ಕಾಡಿನ ರಾಜ ಮಾಂಸಾಹಾರಿ ಪ್ರಾಣಿ. ಅದು ಸಸ್ಯಾಹಾರವನ್ನು ಸೇವಿಸುತ್ತದೆ ಎಂದರೆ ನಂಬಲು ಸಾಧ್ಯವೇ. ಈ ವೀಡಿಯೋ ನೋಡಿದ ಬಳಿಕ ನೀವದನ್ನು ನಂಬಲೇ ಬೇಕಾಗುತ್ತದೆ. ಕ್ರೂರ ಪ್ರಾಣಿ ಸಿಂಹ ಹುಲ್ಲನ್ನು ತಿನ್ನುತ್ತಿರುವ ವೀಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಅಮ್ರೇಲಿ ಜಿಲ್ಲೆಯ ಖಾಂಭಾ ಅರಣ್ಯ ಪ್ರದೇಶದಲ್ಲಿ ಈ ದೃಶ್ಯಾವಳಿಯನ್ನು ಸೆರೆ ಹಿಡಿಯಲಾಗಿದ್ದು, ಸಾಮಾಜಿಕ ಜಾಲತಾಣದಲ್ಲೀಗ ಸಂಚಲನ ಮೂಡಿಸಿದೆ. ಇದ್ಯಾಕೆ ಹೀಗೆ? ಸಾಕು ಬೆಕ್ಕುಗಳು, ನಾಯಿಗಳು ಹುಲ್ಲನ್ನು ತಿನ್ನುವುದನ್ನು ನೀಡು ಕಂಡಿರಬಹುದು. ಅದನ್ನು ತಿಂದ ಬಳಿಕ ಅವರು ವಾಂತಿ ಮಾಡಿಕೊಳ್ಳುತ್ತವೆ. ತಜ್ಞರ ಪ್ರಕಾರ ಕಾಡು ಬೆಕ್ಕುಗಳು ಹುಲ್ಲನ್ನು ತಿನ್ನುವುದು ಸಹ ಅಸಹಜ ಪ್ರಕ್ರಿಯೆ ಏನಲ್ಲ. ಆ ಪ್ರದೇಶದ ಡೆಪ್ಯೂಟಿ ಕನ್ಸರ್ವೇಟರ್ (ಡಿಸಿಎಫ್) ಸಂದೀಪ್ ಕುಮಾರ್, ಅವರು ಹೇಳುವ ಪ್ರಕಾರ, ''ಎಲ್ಲಾ ಕಾಡು ಬೆಕ್ಕುಗಳು ಹೊಟ್ಟೆ ಸಮಸ್ಯೆ ಎದುರಾದಾಗ ಸ್ವಲ್ಪ ತಿನ್ನುತ್ತವೆ. ಅವುಗಳು ಸೇವಿಸಿದ ಆಹಾರದಿಂದ ಸಮಸ್ಯೆಯಾದರೆ ವಾಂತಿ ಮಾಡಲು ಅವು ಹುಲ್ಲು ತಿನ್ನುತ್ತವೆ. ಹಸಿ ಮಾಂಸವು ಕೆಲವೊಮ್ಮೆ ಅವುಗಳ ಜೀರ್ಣಾಂಗ ವ್ಯವಸ್ಥೆಯಲ್ಲಿ ಸಮಸ್ಯೆಯನ್ನುಂಟು ಮಾಡಿ ವಾಯು ಸಮಸ್ಯೆಯನ್ನುಂಟು ಮಾಡುತ್ತದೆ''.
from India & World News in Kannada | VK Polls https://ift.tt/30H6xUn
