ವಿಯೆನ್ನಾ: ಉಗ್ರರ ದಾಳಿ ಖಂಡ ಇದೀಗ ಮತ್ತೆ ಬೆಚ್ಚಿಬಿದ್ದಿದೆ. ಫ್ರಾನ್ಸ್ ಬಳಿಕ ಆಸ್ಟ್ರಿಯಾದ ವಿಯೆನ್ನಾದಲ್ಲೂ ಉಗ್ರರು ದುಷ್ಕೃತ್ಯವೆಸಗಿದ್ದಾರೆ. ವಿಯೆನ್ನಾದ ಪ್ರಮುಖ ಪ್ರದೇಶಗಳ ಆರು ಕಡೆಗಳಲ್ಲಿ ಗುಂಡಿನ ಮಳೆಗೈದಿರುವ ಉಗ್ರರು ಇಬ್ಬರ ಪ್ರಾಣವನ್ನು ಕಸಿದುಕೊಂಡಿದ್ದಾರೆ. ಒಬ್ಬ ಉಗ್ರನನ್ನು ಪೊಲೀಸರು ಕೊಂದಿದ್ದು, ಕೆಲವರನ್ನು ಸೆರೆ ಹಿಡಿದಿದ್ದಾರೆ. ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ಉಗ್ರ ದಾಳಿ ಸಂಬಂಧ ವಿಡಿಯೊಗಳು ಹರಿದಾಡುತ್ತಿದ್ದು ನವೆಂಬರ್ 26,2008 ಮುಂಬಯಿನ ಮೇಲೆ ನಡೆದ ದಾಳಿಯಂತೆ ಭಾಸವಾಗಿದೆ. ಅಂದು ಪಾಕಿಸ್ತಾನದಿಂದ ಮಾಯನಗರಿ ಮುಂಬಯಿಗೆ ಆಗಮಿಸಿದ ಅಪ್ಜಲ್ ಕಸಬ್ ಹಾಗೂ ಇನ್ನಿತರರು ಉಗ್ರರು ದಾಳಿ ನಡೆಸಿದ್ದರು. ತೋಳಿನಲ್ಲಿ ಬ್ಯಾಗ್, ಕೈನಲ್ಲಿ ರಫೈಲ್ ಹಿಡಿದುಕೊಂಡು ಬಂದ ಉಗ್ರರು ಸಿಕ್ಕ ಸಿಕ್ಕವರ ಮೇಲೆ ಗುಂಡಿನ ದಾಳಿ ನಡೆಸಿದ್ದರು. ಅಂದು ನೂರಕ್ಕೂ ಹೆಚ್ಚು ಮಂದಿ ಈ ಘಟನೆಯಲ್ಲಿ ಸಾವನಪ್ಪಿದ್ದರು. ಹಲವು ಕಡೆಗಳಲ್ಲಿ ದಾಳಿ ನಡೆಸಿ ಪೊಲೀಸರ ದಿಕ್ಕು ತಪ್ಪಿಸಿದ್ದರು. ಇದೀಗ ಇದೇ ರೀತಿಯಲ್ಲಿ ವಿಯೆನ್ನಾದಲ್ಲಿ ಕಿಕ್ಕಿರಿದು ಸೇರಿರುವ ಸ್ಥಳದಲ್ಲಿ ಉಗ್ರರು ಅಟ್ಟಹಾಸ ಮೆರೆದಿದ್ದಾರೆ. ಒಂದೇ ಕ್ಷಣದಲ್ಲಿ ನಗರಕ್ಕೆ ಎಂಟ್ರಿ ಕೊಟ್ಟ ಉಗ್ರರು ಆರು ಕಡೆಗಳಲ್ಲಿ ದಾಳಿ ನಡೆಸಿದ್ದಾರೆ. ತೋಳಿನ ಮೇಲೆ ಬ್ಯಾಗ್, ಕೈನಲ್ಲಿ ಎಕೆ 47 ಹಿಡಿದುಕೊಂಡು ರಸ್ತೆಯಲ್ಲಿ ಸಿಕ್ಕ ಸಿಕ್ಕವರ ಮೇಲೆ ಗುಂಡಿನ ದಾಳಿ ನಡೆಸಿದ್ದಾರೆ. ಇವರ ಕುಕೃತ್ಯಕ್ಕೆ ಎರಡು ಮಂದಿ ಸಾವನಪ್ಪಿದ್ದಾರೆ. ಪೊಲೀಸರು ಕೂಡ ಪ್ರತಿ ದಾಳಿ ನಡೆಸಿದ್ದಾರೆ.
from India & World News in Kannada | VK Polls https://ift.tt/3mLb7LT
