ಹೊಸದಿಲ್ಲಿ: ಹಿಂದೊಮ್ಮೆ ಭಾರತದ ಕ್ರಿಕೆಟ್ ಐಕಾನ್ , ದಾಖಲೆಗಳ ಮೇಲೆ ದಾಖಲೆಗಳನ್ನು ಬರೆಯುತ್ತಲೇ ಸಾಗಿದ್ದರು. ಇದೀಗ ಆ ದಾಖಲೆಗಳನ್ನೆಲ್ಲ ಒಂದೊಂದಾಗಿ ಟೀಮ್ ಇಂಡಿಯಾ ನಾಯಕ ಮುರಿಯುತ್ತಿದ್ದಾರೆ. ಈ ನಡುವೆ ವಿರಾಟ್ ಬಗ್ಗೆ ಮಹತ್ವದ ಹೇಳಿಕೆ ನೀಡಿರುವ ಮಾಜಿ ಡ್ಯಾಶಿಂಗ್ ಓಪನರ್ , ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಈ ಒಂದು ದಾಖಲೆಯನ್ನು ಬಿಟ್ಟು ಬಹುತೇಕ ಎಲ್ಲ ಸಚಿನ್ ದಾಖಲೆಗಳನ್ನು ವಿರಾಟ್ ಮುರಿಯಲಿದ್ದಾರೆ ಎಂದಿದ್ದಾರೆ. ಈಗಿನ ಕ್ಷಣ ವಿರಾಟ್ ಕೊಹ್ಲಿ ಶ್ರೇಷ್ಠ ಬ್ಯಾಟ್ಸ್ಮನ್. ರನ್ ಹಾಗೂ ಶತಕಗಳನ್ನು ಗಳಿಸುತ್ತಿರುವ ರೀತಿ ನೋಡಿದರೆ ಅವರೇ ಅತ್ಯುತ್ತಮ. ಸಚಿನ್ ತೆಂಡೂಲ್ಕರ್ ಬಹುತೇಕ ದಾಖಲೆಗಳನ್ನು ಮುರಿಯಲಿದ್ದಾರೆ ಎಂಬುದರಲ್ಲಿ ನನಗೆ ಅತೀವ ನಂಬಿಕೆಯಿದೆ ಎಂದು ವೀರು ಸೇರಿಸಿದರು. ಅದೇ ಹೊತ್ತಿಗೆ ಸಚಿನ್ ತೆಂಡೂಲ್ಕರ್ ಅವರ 200 ಟೆಸ್ಟ್ ಪಂದ್ಯಗಳ ದಾಖಲೆಗಳನ್ನು ಮುರಿಯುವುದು ವಿರಾಟ್ ಪಾಲಿಗೆ ಕಠಿಣವೆನಿಸಲಿದೆ ಎಂದು ಸೆಹ್ವಾಗ್ ತಿಳಿಸಿದರು. ಕೊಹ್ಲಿ ಇದುವರೆಗೆ 77 ಟೆಸ್ಟ್ ಪಂದ್ಯಗಳ 131 ಇನ್ನಿಂಗ್ಸ್ಗಳಲ್ಲಿ 25 ಶತಕಗಳನ್ನು ಬಾರಿಸಿದ್ದಾರೆ. ಇನ್ನೊಂದೆಡೆ ದಾಖಲೆಯ 200 ಟೆಸ್ಟ್ ಪಂದ್ಯಗಳನ್ನಾಡಿರುವ ಆಡಿರುವ (329) ಸಚಿನ್ ಟೆಸ್ಟ್ನಲ್ಲಿ 51 ಶತಕಗಳನ್ನು ಸಿಡಿಸಿದ್ದಾರೆ. ಸಚಿನ್ ಅವರ ದಾಖಲೆಯ 200 ಟೆಸ್ಟ್ ಪಂದ್ಯಗಳನ್ನು ಮುರಿಯಲು ಯಾರಿಂದಲೂ ಸಾಧ್ಯವಿಲ್ಲ ಎಂಬುದು ನನ್ನ ಅನಿಸಿಕೆಯಾಗಿದೆ ಎಂದು ಸೆಹ್ವಾಗ್ ಹೇಳಿದರು. ಅದೇ ಹೊತ್ತಿಗೆ ಸ್ಟೀವ್ ಸ್ಮಿತ್ ಅವರ ಜತೆ ವಿರಾಟ್ ಕೊಹ್ಲಿರನ್ನು ಹೋಲಿಕೆ ಮಾಡಿರುವ ಸೆಹ್ವಾಗ್, ಭಾರತೀಯ ನಾಯಕನೇ ವಿಶ್ವ ನಂ.1 ಬ್ಯಾಟ್ಸ್ಮನ್ ಎಂದು ಹಾಡಿ ಹೊಗಳಿದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/33VeM1p
