ನವ ದೆಹಲಿ: ಅಮೆರಿಕಾದ ‘ಟೈಮ್‌’ ಮ್ಯಾಗಜಿನ್‌ ಬಿಡುಗಡೆ ಮಾಡಿರುವ 2019ರ ವಿಶ್ವದ 100 ಅಧ್ಭುತ ತಾಣಗಳ ಪಟ್ಟಿಯಲ್ಲಿ ಭಾರತದ ಎರಡು ಸ್ಥಳಗಳು ಸ್ಥಾನ ಪಡೆದಿವೆ. ಪಟ್ಟಿಯಲ್ಲಿ ಪ್ರಧಾನಿ ಕನಸಿನ ಯೋಜನೆ ಸರ್ಧಾರ್‌ ವಲ್ಲಭಭಾಯಿ ಪಟೇಲ್‌ ‘ಏಕತಾ ಪ್ರತಿಮೆ’ಯೂ ಸೇರಿದ್ದು ಇದಕ್ಕೆ ಪ್ರಧಾನಿ ಸಂತಸ ವ್ಯಕ್ತಪಡಿಸಿದ್ದಾರೆ. ಆಯಾ ಪ್ರದೇಶದ ಗುಣಮಟ್ಟ, ವೈಶಿಷ್ಟ್ಯ ಸ್ಥಿರತೆ, ಪ್ರಭಾವವನ್ನು ಪರಿಗಣಿಸಿ ಈ ಸ್ಥಳಗಳ ಪಟ್ಟಿ ತಯಾರಿಸಿರುವುದಾಗಿ ಟೈಮ್‌ ಮ್ಯಾಗಜಿನ್‌ ಹೇಳಿಕೊಂಡಿದೆ. ಜನರು ಭೇಟಿ ನೀಡಿ ಸ್ವ ಅನುಭವ ಪಡೆದುಕೊಳ್ಳಲು ಇವು ಸೂಕ್ತ ಜಾಗಗಳು ಎಂಬುದಾಗಿ ಮ್ಯಾಗಜಿನ್‌ ಪ್ರತಿಪಾದಿಸಿದೆ. ಇದು ಮ್ಯಾಗಜಿನ್‌ ಬಿಡುಗಡೆ ಮಾಡುತ್ತಿರುವ ಎರಡನೇ ಪಟ್ಟಿಯಾಗಿದ್ದು, 597 ಅಡಿ ಎತ್ತರದ ಜಾಗ ಪಡೆದುಕೊಂಡಿದೆ. ಇದರಿಂದ ಖುಷಿಯಾಗಿರುವ ಪ್ರಧಾನಿ ನರೇಂದ್ರ ಮೋದಿ, “ಟೈಮ್‌ನ 100 ಅಧ್ಭುತ ಸ್ಥಳಗಳ ಪಟ್ಟಿಯಲ್ಲಿ ಏಕತಾ ಪ್ರತಿಮೆ ಜಾಗ ಪಡೆದುಕೊಂಡಿರುವುದು ಅತ್ಯುತ್ತಮ ಸುದ್ದಿ,” ಎಂದು ಸಂತಸ ಹಂಚಿಕೊಂಡಿದ್ದಾರೆ. ಜೊತೆಗೆ ಕೆಲವು ದಿನಗಳ ಹಿಂದೆ ಒಂದೇ ದಿನ ಇಲ್ಲಿಗೆ 34,000 ಜನರು ಭೇಟಿ ನೀಡಿದ್ದರು ಎಂಬ ಮಾಹಿತಿಯನ್ನೂ ಅವರು ಹಂಚಿಕೊಂಡಿದ್ದಾರೆ. ಈ ಸ್ಥಳ ಜನಪ್ರಿಯ ಪ್ರವಾಸಿ ತಾಣವಾಗಿ ಬೆಳೆಯುತ್ತಿರುವುದಕ್ಕೆ ಖುಷಿಯಾಗಿದೆ ಎಂದು ಅವರು ಹೇಳಿದ್ದಾರೆ. ಇದರ ಜೊತೆಗೆ ಮುಂಬಯಿಯ ಸೋಹೋ ಹೌಸ್‌ ಕೂಡ 100 ಅಧ್ಬುತ ಸ್ಥಳಗಳ ಪಟ್ಟಿಯಲ್ಲಿ ಸ್ಥಾನ ಪಡೆದುಕೊಂಡಿದೆ. ಅರಬ್ಬಿ ಸಮುದ್ರಕ್ಕೆ ಮುಖಮಾಡಿರುವ 11 ಮಹಡಿಗಳ ಈ ಕಟ್ಟಡದಲ್ಲಿ ಗ್ರಂಥಾಲಯ, ಸಣ್ಣ ಸಿನಿಮಾ ಥಿಯೇಟರ್‌, ತೆರೆದ ಬಾರ್‌ ಮತ್ತು ಈಜುಕೊಳವಿದೆ. ಹೋಟೆಲ್‌ಗಳ ಪಟ್ಟಿಯಲ್ಲಿ ಇದಕ್ಕೆ ಸ್ಥಾನ ನೀಡಲಾಗಿದೆ.
from India & World News in Kannada | VK Polls https://ift.tt/2MG7hWB
