ಹೊಸದಿಲ್ಲಿ: ಇಡೀ ವಿಶ್ವದಲ್ಲೇ ಅತೀ ಹೆಚ್ಚು ವೀಕ್ಷಣೆ ಮಾಡಿದ ಕಾರ್ಯಕ್ರಮ ಎಂಬ ಹೆಗ್ಗಳಿಕೆ ಪಡೆದ 'ಮ್ಯಾನ್ ವರ್ಸಸ್ ವೈಲ್ಡ್' ಕಾರ್ಯಕ್ರಮ ಸಾಕಷ್ಟು ಟ್ರೋಲ್ಗೆ ಸಹ ಒಳಗಾಗಿತ್ತು. ಅದರಲ್ಲೊಂದು ಬೇರ್ ಗ್ರಿಲ್ಸ್ಗೆ ಹಿಂದಿ ಅರ್ಥವಾಗಿದ್ದು ಹೇಗೆ ಎಂಬುದನ್ನು ಆದರಿಸಿತ್ತು? ಮತ್ತೀಗ ಈ ಪ್ರಶ್ನೆಗೆ ಉತ್ತರ ಸಿಕ್ಕಿದೆ. ಹಲವರನ್ನು ಕಾಡಿದ ಈ ಪ್ರಶ್ನೆಗೆ ತಮ್ಮ ಮಾಸಿಕ ರೇಡಿಯೋ ಕಾರ್ಯಕ್ರಮ 'ಮನ್ ಕಿ ಬಾತ್'ನಲ್ಲಿ ಭಾನುವಾರ ಪ್ರಧಾನಿ ಮೋದಿ ಉತ್ತರ ನೀಡಿದ್ದಾರೆ. ಬೇರ್ ಗ್ರಿಲ್ಸ್ಗೆ ನನ್ನ ಹಿಂದಿ ಹೇಗೆ ಅರ್ಥವಾಗುತ್ತಿತ್ತು ಎಂದು ಹಲವು ಜನರು ತಿಳಿಯಲು ಬಯಸಿದ್ದರು. ಇದನ್ನು ಎಡಿಟ್ ಮಾಡಲಾಗಿತ್ತೇ ಅಥವಾ ಹಲವು ಬಾರಿ ಚಿತ್ರೀಕರಿಸಲಾಗಿತ್ತೇ ಎಂದು ಪ್ರಶ್ನೆಗಳು ಎದ್ದಿದ್ದವು. ಆಧುನಿಕ ತಂತ್ರಜ್ಞಾನ ನನ್ನ ಮತ್ತು ಗ್ರಿಲ್ಸ್ ನಡುವಿನ ಸಂಪರ್ಕ ಸೇತುವೆಯಾಯಿತು. ಅವರ ಕಿವಿಗೆ ಅಳವಡಿಸಲಾಗಿದ್ದ ಕಾರ್ಡ್ಲೆಸ್ ಸಾಧನ ನಾನು ಮಾತನಾಡುತ್ತಿದ್ದಂತೆ ತತ್ಕ್ಷಣ ಇಂಗ್ಲೀಷ್ ಭಾಷೆಗೆ ಅನುವಾದ ಮಾಡುತ್ತಿತ್ತು ಎಂದವರು ಹೇಳಿದ್ದಾರೆ. ಬೇರ್ ಗ್ರಿಲ್ಸ್ಗೆ ಹಿಂದಿ ಬರುತ್ತಾ? ಮ್ಯಾನ್ ವರ್ಸಸ್ ವೈಲ್ಡ್ ಕಾರ್ಯಕ್ರಮ ಪ್ರಸಾರವಾದ ಬಳಿಕ ಹೀಗೆಂದು ಹಲವರು ಟ್ವಿಟರ್ನಲ್ಲಿ ಪ್ರಶ್ನಿಸಿದ್ದರು, ಮತ್ತೆ ಕೆಲವರು ವ್ಯಂಗ್ಯವಾಡಿದ್ದರು. ಕಾರ್ಯಕ್ರಮದುದ್ದಕ್ಕೂ ಮೋದಿ ಹೆಚ್ಚು ಹಿಂದಿ ಮಾತುಗಳನ್ನೇ ಆಡಿದ್ದರು. ಹೀಗಾಗಿ ಅವರಿಬ್ಬರ ಸಂಭಾಷಣೆ ಟ್ವಿಟ್ಟಿಗರನ್ನು ಆಶ್ಚರ್ಯಕ್ಕೆ ದೂಡಿದ್ದು, ಈ ಕುರಿತ ವ್ಯಂಗ್ಯೋಕ್ತಿಗಳು ಟ್ವಿಟರ್ನಲ್ಲಿ ಹರಿದಾಡಿದ್ದವು. ಒಂದು ಪ್ರಶ್ನೆ- ಮೋದಿ ಹಿಂದಿಯಲ್ಲಿ ಮಾತನಾಡುತ್ತಿದ್ದಾರೆ. ಗ್ರಿಲ್ಸ್ ಅದು ಅರ್ಥವಾಗುವಂತೆ ತಲೆದೂಗಿಸುತ್ತಿದ್ದಾರೆ. ಅವರು ಹಿಂದಿಯನ್ನು ಕಲಿತಿದ್ದಾರಾ? ಎಂದು ಕೆಲವರು ಪ್ರಶ್ನಿಸಿದ್ದರು. ಬಹುಶಃ ಅವರು ಹಿಂದಿಯನ್ನು ಕಡ್ಡಾಯ ವಿಷಯವಾಗಿ ಆಯ್ದುಕೊಂಡು ಸಿಬಿಎಸ್ಸಿ ಬೋರ್ಡ್ನಿಂದ 10ನೇ ತರಗತಿಯನ್ನು ತೇರ್ಗಡೆ ಮಾಡಿದ್ದಾರೆ ಎಂದು ಒಬ್ಬರು ಕಾಲೆಳೆದಿದ್ದರು. ಮನುಷ್ಯ ಮತ್ತು ಕಾಡು ('ಮ್ಯಾನ್ ವರ್ಸಸ್ ವೈಲ್ಡ್') ಮನುಷ್ಯರು ಪ್ರವೇಶಿಸಲಾದ ದಟ್ಟ ಕಾಡುಗಳನ್ನು ಪ್ರವೇಶಿಸುತ್ತಾ, ಅಲ್ಲಿ ಎದುರಾಗುವ ಪರಿಸ್ಥಿತಿಗಳನ್ನು ಎದುರಿಸುತ್ತಾ ಸಾಗುವ ಡಿಸ್ಕವರಿ ಚಾನೆಲ್ನ 'ಮ್ಯಾನ್ ವರ್ಸಸ್ ವೈಲ್ಡ್' (ಮನುಷ್ಯ ಮತ್ತು ಕಾಡು) ಕಾರ್ಯಕ್ರಮ ಇದಾಗಿದ್ದು, ಖ್ಯಾತ ಸಾಹಸಿಕ ನಿರೂಪಕ ಇದರ ರೂವಾರಿಯಾಗಿದ್ದಾರೆ. ಕೈಯಲ್ಲಿ ಭರ್ಜಿಯಂಥ ಆಯುಧ, ಬೆಟ್ಟಗಳಲ್ಲಿ ಓಡಾಟ, ತೆಪ್ಪದಲ್ಲಿ ರೋಚಕ ರಾಫ್ಟಿಂಗ್.ಹೀಗೆ ಮೋದಿ ಸಾಹಸದ ಕುರಿತ 45 ಸೆಕೆಂಡ್ನ ಪ್ರೊಮೊವನ್ನು ಗ್ರಿಲ್ಸ್ ಕಳೆದ ತಿಂಗಳು ಟ್ವಿಟರ್ನಲ್ಲಿ ಬಿಡುಗಡೆ ಮಾಡಿದ ನಂತರ ಭಾರಿ ಸದ್ದು ಮಾಡಿತ್ತು. ಕಾರ್ಯಕ್ರಮ ಆಗಸ್ಟ್ 12ರಂದು ರಾತ್ರಿ 9 ಗಂಟೆಗೆ 180 ರಾಷ್ಟ್ರಗಳಲ್ಲಿ ಪ್ರಸಾರವಾಗಿದೆ. ಡಿಸ್ಕವರಿ ಚಾನೆಲ್ ತನ್ನ ಟೀಸರ್ಗೆ 'ಎ ಪಿಕ್ ಅಡ್ವೆಂಚರ್ ಆಫ್ ಎ ಲೈಫ್ ಟೈಮ್' ಎಂದು ಹೆಸರಿಟ್ಟಿತ್ತು. ಜೀವಮಾನದ ಮಹಾ ಸಾಹಸದಲ್ಲಿ ಜಗತ್ತಿನ ಅತಿ ದೊಡ್ಡ ಪ್ರಜಾತಂತ್ರ ದೇಶದ ನಾಯಕರೊಬ್ಬರು ಭಾಗವಹಿಸಿರುವುದು ಹೆಮ್ಮೆ ಎಂದು ಡಿಸ್ಕವರಿ ಚಾನೆಲ್ ಹೇಳಿಕೊಂಡಿದೆ. ಮ್ಯಾನ್ ವರ್ಸಸ್ ವೈಲ್ಡ್ ಕಾರ್ಯಕ್ರಮದಲ್ಲಿ ಈ ಹಿಂದೆ ಬರಾಕ್ ಒಬಾಮಾ, ಮಿಷೆಲ್ ಜೋರ್ಡಾನ್, ಜ್ಯಾಕ್ ಎಫ್ರಾನ್ ಸೇರಿದಂತೆ ಹಲವು ಸೆಲೆಬ್ರಿಟಿಗಳು ಭಾಗವಹಿಸಿದ್ದರು.
from India & World News in Kannada | VK Polls https://ift.tt/2NuHYGE
