ಹೊಸದಿಲ್ಲಿ: ಕ್ಷೇತ್ರದಲ್ಲಿ ಶೇ 26ರಷ್ಟು ವಿದೇಶಿ ನೇರ ಬಂಡವಾಳ ಹೂಡಿಕೆಗೆ () ಕೇಂದ್ರ ಸರಕಾರ ಅನುಮತಿ ನೀಡಿದೆ. ಯುನಿಕ್ಲೋ, ಆಪಲ್‌ ಮತ್ತು ಐಕೆಇಎಯಂತಹ ಏಕ ಬ್ರ್ಯಾಂಡ್‌ನ ಚಿಲ್ಲರೆ ವಲಯ, ಕಲ್ಲಿದ್ದಲು ಗಣಿಗಾರಿಕೆ ಮತ್ತು ಗುತ್ತಿಗೆ ಆಧರಿತ ಉತ್ಪಾದನೆ ಕ್ಷೇತ್ರದಲ್ಲೂ ಎಫ್‌ಡಿಐಗೆ ಅನುಮತಿ ನೀಡುವ ಪ್ರಮುಖ ನಿರ್ಧಾರವನ್ನು ಸರಕಾರ ಪ್ರಕಟಿಸಿದೆ. ಅಲ್ಲದೆ, ವಿಮಾ ಮಧ್ಯವರ್ತಿ ಕಂಪನಿಗಳಲ್ಲಿ ಶೇ 100ರಷ್ಟು ಎಫ್‌ಡಿಐಗೆ ಅನುಮತಿ ನೀಡಿ ಹಣಕಾಸು ಸಚಿವಾಲಯ ಅಧಿಸೂಚನೆ ಹೊರಡಿಸಿದೆ. ಬಜೆಟ್ ಘೋಷಣೆಗಳಿಗೆ ಪೂರಕವಾಗಿ ಎಫ್‌ಡಿಐ ನಿಯಮಗಳ ಬದಲಾವಣೆ ಮಾಡಲಾಗಿದೆ. ವಿಮಾನಯಾನ ಕ್ಷೇತ್ರದಲ್ಲಿ ಮಾತ್ರ ಸರಕಾರ ಇನ್ನೂ ನಿರ್ಧಾರ ಕೈಗೊಳ್ಳಬೇಕಿದೆ. 'ಎಫ್‌ಡಿಐ ನೀತಿಯ ಬದಲಾವಣೆಯಿಂದ ಭಾರತ ಹೆಚ್ಚು ಆಕರ್ಷಕ ತಾಣವಾಗಲಿದೆ. ಹೆಚ್ಚಿನ ಬಂಡವಾಳ ಹೂಡಿಕೆಯ ಲಾಭಗಳು ಮತ್ತು ಆರ್ಥಿಕ ಪ್ರಗತಿಗೆ ಇದು ಪೂರಕವಾಗಲಿದೆ' ಎಂದು ಕೇಂದ್ರ ವಾಣಿಜ್ಯ ಮತ್ತು ಕೈಗಾರಿಕೆ ಸಚಿವ ಪಿಯೂಷ್ ಗೋಯಲ್ ಸಂಪುಟ ಸಭೆಯ ಬಳಿಕ ಸುದ್ದಿಗಾರರಿಗೆ ತಿಳಿಸಿದರು. ಆರ್ಥಿಕ ಮಂದಗತಿಯನ್ನು ನಿವಾರಿಸಿ ಬೆಳವಣಿಗೆಯ ಉತ್ತೇಜನಕ್ಕಾಗಿ ಹಲವು ಕ್ರಮಗಳನ್ನು ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ ಘೋಷಿಸಿದ ಕೆಲವೇ ದಿನಗಳ ಬಳಿಕ ಎಫ್‌ಡಿಐ ನಿಯಮಗಳ ಸಡಿಲಿಕೆಯ ನಿರ್ಣಯ ಹೊರಬಿದ್ದಿದೆ. ಹೈ-ಪ್ರೊಫೈಲ್ ಉದ್ಯಮಗಳಿಗೆ ಅನುಕೂಲವಾಗುವಂತೆ ಈ ಎರಡು ನಿರ್ಧಾರಗಳನ್ನು ಘೋಷಿಸಲಾಗಿದೆ. ಈ ಮೂಲಕ ಮೇಕ್ ಇನ್‌ ಇಂಡಿಯಾ ಯೋಜನೆಯನ್ನು ಇನ್ನಷ್ಟು ಬಲಪಡಿಸುವ ಉದ್ದೇಶ ಹೊಂದಲಾಗಿದೆ.
from India & World News in Kannada | VK Polls https://ift.tt/2ZlyILW
