ಸಿಡ್ನಿ: ಶನಿವಾರ ಸಿಡ್ನಿ ಕ್ರಿಕೆಟ್ ಕ್ರೀಡಾಂಗಣದಲ್ಲಿ ನಡೆದಿದ್ದ ವಿರುದ್ಧದ ಹಣಾಹಣಿಯಲ್ಲಿ ನಿಧಾನಗತಿಯ ಬೌಲಿಂಗ್‌ ಮಾಡಿದ್ದರಿಂದ ತಂಡಕ್ಕೆ ಪಂದ್ಯದ ಸಂಭಾವನೆಯಲ್ಲಿ ಶೇ.20 ರಷ್ಟು ದಂಡವನ್ನು ವಿಧಿಸಿದೆ. ಮಾರ್ಚ್‌ ಬಳಿಕ ಮೊದಲನೇ ಪಂದ್ಯವಾಡಿದ ಭಾರತ ತಂಡದ ಆಟಗಾರರಿಗೆ ಹೇಳಿಕೊಳ್ಳುವಂತಹ ಚುರುಕು ಇರಲಿಲ್ಲ. ಆಸ್ಟ್ರೇಲಿಯಾ ಇನಿಂಗ್ಸ್‌ನಲ್ಲಿ ಹಲವು ಬಾರಿ ಆಟಗಾರರು ಮಿಸ್‌ ಫೀಲ್ಡಿಂಗ್‌ ಹಾಗೂ ಹಲವು ಕ್ಯಾಚ್‌ಗಳನ್ನು ಕೈಚೆಲ್ಲಿದ್ದರು. ಇದರಿಂದಾಗಿ ಟೀಮ್‌ ಇಂಡಿಯಾ ಸ್ಲೋ ಓವರ್ ರೇಟ್‌ಗೆ ಒಳಗಾಯಿತು. ನಿಗದಿತ ಸಮಯದಲ್ಲಿ 50 ಓವರ್‌ಗಳನ್ನು ಮುಗಿಸುವಲ್ಲಿ ಕೊಹ್ಲಿ ಪಡೆ ವಿಫಲವಾಗಿತ್ತು. ನಿಗದಿ ಮಾಡಿದ್ದ ಸಮಯದಲ್ಲಿ 50 ಓವರ್‌ಗಳನ್ನು ಮುಗಿಸಲು ಭಾರತ ತಂಡಕ್ಕೆ ಸಾಧ್ಯವಾಗಿರಲಿಲ್ಲ. ಇದರಲ್ಲಿ ಒಂದು ಓವರ್ ಬೌಲಿಂಗ್‌ ಮಾಡಲು ಹೆಚ್ಚುವರಿ ಸಮಯವನ್ನು ಕೊಹ್ಲಿ ಪಡೆ ತೆಗೆದುಕೊಂಡಿತ್ತು. ಮ್ಯಾಚ್‌ ರೆಫರಿ ಡೇವಿಡ್‌ ಬೂನ್‌ ಭಾರತಕ್ಕೆ ದಂಡವನ್ನು ವಿಧಿಸಿದರು. ಆನ್‌ಫೀಲ್ಡ್‌ ಅಂಪೈರ್‌ ರಾಡ್‌ ಟಕ್ಕರ್ ಹಾಗೂ ಸ್ಯಾಮ್ ನೊಗಾಸ್ಕಿ, ಟಿವಿ ಅಂಪೈರ್‌ ಪಾಲ್‌ ರೀಫೆಲ್‌ ಹಾಗೂ ನಾಲ್ಕನೇ ಅಂಪೈರ್‌ ಗೆರಾರ್ಡ್ ಅಬೂದ್‌ ದಂಡವನ್ನು ಅಂದಾಜು ಮಾಡಿದರು. "ಆಟಗಾರರು ಮತ್ತು ಆಟಗಾರರ ಬೆಂಬಲ ಸಿಬ್ಬಂದಿಯ ಐಸಿಸಿ ನೀತಿ ಸಂಹಿತೆಯ ಆರ್ಟಿಕಲ್ 2.22 ರ ಪ್ರಕಾರ, ಸ್ಲೋ ಓವರ್-ರೇಟ್ ಅಪರಾಧಗಳಿಗೆ ಸಂಬಂಧಿಸಿದಂತೆ ಆಟಗಾರರು ತಮ್ಮ ಪಂದ್ಯದ ಶುಲ್ಕದ ಶೇಕಡಾ 20 ರಷ್ಟು ದಂಡವನ್ನು ನಿಗದಿಪಡಿಸಲಾಗಿದೆ," ಎಂದು ಐಸಿಸಿ ಬಿಡುಗಡೆ ಮಾಡಿದ ಹೇಳಿಕೆಯಲ್ಲಿ ತಿಳಿಸಿದೆ. ಟೀಮ್‌ ಇಂಡಿಯಾ ನಾಯಕ ವಿರಾಟ್‌ ಕೊಹ್ಲಿ ತಪ್ಪನ್ನು ಒಪ್ಪಿಕೊಂಡಿರುವುದರಿಂದ ಔಪಚಾರಿಕೆ ವಿಚಾರಣೆಯನ್ನು ಕೈ ಬಿಡಲಾಗಿದೆ. ಪಂದ್ಯದಲ್ಲಿ ಟಾಸ್‌ ಗೆದ್ದು ಮೊದಲು ಬ್ಯಾಟಿಂಗ್‌ ಮಾಡಿದ್ದ ಆಸ್ಟ್ರೇಲಿಯಾ ತಂಡ ನಿಗದಿತ 50 ಓವರ್‌ಗಳಿಗೆ ಆರು ವಿಕೆಟ್‌ಗಳನ್ನು ಕಳೆದುಕೊಂಡು 374 ರನ್‌ಗಳನ್ನು ಗಳಿಸಿತ್ತು. ನಾಯಕ ಆರೋನ್‌ ಫಿಂಚ್‌ ಹಾಗೂ ಸ್ಟೀವನ್‌ ಸ್ಮಿತ್‌ ಕ್ರಮವಾಗಿ 114 ಹಾಗೂ 105 ರನ್‌ಗಳನ್ನು ದಾಖಲಿಸಿದರು. ಡೇವಿಡ್‌ ವಾರ್ನರ್‌ ಮತ್ತು ಗ್ಲೆನ್‌ ಮ್ಯಾಕ್ಸ್‌ವೆಲ್‌ 19 ಎಸೆತಗಳಲ್ಲಿ 45 ರನ್‌ಗಳನ್ನು ಸಿಡಿಸಿದ್ದರು. ಗುರಿ ಬೆನ್ನತ್ತಿದ್ದ ಭಾರತ ತಂಡ ತಮ್ಮ ಪಾಲಿನ 50 ಓವರ್‌ಗಳಲ್ಲಿ 8 ವಿಕೆಟ್‌ಗಳ ನಷ್ಟಕ್ಕೆ 308 ರನ್‌ಗಳಿಗೆ ಸೀಮಿತವಾಯಿತು. ಆ ಮೂಲಕ 66 ರನ್‌ಗಳಿಂದ ಸೋಲು ಒಪ್ಪಿಕೊಂಡಿತು. ಉತ್ತಮ ಆರಂಭ ಕಂಡಿದ್ದ ಭಾರತ ತಂಡ 101 ರನ್‌ಗಳಿಗೆ ಪ್ರಮುಖ 4 ವಿಕೆಟ್‌ಗಳನ್ನು ಕಳೆದುಕೊಂಡಿತು. ಆದರೆ, ಶಿಖರ್‌ ಧವನ್‌ ಹಾಗೂ ಹಾರ್ದಿಕ್‌ ಪಾಂಡ್ಯ ಜೋಡಿ ಐದನೇ ವಿಕೆಟ್‌ಗೆ 128 ರನ್‌ಗಳನ್ನು ಕಲೆ ಹಾಕಿ ಸೋಲಿನ ಅಂತರವನ್ನು ಕಡಿಮೆ ಮಾಡಿದರು. ಧವನ್‌ 74 ರನ್‌ಗಳಿದರೆ, ಹಾರ್ದಿಕ್‌ 90 ರನ್‌ಗಳನ್ನು ಗಳಿಸಿ ಆಡಂ ಝಂಪಾಗೆ ವಿಕೆಟ್‌ ಒಪ್ಪಿಸಿದರು. ಪಂದ್ಯದ ಗೆಲುವಿನೊಂದಿಗೆ ಆತಿಥೇಯರು ಮೂರು ಪಂದ್ಯಗಳ ಏಕದಿನ ಸರಣಿಯಲ್ಲಿ 1-0 ಮುನ್ನಡೆ ಸಾಧಿಸಿದರು. ಭಾರತ ಹಾಗೂ ಆಸ್ಟ್ರೇಲಿಯಾ ತಂಡಗಳು ಭಾನುವಾರ ಎರಡನೇ ಹಣಾಹಣಿಯಲ್ಲಿ ಇದೇ ಅಂಗಳದಲ್ಲಿ ಮುಖಾಮುಖಿಯಾಗಲಿವೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2KFJQgc
