ಹೊಸದಿಲ್ಲಿ: ರಾಸುಗಳ ವೇಳೆ ಲೈಂಗಿಕವಾಗಿ ವಿಂಗಡಿಸಲಾದ ವೀರ್ಯ ನೀಡುವ ತಂತ್ರಜ್ಞಾನ ಅಳವಡಿಸಲು ಕೇಂದ್ರ ಸರ್ಕಾರ ನಿರ್ಧರಿಸಿದೆ. ಈ ಮೂಲಕ ರೈತರ ಆದಾಯವನ್ನು ವೃದ್ಧಿಸಲು ಯೋಜನೆ ರೂಪಿಸಲಾಗಿದೆ. ಲೈಂಗಿಕವಾಗಿ ವಿಂಗಡಿಸಲಾದ ವೀರ್ಯ ನೀಡುವುದರಿಂದ ಹೆಣ್ಣು ಕರುಗಳೇ ಜನಿಸುವಂತೆ ಮಾಡಬಹುದಾಗಿದೆ ಎಂದು ಕೇಂದ್ರ ಪಶುಸಂಗೋಪನಾ ಸಚಿವ ಗಿರಿರಾಜ್ ಸಿಂಗ್ ಹೇಳಿದ್ದಾರೆ. ಮದರ್ ಡೇರಿಯ ಉತ್ಪನ್ನವೊಂದರ ಬಿಡುಗಡೆ ಕಾರ್ಯಕ್ರಮದಲ್ಲಿ ಮಾತನಾಡಿದ ಗಿರಿರಾಜ್ ಸಿಂಗ್, ಮುಂದಿನ ದಿನಗಳಲ್ಲಿ ಹೆಚ್ಚಿನ ಪ್ರಮಾಣದಲ್ಲಿ ಹೆಣ್ಣು ಕರುಗಳೇ ಹುಟ್ಟುವಂತೆ ತಂತ್ರಜ್ಞಾನ ರೂಪಿಸಲಾಗುವುದು ಎಂದಿದ್ದಾರೆ. ಕಳೆದ ಮಾರ್ಚ್‌ ನಲ್ಲಿ ಉತ್ತರಾಖಂಡದಲ್ಲಿ ನಡೆಸಿದ ಲೈಂಗಿಕವಾಗಿ ವಿಂಗಡಿಸಲಾದ ವೀರ್ಯ ಅಳವಡಿಕೆ ತಂತ್ರಜ್ಞಾನ ಯಶಸ್ವಿಯಾಗಿದೆ. ದೇಶದಲ್ಲೇ ಮೊದಲ ಬಾರಿಗೆ ಉತ್ತರಾಖಂಡದಲ್ಲಿ ಈ ಯೋಜನೆ ಯಶಸ್ವಿಯಾಗಿದೆ. ಶೇ. 90ರಷ್ಟು ನವಜಾತ ಕರುಗಳು ಹೆಣ್ಣು ಕರುಗಳೇ ಆಗಲಿವೆ ಎಂದು ವಿಶ್ವಾಸ ವ್ಯಕ್ತಪಡಿಸಿದ ಸಚಿವ ಗಿರಿರಾಜ್ ಸಿಂಗ್, ಹಾಲು ಉತ್ಪಾದನೆ ಹೆಚ್ಚಿಸೋದಕ್ಕೂ ತಂತ್ರಜ್ಞಾನ ರೂಪಿಸಲಾಗಿದೆ ಎಂದರು. `ಸುಧಾರಿತ IV ಭ್ರೂಣ ತಂತ್ರಜ್ಞಾನ’ ಹಾಲು ಉತ್ಪಾದನೆ ಹೆಚ್ಚಳಕ್ಕೆ ಸಹಕಾರಿಯಾಗಲಿದೆ ಎಂದು ಸಚಿವರು ವಿವರಿಸಿದ್ರು. ಮದರ್ ಡೇರಿಯ ವಿನೂತನ ಉತ್ಪನ್ನ ‘ಕಿತ್ತಳೆ ಹಣ್ಣಿನಿಂದ ತಯಾರಿಸಲಾದ ಬರ್ಫಿ’ ಮಾರುಕಟ್ಟೆಗೆ ಕಾಲಿಟ್ಟಿದ್ದು, ಈ ಸಿಹಿ ತಿನಿಸು ಕೇಂದ್ರ ಸಚಿವ ನಿತಿನ್ ಗಡ್ಕರಿ ಅವರ ಕನಸಿನ ಕೂಸು ಎಂದು ಗಿರಿರಾಜ್ ಸಿಂಗ್ ಶ್ಲಾಘಿಸಿದ್ರು.
from India & World News in Kannada | VK Polls https://ift.tt/2PArjEj
