ಬೆಂಗಳೂರು: (134* ರನ್, 56 ಎಸೆತ, 7 ಫೋರ್, 13 ಸಿಕ್ಸರ್ ಮತ್ತು 15ಕ್ಕೆ 8 ವಿಕೆಟ್) ಅವರ ವಿಸ್ಫೋಟಕ ಶತಕ ಮತ್ತು ಮಾರಕ ಬೌಲಿಂಗ್ ಬಲದಿಂದ ಮಿಂಚಿದ ಬಳ್ಳಾರಿ ಟಸ್ಕರ್ಸ್ ತಂಡ ಕೆಪಿಎಲ್ ಟೂರ್ನಿಯ ಬೆಂಗಳೂರು ಚರಣದ ಅಂತಿಮ ಲೀಗ್ ಪಂದ್ಯದಲ್ಲಿ ಶಿವಮೊಗ್ಗ ಲಯನ್ಸ್ ವಿರುದ್ಧ 70 ರನ್ಗಳ ಭರ್ಜರಿ ಗೆಲುವು ದಾಖಲಿಸಿತು. ಮಳೆಯಿಂದಾಗಿ ವಿಜೆಡಿ ನಿಯಮದನ್ವಯ 17 ಓವರ್ಗಳಿಗೆ ಕಡಿತಗೊಂಡ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಬಳ್ಳಾರಿ ತಂಡ 17 ಓವರ್ಗಳಲ್ಲಿ 3 ವಿಕೆಟ್ಗೆ 203 ರನ್ ಗಳಿಸಿತು. ಬಳಿಕ ಲಯನ್ಸ್ ತಂಡವನ್ನು 16.3 ಓವರ್ಗಳಲ್ಲಿ 133 ರನ್ಗಳಿಗೆ ನಿಯಂತ್ರಿಸಿ, ಜಯದ ಕೇಕೆ ಹಾಕಿತು. ಗೌತಮ್ ಬರೆಗ ಪ್ರಮುಖ ದಾಖಲೆಗಳು: ಟ್ವೆಂಟಿ-20 ಕ್ರಿಕೆಟ್ ಇತಿಹಾಸದಲ್ಲೇ ಆಟಗಾರನೊಬ್ಬ ಶತಕದ ಜತೆಗೆ 8 ವಿಕೆಟ್ ಕಬಳಿಸಿರುವುದು ಇದೇ ಮೊದಲು. ಕೆಪಿಎಲ್ ಟಿ20 ಇನ್ನಿಂಗ್ಸ್ವೊಂದರಲ್ಲಿ ಅತಿ ಹೆಚ್ಚು ಸಿಕ್ಸರ್: 13 ಕೆಪಿಎಲ್ನಲ್ಲಿ ವೈಯಕ್ತಿಕ ಗರಿಷ್ಠ ಮೊತ್ತ: 134 ಕೆಪಿಎಲ್ನಲ್ಲಿ ಅತಿ ವೇಗದ ಶತಕ: 39 ಎಸೆತ ಟಿ20 ಇತಿಹಾಸದಲ್ಲೇ ಶ್ರೇಷ್ಠ ಬೌಲಿಂಗ್: 15ಕ್ಕೆ 8 ವಿಕೆಟ್ ಕೆಪಿಎಲ್ನಲ್ಲಿ ಬೌಂಡರಿ (ಸಿಕ್ಸರ್ ಸೇರಿದಂತೆ) ಮೂಲಕ ಅತಿ ಹೆಚ್ಚು ರನ್ ಗಳಿಕೆ: 106 ( 7 ಫೋರ್, 13 ಸಿಕ್ಸರ್) ಟ್ವೆಂಟಿ-20 ಕ್ರಿಕೆಟ್ನಲ್ಲಿ ಶ್ರೇಷ್ಠ ಬೌಲಿಂಗ್ ಸಾಧನೆ ಮಾಡಿದರೂ ಗೌತಮ್ ಈ ದಾಖಲೆಗೆ ಅದಿಕೃತ ಮನ್ನಣೆ ಸಿಗುವುದಿಲ್ಲ. ಯಾಕೆಂದರೆ ಇದನ್ನು ರಾಜ್ಯ ಟಿ20 ಲೀಗ್ ಆಗಿ ಪರಿಗಣಿಸಲಾಗುತ್ತದೆ. ಹಾಗಾಗಿ ಈ ದಾಖಲೆ ಇತರೆ ಟಿ20 ವಿಭಾಗದಲ್ಲಷ್ಟೇ ಗುರುತಿಸಿಕೊಳ್ಳಲಿದೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2NsOZrn
