ತೆಲಂಗಾಣದ ರಾಜಧಾನಿ, ಹೈದರಾಬಾದ್‌ನ ಮಹಾ ನಗರ ಪಾಲಿಕೆಗೆ ಮುಂದಿನ ವಾರ ನಡೆಯಲಿರುವ ಮತದಾನ ಇದೀಗ ಭಾರಿ ಗಮನ ಸೆಳೆದಿದೆ. ಇದಕ್ಕೆ ಕಾರಣ ಇತ್ತೀಚೆಗೆ ಡುಬ್ಬಾಕ್‌ ವಿಧಾನಸಭಾ ಕ್ಷೇತ್ರದ ಉಪ ಚುನಾವಣೆಯಲ್ಲಿ ಬಿಜೆಪಿ ಗಳಿಸಿರುವ ಅನಿರೀಕ್ಷಿತ ಗೆಲುವು! ಹೈದರಾಬಾದ್‌ ಪಾಲಿಕೆ ಎಂದರೆ ಮುಖ್ಯಮಂತ್ರಿ ಕೆ. ಚಂದ್ರಶೇಖರ ರಾವ್‌ ನೇತೃತ್ವದ ತೆಲಂಗಾಣ ರಾಷ್ಟ್ರೀಯ ಸಮಿತಿಯ ಭದ್ರಕೋಟೆ ಎಂದೇ ವಿಖ್ಯಾತ. ಹೀಗಿದ್ದರೂ, ಈ ಸಲ ಚುನಾವಣೆಗೆ ಇನ್ನೂ ಎರಡು ತಿಂಗಳಿಗೂ ಮೊದಲೇ ದಿಢೀರ್‌ ಚುನಾವಣೆಯನ್ನು ಏರ್ಪಡಿಸಿರುವ ಟಿಆರ್‌ಎಸ್‌ನ ತರಾತುರಿಯೇ ಅದರ ಹಿಂಜರಿಕೆಗೆ ಸಾಕ್ಷಿ ಎನ್ನುತ್ತಾರೆ ವಿಶ್ಲೇಷಕರು. ಗ್ರೇಟರ್‌ ಹೈದರಾಬಾದ್‌ ಮುನಿಸಿಪಾಲ್‌ ಕಾರ್ಪೊರೇಷನ್‌ ಎಂದೂ(ಜಿಎಚ್‌ಎಂಸಿ) ಕರೆಯುವ ಈ ಪಾಲಿಕೆಗೆ ಕಳೆದ 2016ರಲ್ಲಿ ಈ ನಡೆದ ಚುನಾವಣೆಯಲ್ಲಿಒಟ್ಟು 150 ವಾರ್ಡ್‌ಗಳ ಪೈಕಿ 99ರಲ್ಲಿಟಿಆರ್‌ಎಸ್‌ ಪ್ರಚಂಡ ಜಯ ಗಳಿಸಿತ್ತು. ಎರಡನೇ ಸ್ಥಾನದಲ್ಲಿಅಸಾದುದ್ದೀನ್‌ ಒವೈಸಿ ಅವರ ಎಐಎಂಐಎಂ 44 ಸೀಟುಗಳನ್ನು ತನ್ನದಾಗಿಸಿತ್ತು. ಬಿಜೆಪಿ ಕೇವಲ 4 ಸ್ಥಾನಗಳಿಗೆ ತೃಪ್ತಿಪಟ್ಟಿತ್ತು. ಕಾಂಗ್ರೆಸ್ ಕೇವಲ 2 ಸೀಟುಗಳೊಂದಿಗೆ ನಾಮಾವಶೇಷವಾಗಿತ್ತು. ಆದರೆ ಈ ಸಲ ಟಿಆರ್‌ಎಸ್‌ ವಿರುದ್ಧ ಬಿಜೆಪಿ ಸಡ್ಡು ಹೊಡೆದಿದೆ. ಇತ್ತೀಚೆಗೆ ಬಿಹಾರದಲ್ಲಿಎನ್‌ಡಿಎ ಗೆದ್ದರೂ, ಆರ್‌ಜೆಡಿ ತೀವ್ರ ಪೈಪೋಟಿ ನೀಡಿತ್ತು. ಇದಾದ ನಂತರ ಬಿಜೆಪಿ ಮುಂಜಾಗರೂಕತಾ ಕ್ರಮವಾಗಿ ದಕ್ಷಿಣ ಭಾರತದಲ್ಲಿ ನಗರ ಪಾಲಿಕೆಗಳು ಸೇರಿದಂತೆ ಪ್ರತಿ ಚುನಾವಣೆಯನ್ನೂ ಗಂಭೀರವಾಗಿ ಪರಿಗಣಿಸಲು ಮುಂದಾಗಿದೆ.ಟಿಆರ್‌ಎಸ್‌ಗೆ ಅನಿರೀಕ್ಷಿತ ಹಿನ್ನಡೆ: ಕಳೆದ 2018ರಲ್ಲಿ ನಡೆದ ವಿಧಾನಸಭೆ ಚುನಾವಣೆಯಲ್ಲಿ ಟಿಆರ್‌ಎಸ್‌ ಒಟ್ಟು 119 ಕ್ಷೇತ್ರಗಳ ಪೈಕಿ 88ರಲ್ಲಿ ಗೆದ್ದು, ಪ್ರಚಂಡ ಜಯಭೇರಿ ಬಾರಿಸಿತ್ತು. ಆದರೆ 2019ರ ಲೋಕಸಭೆ ಚುನಾವಣೆಯಲ್ಲಿ 4 ಮಹತ್ವದ ಕ್ಷೇತ್ರಗಳಲ್ಲಿ ಬಿಜೆಪಿ ಎದುರು ಪರಾಭವಕ್ಕೀಡಾಗಿತ್ತು. ಇದಾದ ನಂತರ ಡುಬ್ಬಾಕ್‌ ವಿಧಾನಸಭಾ ಕ್ಷೇತ್ರದ ಇತ್ತೀಚಿನ ಸೋಲು, ಟಿಆರ್‌ಎಸ್‌ ಅನ್ನು ಚಿಂತೆಗೀಡು ಮಾಡಿದೆ. ಇದಾದ ನಂತರ ಅವಸರದಲ್ಲಿಹೈದರಾಬಾದ್‌ ಪಾಲಿಕೆ ಚುನಾವಣೆಯನ್ನು ರಾಜ್ಯ ಸರಕಾರ ಘೋಷಿಸಿದೆ. ಪ್ರತಿಪಕ್ಷಗಳಿಗೆ ತಯಾರಾಗಲು ಕಾಲಾವಕಾಶವನ್ನೂ ಕೊಡದೆ, ಗೆಲ್ಲಲು ಈ ತಂತ್ರ ಪ್ರಯೋಗಿಸಿದೆ. ಕಳೆದ ವಿಧಾನಸಭೆ ಚುನಾವಣೆಯಲ್ಲೂಇದೇ ಪ್ರಯೋಗ ಮಾಡಿತ್ತು.ನೆರೆ ಪರಿಹಾರದಲ್ಲಿ ಮುಗ್ಗರಿಸಿದ್ದ ಪಾಲಿಕೆ: ಕಳೆದ 2016ರಲ್ಲಿ ಹೈದರಾಬಾದ್‌ ಪಾಲಿಕೆ ಚುನಾವಣೆಯಲ್ಲಿ ಟಿಆರ್‌ಎಸ್‌ 20ಕ್ಕೆ 99 ಸೀಟುಗಳನ್ನು ಗೆದ್ದಿದ್ದರೂ, ನಂತರ ಪ್ರವಾಹ ಪರಿಸ್ಥಿತಿಯ ನಿರ್ವಹಣೆಯಲ್ಲಿ ಎಡವಿತ್ತು. ಸಂತ್ರಸ್ತ ಕುಟುಂಬಗಳಿಗೆ 10,000 ರೂ. ತಕ್ಷಣದ ನಗದು ಪರಿಹಾರ ಪ್ರಕಟಿಸಿದ್ದರೂ, ಜನತೆಗೆ ತಲುಪಿರಲಿಲ್ಲ. ಪಕ್ಷದಿಂದ ಗಿಫ್ಟ್‌ ಕೊಟ್ಟಂತೆ ನಗದು ವಿತರಣೆಯಾಗಿತ್ತು ಎಂಬ ಆರೋಪ ಇದೆ.ಹೈದರಾಬಾದ್‌ ಮಹಾ ನಗರಪಾಲಿಕೆಗೆ ಇದೇ ಡಿಸೆಂಬರ್‌ 1ರಂದು ನಡೆಯಲಿರುವ ಚುನಾವಣೆ ಕುತೂಹಲ ಮೂಡಿಸಿದೆ! ಇದಕ್ಕೆ ಕಾರಣ ಬಿಜೆಪಿಯ ರಾಷ್ಟ್ರೀಯ ನಾಯಕರು ಪಾಲಿಕೆ ಚುನಾವಣೆಗೆ ಕೊಟ್ಟಿರುವ ಆಸಕ್ತಿ. ಭವಿಷ್ಯದಲ್ಲಿ ತೆಲಂಗಾಣದ ಚುಕ್ಕಾಣಿ ಹಿಡಿಯುವ ದೂರದೃಷ್ಟಿಯೊಂದಿಗೆ ಬಿಜೆಪಿ, ರಾಜಧಾನಿ ಹೈದರಾಬಾದ್‌ನಲ್ಲಿ ನಡೆಸುತ್ತಿರುವ ಕಾರ‍್ಯತಂತ್ರ, ಹಾಲಿ ಅಧಿಕಾರದಲ್ಲಿರುವ ಟಿಆರ್‌ಎಸ್‌ ರಣನೀತಿಯ ಒಳನೋಟ ಇಲ್ಲಿದೆ.
ತೆಲಂಗಾಣದ ರಾಜಧಾನಿ, ಹೈದರಾಬಾದ್‌ನ ಮಹಾ ನಗರ ಪಾಲಿಕೆಗೆ ಮುಂದಿನ ವಾರ ನಡೆಯಲಿರುವ ಮತದಾನ ಇದೀಗ ಭಾರಿ ಗಮನ ಸೆಳೆದಿದೆ. ಇದಕ್ಕೆ ಕಾರಣ ಇತ್ತೀಚೆಗೆ ಡುಬ್ಬಾಕ್‌ ವಿಧಾನಸಭಾ ಕ್ಷೇತ್ರದ ಉಪ ಚುನಾವಣೆಯಲ್ಲಿ ಬಿಜೆಪಿ ಗಳಿಸಿರುವ ಅನಿರೀಕ್ಷಿತ ಗೆಲುವು! ಹೈದರಾಬಾದ್‌ ಪಾಲಿಕೆ ಎಂದರೆ ಮುಖ್ಯಮಂತ್ರಿ ಕೆ. ಚಂದ್ರಶೇಖರ ರಾವ್‌ ನೇತೃತ್ವದ ತೆಲಂಗಾಣ ರಾಷ್ಟ್ರೀಯ ಸಮಿತಿಯ ಭದ್ರಕೋಟೆ ಎಂದೇ ವಿಖ್ಯಾತ. ಹೀಗಿದ್ದರೂ, ಈ ಸಲ ಚುನಾವಣೆಗೆ ಇನ್ನೂ ಎರಡು ತಿಂಗಳಿಗೂ ಮೊದಲೇ ದಿಢೀರ್‌ ಚುನಾವಣೆಯನ್ನು ಏರ್ಪಡಿಸಿರುವ ಟಿಆರ್‌ಎಸ್‌ನ ತರಾತುರಿಯೇ ಅದರ ಹಿಂಜರಿಕೆಗೆ ಸಾಕ್ಷಿ ಎನ್ನುತ್ತಾರೆ ವಿಶ್ಲೇಷಕರು. ಗ್ರೇಟರ್‌ ಹೈದರಾಬಾದ್‌ ಮುನಿಸಿಪಾಲ್‌ ಕಾರ್ಪೊರೇಷನ್‌ ಎಂದೂ(ಜಿಎಚ್‌ಎಂಸಿ) ಕರೆಯುವ ಈ ಪಾಲಿಕೆಗೆ ಕಳೆದ 2016ರಲ್ಲಿ ಈ ನಡೆದ ಚುನಾವಣೆಯಲ್ಲಿಒಟ್ಟು 150 ವಾರ್ಡ್‌ಗಳ ಪೈಕಿ 99ರಲ್ಲಿಟಿಆರ್‌ಎಸ್‌ ಪ್ರಚಂಡ ಜಯ ಗಳಿಸಿತ್ತು. ಎರಡನೇ ಸ್ಥಾನದಲ್ಲಿಅಸಾದುದ್ದೀನ್‌ ಒವೈಸಿ ಅವರ ಎಐಎಂಐಎಂ 44 ಸೀಟುಗಳನ್ನು ತನ್ನದಾಗಿಸಿತ್ತು. ಬಿಜೆಪಿ ಕೇವಲ 4 ಸ್ಥಾನಗಳಿಗೆ ತೃಪ್ತಿಪಟ್ಟಿತ್ತು. ಕಾಂಗ್ರೆಸ್ ಕೇವಲ 2 ಸೀಟುಗಳೊಂದಿಗೆ ನಾಮಾವಶೇಷವಾಗಿತ್ತು. ಆದರೆ ಈ ಸಲ ಟಿಆರ್‌ಎಸ್‌ ವಿರುದ್ಧ ಬಿಜೆಪಿ ಸಡ್ಡು ಹೊಡೆದಿದೆ. ಇತ್ತೀಚೆಗೆ ಬಿಹಾರದಲ್ಲಿಎನ್‌ಡಿಎ ಗೆದ್ದರೂ, ಆರ್‌ಜೆಡಿ ತೀವ್ರ ಪೈಪೋಟಿ ನೀಡಿತ್ತು. ಇದಾದ ನಂತರ ಬಿಜೆಪಿ ಮುಂಜಾಗರೂಕತಾ ಕ್ರಮವಾಗಿ ದಕ್ಷಿಣ ಭಾರತದಲ್ಲಿ ನಗರ ಪಾಲಿಕೆಗಳು ಸೇರಿದಂತೆ ಪ್ರತಿ ಚುನಾವಣೆಯನ್ನೂ ಗಂಭೀರವಾಗಿ ಪರಿಗಣಿಸಲು ಮುಂದಾಗಿದೆ.
ಟಿಆರ್‌ಎಸ್‌ಗೆ ಅನಿರೀಕ್ಷಿತ ಹಿನ್ನಡೆ:
ಕಳೆದ 2018ರಲ್ಲಿ ನಡೆದ ವಿಧಾನಸಭೆ ಚುನಾವಣೆಯಲ್ಲಿ ಟಿಆರ್‌ಎಸ್‌ ಒಟ್ಟು 119 ಕ್ಷೇತ್ರಗಳ ಪೈಕಿ 88ರಲ್ಲಿ ಗೆದ್ದು, ಪ್ರಚಂಡ ಜಯಭೇರಿ ಬಾರಿಸಿತ್ತು. ಆದರೆ 2019ರ ಲೋಕಸಭೆ ಚುನಾವಣೆಯಲ್ಲಿ 4 ಮಹತ್ವದ ಕ್ಷೇತ್ರಗಳಲ್ಲಿ ಬಿಜೆಪಿ ಎದುರು ಪರಾಭವಕ್ಕೀಡಾಗಿತ್ತು. ಇದಾದ ನಂತರ ಡುಬ್ಬಾಕ್‌ ವಿಧಾನಸಭಾ ಕ್ಷೇತ್ರದ ಇತ್ತೀಚಿನ ಸೋಲು, ಟಿಆರ್‌ಎಸ್‌ ಅನ್ನು ಚಿಂತೆಗೀಡು ಮಾಡಿದೆ. ಇದಾದ ನಂತರ ಅವಸರದಲ್ಲಿಹೈದರಾಬಾದ್‌ ಪಾಲಿಕೆ ಚುನಾವಣೆಯನ್ನು ರಾಜ್ಯ ಸರಕಾರ ಘೋಷಿಸಿದೆ. ಪ್ರತಿಪಕ್ಷಗಳಿಗೆ ತಯಾರಾಗಲು ಕಾಲಾವಕಾಶವನ್ನೂ ಕೊಡದೆ, ಗೆಲ್ಲಲು ಈ ತಂತ್ರ ಪ್ರಯೋಗಿಸಿದೆ. ಕಳೆದ ವಿಧಾನಸಭೆ ಚುನಾವಣೆಯಲ್ಲೂಇದೇ ಪ್ರಯೋಗ ಮಾಡಿತ್ತು.
ನೆರೆ ಪರಿಹಾರದಲ್ಲಿ ಮುಗ್ಗರಿಸಿದ್ದ ಪಾಲಿಕೆ:
ಕಳೆದ 2016ರಲ್ಲಿ ಹೈದರಾಬಾದ್‌ ಪಾಲಿಕೆ ಚುನಾವಣೆಯಲ್ಲಿ ಟಿಆರ್‌ಎಸ್‌ 20ಕ್ಕೆ 99 ಸೀಟುಗಳನ್ನು ಗೆದ್ದಿದ್ದರೂ, ನಂತರ ಪ್ರವಾಹ ಪರಿಸ್ಥಿತಿಯ ನಿರ್ವಹಣೆಯಲ್ಲಿ ಎಡವಿತ್ತು. ಸಂತ್ರಸ್ತ ಕುಟುಂಬಗಳಿಗೆ 10,000 ರೂ. ತಕ್ಷಣದ ನಗದು ಪರಿಹಾರ ಪ್ರಕಟಿಸಿದ್ದರೂ, ಜನತೆಗೆ ತಲುಪಿರಲಿಲ್ಲ. ಪಕ್ಷದಿಂದ ಗಿಫ್ಟ್‌ ಕೊಟ್ಟಂತೆ ನಗದು ವಿತರಣೆಯಾಗಿತ್ತು ಎಂಬ ಆರೋಪ ಇದೆ.
ಬಿಜೆಪಿಗೆ 2 ಶಾಸಕರು, 4 ಸಂಸದರ ಬಲ
ತೆಲಂಗಾಣದಲ್ಲಿ ಬಿಜೆಪಿ 2 ಶಾಸಕರು, 4 ಸಂಸದರನ್ನು ಹೊಂದಿದೆ. ಇದೀಗ ಹೈದರಾಬಾದಿನಲ್ಲಿ ತನ್ನ ಪ್ರಾಬಲ್ಯ ಹೆಚ್ಚಿಸಿಕೊಳ್ಳಲು ಬಿಜೆಪಿಗೆ ಅವಕಾಶ ಸೃಷ್ಟಿಯಾಗಿದೆ. ದಕ್ಷಿಣ ಭಾರತದಲ್ಲಿ ಬಿಜೆಪಿಗೆ ಕರ್ನಾಟಕ ಹೊರತುಪಡಿಸಿ ಇತರ ರಾಜ್ಯಗಳಲ್ಲಿ ಹೆಚ್ಚಿನ ಬಲ ಇಲ್ಲ. ಪ್ರಾದೇಶಿಕ ಪಕ್ಷಗಳ ಹಿಡಿತವಿದೆ. ಆದರೆ ತೆಲಂಗಾಣದಲ್ಲಿ ಸದ್ಯಕ್ಕೆ ಮತ್ತಷ್ಟು ಬಲ ಹೆಚ್ಚಿಸಿಕೊಳ್ಳುವ ಸಾಧ್ಯತೆ ಇದೆ.
ಬಿಜೆಪಿ ಉಸ್ತುವಾರಿ ಟೀಮ್‌
ಭೂಪೇಂದರ್‌ ಯಾದವ್‌:
ಜಿಎಚ್‌ಎಂಸಿ ಚುನಾವಣೆಯಲ್ಲಿಬಿಜೆಪಿಯ ಉಸ್ತುವಾರಿ ವಹಿಸಿದ್ದಾರೆ. ಪಕ್ಷದ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ಹಾಗೂ ರಾಜ್ಯಸಭಾ ಸದಸ್ಯ. ಬಿಹಾರ, ಗುಜರಾತ್‌ನಲ್ಲಿಪಕ್ಷದ ಉಸತುವಾರಿಯನ್ನೂ ಅವರು ನಿಭಾಯಿಸುತ್ತಿದ್ದಾರೆ.
ಡಾ. ಕೆ. ಸುಧಾಕರ್‌:
ಕರ್ನಾಟಕದ ಆರೋಗ್ಯ ಸಚಿವ ಹಾಗೂ ಬಿಜೆಪಿ ನಾಯಕ ಡಾ. ಕೆ. ಸುಧಾಕರ್‌ ಅವರು ಪಕ್ಷದ ಉಸ್ತುವಾರಿ ಸಮಿತಿಯಲ್ಲಿದ್ದಾರೆ. ಭೂಪೇಂದರ್‌ ಯಾದವ್‌ಗೆ ಸಹಕರಿಸಲಿದ್ದಾರೆ. 30 ವಾರ್ಡ್‌ಗಳ ಪ್ರಚಾರ, ಸಿದ್ಧತೆಯ ಹೊಣೆ ವಹಿಸಿಕೊಂಡಿದ್ದಾರೆ.
ಸತೀಶ್‌ ರೆಡ್ಡಿ:
ಬಿಜೆಪಿ ನಾಯಕ, ಬೆಂಗಳೂರಿನ ಬೊಮ್ಮನಹಳ್ಳಿ ಕ್ಷೇತ್ರದ ಶಾಸಕ ಎಂ. ಸತೀಶ್‌ ರೆಡ್ಡಿ ಕೂಡ ತಂಡದಲ್ಲಿದ್ದಾರೆ. ಉಳಿದಂತೆ ಮಹಾರಾಷ್ಟ್ರದ ಶಾಸಕ ಅಶೀಷ್‌ ಸೆಲರ್‌, ಗುಜರಾತ್‌ನಲ್ಲಿಪಕ್ಷದ ಕಾರ್ಯದರ್ಶಿಯಾಗಿರುವ ಪ್ರದೀಪ್‌ ಸಿಂಗ್‌ ವಘೇಲಾ ಇದ್ದಾರೆ.
ಹೈದರಾಬಾದ್‌ ನಗರಪಾಲಿಕೆಯ ಹಾಲಿ ಬಲಾಬಲ
ಒಟ್ಟು ವಾರ್ಡ್‌ಗಳು
-150
ಟಿಆರ್‌ಎಸ್‌: 99
ಎಐಎಂಐಎಂ: 44
ಬಿಜೆಪಿ: 4
ಕಾಂಗ್ರೆಸ್: 2
ಟಿಡಿಪಿ: 1
ನಗರಪಾಲಿಕೆಯ ಮತದಾನ: ಡಿಸೆಂಬರ್‌ 1
ಫಲಿತಾಂಶ: ಡಿ. 4
ತೆಲಂಗಾಣದಲ್ಲಿ 2023ರಲ್ಲಿ ಬಿಜೆಪಿ ಸರಕಾರ: ಸುಧಾಕರ್‌ ವಿಶ್ವಾಸ
'' ತೆಲಂಗಾಣದಲ್ಲಿ ಮುಖ್ಯಮಂತ್ರಿ ಚಂದ್ರಶೇಖರ ರಾವ್‌ ನೇತೃತ್ವದ ಟಿಆರ್‌ಎಸ್‌ ಪಕ್ಷದ ದುರಾಡಳಿತದ ವಿರುದ್ಧ ಜನತೆ ಎಚ್ಚೆತ್ತುಕೊಂಡಿದ್ದಾರೆ. ಬದಲಾವಣೆ ಬಯಸುತ್ತಿದ್ದು, ಬಿಜೆಪಿ ಪರ್ಯಾಯ ಪಕ್ಷವಾಗಿ ಹೊರಹೊಮ್ಮುತ್ತಿದೆ. ಟಿಆರ್‌ಎಸ್‌ನ ಪ್ರಾಬಲ್ಯವಿದ್ದ ಡುಬ್ಬಾಕ್‌ ವಿಧಾನಸಭೆ ಕ್ಷೇತ್ರದ ಫಲಿತಾಂಶವೇ ಇದಕ್ಕೆ ನಿದರ್ಶನ. ಪಾಲಿಕೆ ಚುನಾವಣೆಯಲ್ಲಿಪಕ್ಷ ಉತ್ತಮ ಸಾಧನೆ ತೋರುವ ವಿಶ್ವಾಸ ಇದೆ. ಅದೇ ರೀತಿ ಮುಂಬರುವ ತೆಲಂಗಾಣ ವಿಧಾನಸಭೆ ಚುನಾವಣೆಯಲ್ಲೀ ಬಿಜೆಪಿ ಗೆದ್ದು ಅಧಿಕಾರಕ್ಕೇರಲಿದೆ ಎಂಬ ನಂಬಿಕೆ ನನಗಿದೆ'' ಎಂದು ಕರ್ನಾಟಕದ ಆರೋಗ್ಯ ಸಚಿವ, ಹಾಗೂ ಹೈದರಾಬಾದ್‌ ಪಾಲಿಕೆ ಚುನಾವಣಾ ಉಸ್ತುವಾರಿ ತಂಡದಲ್ಲಿರುವ ಡಾ. ಸುಧಾಕರ್‌ ಅವರು 'ವಿಜಯ ಕರ್ನಾಟಕ'ಕ್ಕೆ ತಿಳಿಸಿದ್ದಾರೆ.
'' ಈ ಹಿಂದಿನ ಪಾಲಿಕೆ ಚುನಾವಣೆಯಲ್ಲಿ ಬಿಜೆಪಿ ಶೇ.8-10 ಪತ ಗಳಿಸಿತ್ತು. 4 ಸೀಟು ಗೆದ್ದಿತ್ತು. ಈ ಸಲ ಚಿತ್ರಣ ಪಕ್ಷಕ್ಕೆ ಚೇತೋಹಾರಿಯಾಗಿದೆ. ಪಕ್ಷದ ವರಿಷ್ಠರು ಚುನಾವಣೆಯನ್ನು ಗಂಭೀರವಾಗಿ ಪರಿಗಣಿಸಿದ್ದಾರೆ. ನನಗೆ 30 ವಾರ್ಡ್‌ಗಳಲ್ಲಿ ಪ್ರಚಾರ ಉಸ್ತುವಾರಿ ವಹಿಸಿದ್ದಾರೆ. ಬೂತ್‌ ಮಟ್ಟದಲ್ಲಿ ಪಕ್ಷದ ಕಾರ್ಯರ್ತರೊಡನೆ ಬೆರೆತು ಶ್ರಮಿಸುತ್ತಿದ್ದೇವೆ. ಪವನ್‌ ಕಲ್ಯಾಣ್‌ ಅವರ ಜನ ಸೇನಾ ಪಕ್ಷವು ಬಿಜೆಪಿಗೆ ಬೆಂಬಲ ಸೂಚಿಸಿದೆ'' ಎಂದರು.
ಹೈದರಾಬಾದ್‌: ಬಿಜೆಪಿ ಯುವ ಮೋರ್ಚಾ ಅಧ್ಯಕ್ಷ ತೇಜಸ್ವಿ ಸೂರ್ಯ ವಿರುದ್ಧ ಪ್ರಕರಣ ದಾಖಲು!
ಬಿಜೆಪಿ ಕಾರ್ಯತಂತ್ರವೇನು?
'' ಕಳೆದ 6 ವರ್ಷಗಳಿಂದ ಟಿಆರ್‌ಎಸ್‌ ಪಕ್ಷದ ದುರಾಡಳಿತ, ವಂಶಾಡಳಿತ, ಆಯುಷ್ಮಾನ್‌ ಸೇರಿದಂತೆ ಕೇಂದ್ರಸರಕಾರದ ಜನ ಕಲ್ಯಾಣ ಯೋಜನೆಗಳನ್ನು ಜಾರಿಗೊಳಿಸದೆ ವಂಚಿಸಿರುವುದನ್ನು ಜನರ ಮುಂದಿಡುತ್ತಿದ್ದೇವೆ'' ಎನ್ನುತ್ತಾರೆ ಸಚಿವ ಸುಧಾಕರ್‌. ''ಸದ್ಯಕ್ಕೆ ತೆಲಂಗಾಣಕ್ಕೆ ಗಮನವನ್ನು ಕೇಂದ್ರೀಕರಿಸಿದ್ದೇವೆ. ನಂತರ ಆಂಧ್ರಪ್ರದೇಶ, ತಮಿಳುನಾಡು, ಕೇರಳದಲ್ಲೂಪಕ್ಷದ ವಿಜಯ ಪತಾಕೆ ಹಾರಿಸಲು ಶ್ರಮಿಸುತ್ತೇವೆ ಎಂದು ವಿವರಿಸಿದ್ದಾರೆ. ಕಳೆದ ಅಕ್ಟೋಬರ್‌ನಲ್ಲಿ ಸಂಭವಿಸಿದ ಪ್ರವಾಹದ ಸಂದರ್ಭ ಸಂತ್ರಸ್ತರಿಗೆ ಪರಿಹಾರ ನೀಡುವಲ್ಲಿ ಟಿಆರ್‌ಎಸ್‌ ಸರಕಾರ ವಿಫಲವಾಗಿದೆ. ಅಸಾದುದ್ದೀನ್‌ ಒವೈಸಿ ಅವರ ಪಕ್ಷವು ಟಿಆರ್‌ಎಸ್‌ನ 'ಬಿ' ಪಾರ್ಟಿಯಾಗಿದ್ದು, ಜನತೆಯ ಅಸಮಾಧಾನಕ್ಕೆ ಗುರಿಯಾಗಿದೆ ಎಂದರು. ಗೃಹ ಸಚಿವ ಅಮಿತ್‌ ಶಾ, ಬಿಜೆಪಿ ಅಧ್ಯಕ್ಷ ಜೆಪಿ ನಡ್ಡಾ, ಉತ್ತರಪ್ರದೇಶ ಸಿಎಂ ಯೋಗಿ ಆದಿತ್ಯನಾಥ್‌ ಸೇರಿದಂತೆ ನಾಯಕರು ಪ್ರಚಾರ ನಡೆಸಲಿದ್ದಾರೆ ಎಂದರು. ಕೇವಲ 11 ತಿಂಗಳಿನಲ್ಲಿಸುಧಾಕರ್‌ ಅವರು ಬಿಜೆಪಿಯಲ್ಲಿ'ಹೊರಗಿನವರು' ಎಂಬ ಭಾವನೆಯನ್ನು ಅಳಿಸಿ, ಪಕ್ಷದ ಪ್ರಮುಖ ನಾಯಕರಲ್ಲೊಬ್ಬರಾಗಿ ಹೊರಹೊಮ್ಮಿದ್ದಾರೆ. ಹೈದರಾಬಾದ್‌ ಪಾಲಿಕೆ ಚುನಾವಣೆಯಲ್ಲಿಪಕ್ಷದ ಜವಾಬ್ದಾರಿಯನ್ನೂ ಅವರಿಗೆ ವಹಿಸಿರುವುದು ಇದಕ್ಕೆ ನಿದರ್ಶನ. ಯಡಿಯೂರಪ್ಪ ಸರಕಾರದ ಪ್ರಭಾವಿ ಸಚಿವರುಗಳಲ್ಲಿ ಸುಧಾಕರ್‌ ಅವರನ್ನೂ ಗಮನಿಸಬಹುದು.
ತೆಲಂಗಾಣ TRS ದಿಗ್ವಿಜಯ: EVM ಬಗ್ಗೆ ಕಾಂಗ್ರೆಸ್ ಕ್ಯಾತೆ
ಸಂಪುಟದಲ್ಲಿ ರಾವ್‌ ಕುಟುಂಬ
ತೆಲಂಗಾಣ ಸರಕಾರದಲ್ಲಿ ಟಿಆರ್‌ಎಸ್‌ ಸ್ಥಾಪಕ, ಮುಖ್ಯಮಂತ್ರಿ ಕೆ. ಚಂದ್ರಶೇಖರ ರಾವ್‌ ಅವರ ಕುಟುಂಬದ ಮಕ್ಕಳು, ಅಳಿಯ ಸೇರಿದಂತೆ ಬಹುತೇಕ ಮಂದಿ ಆಯಕಟ್ಟಿನ ಹುದ್ದೆಗಳಲ್ಲಿದ್ದಾರೆ. ಕೆ.ಸಿ. ರಾವ್‌ ಅವರ ಪುತ್ರ ಕೆ.ಟಿ ರಾಮ ರಾವ್‌ ಅವರು ಸಂಪುಟದಲ್ಲಿ ಐಟಿ ಸಚಿವರಾಗಿದ್ದಾರೆ. ಅಳಿಯ ಹರೀಶ್‌ ರಾವ್‌ ಸಂಪುಟದಲ್ಲಿ ಹಣಕಾಸು ಸಚಿವ. ಪುತ್ರಿ ಕೆ.ಕವಿತಾ ಮಾಜಿ ಸಂಸದೆ. 2019ರ ಲೋಕಸಭೆ ಚುನಾವಣೆಯಲ್ಲಿ ಪರಾಭವಗೊಂಡಿದ್ದರು.
ಟಿಆರ್‌ಎಸ್‌ ಟಾರ್ಗೆಟ್‌ ಬಿಜೆಪಿ:
ಚುನಾವಣೆಯಲ್ಲಿಬಿಜೆಪಿಯನ್ನೇ ಮೊದಲ ಎದುರಾಳಿಯಾಗಿ ಟಿಆರ್‌ಎಸ್‌ ಪರಿಗಣಿಸಿದೆ. ದುರ್ಬಲ ಕಾಂಗ್ರೆಸ್ ಅನ್ನು ಪರಿಗಣಿಸಿದಂತಿಲ್ಲ. ರಾಜ್ಯದಲ್ಲಿಕೇಸರಿ ಪಡೆಗೆ ಬೆಳೆಯಲು ಅವಕಾಶ ಕೊಡುವುದಿಲ್ಲಎಂದು ಸಿಎಂ ಕೆ.ಸಿ ರಾವ್‌ ಹೇಳಿದ್ದಾರೆ. ಟಿಆರ್‌ಸ್‌ ಕೂಡ ಉಚಿತ ಕುಡಿಯುವ ನೀರು, ಉಚಿತ ವಿದ್ಯುತ್‌, ಹಲವಾರು ಅಭಿವೃದ್ಧಿ ಯೋಜನೆಗಳನ್ನು ಪ್ರಕಟಿಸಿದೆ. ತೆಲಂಗಾಣದ ಇಡೀ ಸಚಿವ ಸಂಪುಟ ಜಿಎಚ್‌ಎಂಸಿ ಕ್ಷೇತ್ರಗಳಲ್ಲಿ ಕಾರ್ಯಪ್ರವೃತ್ತವಾಗಿದೆ ಎನ್ನುತ್ತಾರೆ ವಿಶ್ಲೇಷಕರು.
ಮಹಿಳೆಯರಿಗೆ ಉಚಿತ ಮೆಟ್ರೊ, ನೆರೆ ಸಂತ್ರಸ್ತರಿಗೆ 25,000 ರೂ.:
ಬಿಜೆಪಿ ತನ್ನ ಪ್ರಣಾಳಿಕೆಯಲ್ಲಿ ಹೈದರಬಾದ್‌ ನೆರೆ ಸಂತ್ರಸ್ತರಿಗೆ ತಲಾ 25,000 ರೂ. ಪರಿಹಾರ, ಮಹಿಳೆಯರಿಗೆ ಮೆಟ್ರೊದಲ್ಲಿಉಚಿತವಾಗಿ ಸಂಚರಿಸುವ ಸೌಲಭ್ಯ, ಉಚಿತ ಕೋವಿಡ್‌ ಲಸಿಕೆ, ಬಡ ಮಕ್ಕಳಿಗೆ ಟ್ಯಾಬ್‌, ಉಚಿತ ಕುಡಿಯುವ ನೀರು ಇತ್ಯಾದಿ ಜನಪ್ರಿಯ ಘೋಷಣೆಗಳನ್ನು ಪ್ರಕಟಿಸಿದೆ.
from India & World News in Kannada | VK Polls https://ift.tt/3lbJwlV
