್ಚು ಗೆಲುವುಗಳು: ವಿರಾಟ್ ಕೊಹ್ಲಿ 27 (47 ಟೆಸ್ಟ್) ಮಹೇಂದ್ರ ಸಿಂಗ್ ಧೋನಿ 27 (60) ಸೌರವ್ ಗಂಗೂಲಿ 21 (49) ಮೊಹಮ್ಮದ್ ಅಜರುದ್ದೀನ್ 14 (47)
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/348aIeg
