ನಿಜಗುಣಿ ದಿಂಡಲಕೊಪ್ಪ ಧಾರವಾಡ ಬೆಂಗಳೂರು: ರಾಜ್ಯದಲ್ಲಿ ಪ್ರತಿ ವರ್ಷ ಸಂಕ್ರಮಣ ಹೊತ್ತಿಗೆ ಲಕ್ಷಾಂತರ ಮಾಲೆ ಧರಿಸುತ್ತಿದ್ದರು. ಆದರೆ, ಈ ಬಾರಿ ಶಬರಿಮಲೆಗೆ ದಿನಕ್ಕೆ 1 ಸಾವಿರ ಜನರ ಪ್ರವೇಶಕ್ಕೆ ಮಾತ್ರ (ಜ. 18ರವರೆಗೆ 80 ಸಾವಿರ ಜನರಿಗೆ) ಅವಕಾಶ ಕಲ್ಪಿಸಲಾಗಿದೆ. ಜತೆಗೆ ಹಲವು ಕಟ್ಟಳೆಗಳನ್ನು ವಿಧಿಸಿದ್ದರಿಂದ ಈ ವರ್ಷ ಶೇ. 50ಕ್ಕೂ ಹೆಚ್ಚು ಜನ ವ್ರತಾಚರಣೆಯಿಂದ ಹಿಂದೆ ಸರಿದಿದ್ದಾರೆ. ಅದರಲ್ಲೂ ಕನ್ಯಾ ಸ್ವಾಮಿಗಳು (ಪ್ರಥಮ ಬಾರಿ ಮಾಲೆ ಧರಿಸುವವರು) ವ್ರತ ಆರಂಭಿಸಿಲ್ಲ. ಮಾಲೆ ಧರಿಸುವವರಲ್ಲೂ ಶೇ. 98ರಷ್ಟು ಜನರು ಸ್ಥಳೀಯ ದೇವಸ್ಥಾನಗಳಲ್ಲೇ ಭಕ್ತಿಯಾತ್ರೆ ಪೂರ್ಣಗೊಳಿಸಲು ಮುಂದಾಗಿದ್ದಾರೆ. ರಾಜ್ಯದಲ್ಲಿ 9 ದೇಗುಲ ಗುರುತು ಯಾತ್ರೆಗೆ ತಾಂತ್ರಿಕ ಅಡಚಣೆಗಳು ಎದುರಾಗುತ್ತಿದ್ದಂತೆಯೇ ಕಳೆದ ವಾರವಷ್ಟೇ ಹುಬ್ಬಳ್ಳಿಯಲ್ಲಿ ಸಭೆ ನಡೆಸಿದ ರಾಜ್ಯ ಶಬರಿಮಲೆ ಅಯ್ಯಪ್ಪ ಸೇವಾ ಸಮಾಜಂನ ವಿವಿಧ ಜಿಲ್ಲೆಗಳ 300ಕ್ಕೂ ಹೆಚ್ಚು ಪ್ರತಿನಿಧಿಗಳು ರಾಜ್ಯದಲ್ಲಿನ 18 ಮೆಟ್ಟಿಲುಗಳ ಅಯ್ಯಪ್ಪ ದೇವಸ್ಥಾನಗಳಲ್ಲೇ ವ್ರತದ ಕ್ರಿಯಾವಿಧಾನಗಳನ್ನು ಪೂರ್ಣಗೊಳಿಸುವ ನಿರ್ಧಾರ ತೆಗೆದುಕೊಂಡಿದ್ದಾರೆ. ಇದಕ್ಕಾಗಿ ರಾಜ್ಯದ 9ಕ್ಕೂ ಹೆಚ್ಚು ದೇವಸ್ಥಾನಗಳನ್ನು ಗುರುತಿಸಲಾಗುತ್ತಿದೆ. ಹೀಗಾಗಿ ಈ ವರ್ಷ ಅಯ್ಯಪ್ಪ ದೇವಸ್ಥಾನಗಳಲ್ಲಿ 40-50 ಸಾವಿರ ಭಕ್ತರು ಸೇರುವ ನಿರೀಕ್ಷೆ ಇದೆ ಎಂದು ಶಬರಿಮಲೆ ಅಯ್ಯಪ್ಪ ಸೇವಾ ಸಮಾಜಂ ಧಾರವಾಡ ಜಿಲ್ಲಾಧ್ಯಕ್ಷ ವಿ.ಎಸ್‌.ವಿ. ಪ್ರಸಾದ ಹೇಳಿದ್ದಾರೆ. ಏನೇನು ವ್ಯವಸ್ಥೆ?
- ಗುರುತಿಸಲಾದ 9 ದೇಗುಲಗಳಲ್ಲಿಇರುಮುಡಿ ಹೊತ್ತು ಬರುವ ಮಾಲಾಧಾರಿಗಳು 18 ಮೆಟ್ಟಿಲುಗಳನ್ನು ಏರಿ ಪೂಜಾ ಕಾರ್ಯಕ್ಕೆ ಅವಕಾಶ
- ಹೊರ ಜಿಲ್ಲೆಗಳಿಂದ ಬರುವ ಭಕ್ತರ ವಾಸ್ತವ, ಸ್ನಾನ, ಅನ್ನ ಪ್ರಸಾದಕ್ಕೆ ವ್ಯವಸ್ಥೆ ಕಲ್ಪಿಸಲಾಗುತ್ತಿದೆ.
- ಅಲ್ಲಲ್ಲಿ ಪ್ರೊಜೆಕ್ಟರ್‌ ಮೂಲಕ ಜ. 14ರಂದು ಮಕರ ಜ್ಯೋತಿ ತೋರಿಸಲು ಕ್ರಮ
from India & World News in Kannada | VK Polls https://ift.tt/2VduGRq
