ಆ್ಯಂಟಿಗುವಾ: ಟೀಮ್ ಇಂಡಿಯಾ ಆತಿಥೇಯ ವಿಂಡೀಸ್ ವಿರುದ್ಧದ ಟೆಸ್ಟ್ ಸರಣಿಯಲ್ಲಿ ಅಂಕಿಗಳನ್ನೊಳಗೊಂಡ ಹೊಸ ಜರ್ಸಿ ಧರಿಸಿ ಮೈದಾನಕ್ಕಿಳಿಯಲಿದೆ. ತಂಡದ ಪ್ರತಿಯೊಬ್ಬ ಸದಸ್ಯರಿಗೆ ಪ್ರತ್ಯೇಕ ಸಂಖ್ಯೆಯನ್ನೊಳಗೊಂಡ ಜರ್ಸಿಗಳನ್ನು ನೀಡಲಾಗಿದೆ. ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಭಾಗವಾಗಿ ಟೆಸ್ಟ್ ಕ್ರಿಕೆಟ್ಗೆ ಹೊಸ ಸ್ವರೂಪವನ್ನು ಕಲ್ಪಿಸಲಾಗಿದೆ. ಇದರಂತೆ ಟೆಸ್ಟ್ ಕ್ರಿಕೆಟ್ನಲ್ಲಿ ಶ್ವೇತ ವರ್ಣದ ಜೆರ್ಸಿಯಲ್ಲೂ ನಂಬರ್ಗಳು ಕಾಣಿಸಿಕೊಳ್ಳಲಿದೆ. ಹಾಗೆಯೇ ಆಟಗಾರರು ಹೊಸ ಅಂಕಿಗಳ ಜೆರ್ಸಿಯನ್ನು ಸ್ವಾಗತಿಸಿದ್ದಾರೆ. ಇಂಗ್ಲೆಂಡ್ನಲ್ಲಿ ಪ್ರಸ್ತುತ ಚಾಲ್ತಿಯಲ್ಲಿರುವ ಆ್ಯಶಸ್ ಟೆಸ್ಟ್ ಸರಣಿಯಲ್ಲೂ ಆತಿಥೇಯ ಇಂಗ್ಲೆಂಡ್ ಮತ್ತು ಆಸ್ಪ್ರೇಲಿಯಾ ಆಟಗಾರರು ನಂಬರ್ ಒಳಗೊಂಡ ಜರ್ಸಿ ತೊಟ್ಟು ಆಡುತ್ತಿದ್ದಾರೆ. ಆದರೆ, ಈ ಸಂಪ್ರದಾಯವನ್ನು ಆಸ್ಪ್ರೇಲಿಯಾ ತಂಡದ ಮಾಜಿ ವೇಗಿ ಬ್ರೆಟ್ ಲೀ, ಇಂಗ್ಲೆಂಡ್ ತಂಡದ ಮಾಜಿ ನಾಯಕ ಕೆವಿನ್ ಪೀಟರ್ಸೆನ್, ಪಾಕಿಸ್ತಾನ ತಂಡದ ಮಾಜಿ ವೇಗಿ ಶೋಯಿಬ್ ಅಕ್ತರ್ ಮುಂತಾದವರು ಟೀಕಿಸಿದ್ದಾರೆ. ಯುವ ಜನಾಂಗವನ್ನು ಟೆಸ್ಟ್ ಕ್ರಿಕೆಟಿನತ್ತ ಆಕರ್ಷಿಸುವ ಉದ್ದೇಶದಿಂದ ಅಂತಾರಾಷ್ಟ್ರೀಯ ಕ್ರಿಕೆಟ್ ಸಮಿತಿ ಇಂತಹ ಜರ್ಸಿ ಧರಿಸುವ ಪದ್ಧತಿಯನ್ನು ಹೊಸದಾಗಿ ಪರಿಚಯಿಸಿದೆ. ವಿಶ್ವ ಟೆಸ್ಟ್ ಚಾಂಪಿಯನ್ಷಿಪ್ನಾದ್ಯಂತ ಈ ನೂತನ ಸಂಪ್ರದಾಯ ಜಾರಿಯಲ್ಲಿರುತ್ತದೆ. ಭಾರತೀಯ ಆಟಗಾರರ ಫೇವರಿಟ್ ಅಂಕಿಗಳು: ವಿರಾಟ್ ಕೊಹ್ಲಿ 18 ಅಜಿಂಕ್ಯ ರಹಾನೆ 3 ರೋಹಿತ್ ಶರ್ಮ 45 ಚೇತೇಶ್ವರ ಪೂಜಾರ 25 ರವೀಂದ್ರ ಜಡೇಜಾ 8 ಮೊಹಮ್ಮದ್ ಶಮಿ 11 ಕುಲ್ದೀಪ್ ಯಾದವ್ 21 ಇಶಾಂತ್ ಶರ್ಮ 97 ರಿಷಭ್ ಪಂತ್ 17 ಆರ್.ಅಶ್ವಿನ್ 99 ಹನುಮ ವಿಹಾರಿ 44
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/31WHGwe
