ಪ್ರಧಾನಿ ಮೋದಿಯವರ ಮಾಸಿಕ ಹೊರಬಿದ್ದಿದೆ. ೨ನೇ ಬಾರಿಗೆ ಪ್ರಧಾನಿಯಾದ ಬಳಿಕ ಮೋದಿಯವರ 3ನೇ ಮನ್ ಕಿ ಬಾತ್ ಇದು. ಈ ಬಾರಿಯ ಮೋದಿ ಮನದಾಳ ಏನು? ಬನ್ನಿ ನೋಡೋಣ - ರಾಷ್ಟ್ರಪಿತ ಮಹಾತ್ಮಾ ಗಾಂಧಿಯವರ 150ನೇ ಜನ್ಮ ವಾರ್ಷಿಕೋತ್ಸವಕ್ಕಾಗಿ ರಾಷ್ಟ್ರ ಸಜ್ಜಾಗುತ್ತಿದೆ. - ಸತ್ಯ, ಅಹಿಂಸೆಗಳ ಸಂದೇಶ ಸಾರಿದ ರಾಷ್ಟ್ರಪಿತ ಮಹಾತ್ಮಾ ಗಾಂಧಿ ಬಡವರು, ದೀನ ದಲಿತರಿಗೆ ಭರವಸೆಯ ಬೆಳಕಾದವರು. - 130 ಕೋಟಿ ಭಾರತೀಯರು 130 ಕೋಟಿ ವಿಧಗಳಲ್ಲಿ ಗಾಂಧೀಜಿಯವರನ್ನು ಸ್ಮರಿಸಬಹುದು. - ಮಹಾತ್ಮಾ ಗಾಂಧಿಯವರ ಸ್ಮರಣೆಗೆ ದೇಶ ಸೇವೆಗಿಂತಾ ಉತ್ತಮ ಮಾರ್ಗ ಇನ್ನೊಂದಿಲ್ಲ. - ಬಾಪು ಅವರ 150ನೇ ಜನ್ಮ ವಾರ್ಷಿಕೋತ್ಸವದಂದು ಪ್ಲಾಸ್ಟಿಕ್ ಮುಕ್ತ ಭಾರತಕ್ಕಾಗಿ ಪಣ ತೊಡೋಣ - ದೇಶದಲ್ಲಿ 'ಪೋಷಣಾ ಅಭಿಯಾನ' ದೊಡ್ಡ ಮಟ್ಟದಲ್ಲಿ ನಡೆಯುತ್ತಿದೆ. ಅತ್ಯಾಧುನಿಕ ವೈಜ್ಞಾನಿಕ ವಿಧಾನಗಳಿಂದ ಸರ್ವರಿಗೂ ಪೋಷಕಾಂಶಗಳ ಲಭ್ಯತೆಗೆ ಪಣ - ಮ್ಯಾನ್ ವರ್ಸಸ್ ವೈಲ್ಡ್ ಕಾರ್ಯಕ್ರಮದ ಒಂದೇ ಒಂದು ಎಪಿಸೋಡ್ ನಿಂದಾಗಿ ನಾನು ವಿಶ್ವದ ಯುವ ಜನತೆ ಜೊತೆ ಸಂಪರ್ಕ ಸಾಧಿಸಿದೆ. ಪ್ರಧಾನಿಯಾದ ನನ್ನ ಜೊತೆ ಎಲ್ಲರೂ ಯೋಗದ ಬಗ್ಗೆ ಪ್ರಶ್ನೆ ಕೇಳ್ತಿದ್ದರು. ಇದೀಗ ವನ್ಯಜೀವಿ ಹಾಗೂ ಜಾಗತಿಕ ತಾಪಮಾನ ಬದಲಾವಣೆ ಬಗ್ಗೆ ಪ್ರಶ್ನಿಸ್ತಿದ್ದಾರೆ. ನಾನು ಆಶ್ಚರ್ಯ ಚಕಿತನಾಗಿದ್ದೇನೆ. - ಡಿಸ್ಕವರಿ ಚಾನಲ್ ಈ ಕಾರ್ಯಕ್ರಮವನ್ನು 165 ದೇಶಗಳಲ್ಲಿ ಆಯಾ ದೇಶಗಳ ಭಾಷೆಯಲ್ಲೇ ಪ್ರಸಾರವಾಗಿದೆ. - ಬೇರ್ ಗ್ರಿಲ್ಸ್ ಅವರ ಜೊತೆ ನೀವು ಹೇಗೆ ಮಾತುಕತೆ ನಡೆಸಿದ್ರಿ ಎಂದು ಹಲವರು ನನ್ನನ್ನು ಪ್ರಶ್ನಿಸಿದ್ರು. ನಾನು ಅವರೊಂದಿಗೆ ಮಾತನಾಡಲು ತಂತ್ರಜ್ಞಾನ ನೆರವಿಗೆ ಬಂತು. ಬೇರ್ ಅವರ ಕಿವಿಯಲ್ಲಿದ್ದ ಉಪಕರಣ ನಾನು ಆಡಿದ ಮಾತುಗಳನ್ನು ಅವರಿಗೆ ಅವರ ಭಾಷೆಯಲ್ಲೇ ಕೇಳುವಂತೆ ಮಾಡಿತು. ನಾನು ಹಿಂದಿಯಲ್ಲಿ ಮಾತನಾಡಿದೆ, ಆದ್ರೆ ಅದು ಅವರಿಗೆ ಇಂಗ್ಲೀಷ್ ನಲ್ಲಿ ಕೇಳಿಸಿತು. - ಸ್ವಾಮಿ ವಿವೇಕಾನಂದರು ಸೆಪ್ಟಂಬರ್ 11, 1893ರಲ್ಲಿ ಶಿಕಾಗೋನಲ್ಲಿ ಮಾಡಿದ ಐತಿಹಾಸಿಕ ಭಾಷಣವನ್ನು ಯಾರು ತಾನೇ ಮರೆಯಲು ಸಾಧ್ಯ? ಅವರು ಕಂಡ ಕನಸುಗಳನ್ನು ನಾವು ನನಸು ಮಾಡೋಣ. - ಪ್ರತಿವರ್ಷ ಆಗಸ್ಟ್ 29ರಂದು ರಾಷ್ಟ್ರೀಯ ಕ್ರೀಡಾ ದಿನಾಚರಣೆ ಇದೆ. ಇದು ನಿಮ್ಮ ನೆನಪಿನಲ್ಲಿರಲಿ. - ಆಗಸ್ಟ್ 29ರ ರಾಷ್ಟ್ರೀಯ ಕ್ರೀಡಾ ದಿನಾಚರಣೆ ಅಂಗವಾಗಿ ದೇಶಾದ್ಯಂತ 'ಫಿಟ್ ಇಂಡಿಯಾ ಮೂವ್ ಮೆಂಟ್' ಆರಂಭಿಸುತ್ತಿದ್ದೇವೆ. ಎಲ್ಲರೂ ಈ ಫಿಟ್ನೆಸ್ ಅಭಿಯಾನದಲ್ಲಿ ಭಾಗವಹಿಸಿ.
from India & World News in Kannada | VK Polls https://ift.tt/2ZlSPoF
