ಮುಂಬಯಿ: ಕೇಂದ್ರದ ಮಾಜಿ ಹಣಕಾಸು ಸಚಿವ ಪಿ. ಅವರನ್ನು ಸಿಬಿಐ ಬಂಧಿಸಿರುವುದು ನಿಜಕ್ಕೂ ಗುಡ್ ನ್ಯೂಸ್ ಎಂದು ಜೈಲು ಹಕ್ಕಿಯಾಗಿರುವ ಮಾಜಿ ‘ಮಾಧ್ಯಮ ದೈತ್ಯೆ’ ಮುಖರ್ಜಿ ಬಣ್ಣಿಸಿದ್ದಾರೆ. ಮಗಳನ್ನೇ ಹತ್ಯೆ ಮಾಡಿದ ಆರೋಪದ ಮೇಲೆ ಇಂದ್ರಾಣಿ ಬಂಧನದಲ್ಲಿದ್ದಾರೆ. ಇದೀಗ ಚಿದಂಬರಂ ಎಲ್ಲ ರೀತಿಯಲ್ಲೂ ಸಂಕಷ್ಟಕ್ಕೆ ಸಿಲುಕುತ್ತಿದ್ದಾರೆ ಎಂದು ಇಂದ್ರಾಣಿ ವಿಶ್ಲೇಷಣೆ ಮಾಡಿದ್ದಾರೆ. ಇದೇ ಆಗಸ್ಟ್ 21 ರಂದು ಐಎನ್ ಎಕ್ಸ್ ಮೀಡಿಯಾ ಹಗರಣಕ್ಕೆ ಸಂಬಂಧಿಸಿದಂತೆ ಚಿದಂಬರಂ ಅವರನ್ನು ಸಿಬಿಐ ಬಂಧಿಸಿತ್ತು. ಐಎನ್ ಎಕ್ಸ್ ಮಾಧ್ಯಮ ಸಮೂಹ ಸಂಸ್ಥೆಗೆ ಇಂದ್ರಾಣಿ ಮುಖರ್ಜಿ ಹಾಗೂ ಆಕೆಯ ಪತಿ ಪೀಟರ್ ಮುಖರ್ಜಿ ಮುಖ್ಯಸ್ಥರಾಗಿದ್ದರು. ಇದೀಗ ಇಂದ್ರಾಣಿ ಮುಖರ್ಜಿ ತನ್ನ ಮಗಳಾದ ಶೀನಾಬೋರಾ ಹತ್ಯೆ ಆರೋಪದ ಮೇಲೆ ಜೈಲು ಸೇರಿದ್ದಾರೆ. ಪ್ರಕರಣ ಸಂಬಂಧ ವಿಚಾರಣೆಗೆ ಹಾಜರಾದ ವೇಳೆ ಮಾಧ್ಯಮಗಳ ಜೊತೆ ಮಾತನಾಡಿದ ಇಂದ್ರಾಣಿ, ಚಿದಂಬರಂ ಅವರ ಪುತ್ರ ಕಾರ್ತಿ ಚಿದಂಬರಂಗೆ ನೀಡಿರುವ ಜಾಮೀನು ಕೂಡಾ ರದ್ದಾಗಬೇಕು ಎಂದು ಆಗ್ರಹಿಸಿದ್ದಾರೆ. ಅಕ್ರಮ ಹಣ ವರ್ಗಾವಣೆ ತಡೆ ಕಾಯ್ದೆಯಡಿ ಈ ಹಿಂದೆ ಹೇಳಿಕೆ ದಾಖಲಿಸಿದ್ದ ಇಂದ್ರಾಣಿ ಮುಖರ್ಜಿ, ತಮ್ಮ ಪತಿ ಪೀಟರ್ ಮುಖರ್ಜಿ ಜೊತೆಗೆ ಪಿ. ಚಿದಂಬರಂ ಅವರನ್ನು ಭೇಟಿಯಾಗಿದ್ದಾಗಿ ಒಪ್ಪಿಕೊಂಡಿದ್ದರು. ನವದೆಹಲಿಯ ನಾರ್ಥ್ ಬ್ಲಾಕ್ ನಲ್ಲಿರುವ ಚಿದು ಮನೆಗೆ ಭೇಟಿ ನೀಡಿದ್ದ ವೇಳೆ, ತಮ್ಮ ಪುತ್ರ ಕಾರ್ತಿಗೆ ವ್ಯಾಪಾರದಲ್ಲಿ ಸಹಕಾರ ನೀಡುವಂತೆ ಬೇಡಿಕೆ ಇಟ್ಟಿದ್ದರು. ಇದಕ್ಕೆ ಪ್ರತಿಯಾಗಿ ಐಎನ್ ಎಕ್ಸ್ ಮೀಡಿಯಾಗೆ ವಿದೇಶೀ ಹಣ ಹೂಡಿಕೆ ಸಂಬಂಧ ಅನುಮತಿ ನೀಡೋದಾಗಿ ಚಿದು ಭರವಸೆ ನೀಡಿದ್ದರು ಎಂದು ಇಂದ್ರಾಣಿ ತಮ್ಮ ಹೇಳಿಕೆಯಲ್ಲಿ ಒಪ್ಪಿಕೊಂಡಿದ್ರು.
from India & World News in Kannada | VK Polls https://ift.tt/2ZqCa7x
