ಸ್ವೀಡನ್: ಸ್ವೀಡನ್‌ನ ಸಣ್ಣ ಪಟ್ಟಣವಾದ ಟ್ರೆಲ್ಲೆಬೋರ್ಗ್‌ ಎಂಬಲ್ಲಿ ಇದ್ದಕ್ಕಿದ್ದಂತೆ ರಾತ್ರಿ ಆಕಾಶ ನೇರಳೆ ಬಣ್ಣಕ್ಕೆ ತಿರುಗಿ ಜನರಲ್ಲಿ ಅಚ್ಚರಿ ಉಂಟುಮಾಡಿದೆ. ಧ್ರುವ ಪ್ರದೇಶಗಳಲ್ಲಿ ಸ್ವಾಭಾವಿಕವಾಗಿ ಧ್ರುವಪ್ರಭೆಗಳು (ಅರೋರಾ) ಅಂದರೆ, ಬೆಳಕಿನಲ್ಲಿರುವ 7 ಬಣ್ಣಗಳು ಕಾಣಿಸಿಕೊಳ್ಳುವುದು ಸಹಜ. ಆದರೆ, ರಾತ್ರಿ ವೇಳೆ ಆಕಾಶ ನೇರಳೆ ಬಣ್ಣಕ್ಕೆ ತಿರುಗಿದ್ದು ಇದೇ ಮೊದಲು. ಹೀಗಾಗಿ ಎಲ್ಲರಲ್ಲಿ ಅಚ್ಚರಿ ಮೂಡಿಸಿತ್ತು. ಈ ವಿಸ್ಮಯದ ಕಾರಣ ಹುಡುಕಿದಾಗ ಮತ್ತೊಂದು ಅಚ್ಚರಿ ಕಾದಿತ್ತು. ಪಟ್ಟಣ ಸಮೀಪದ ಹೊಲಕ್ಕೆ ಹೊಸ ಸ್ವರೂಪದ ಲೈಟ್ ಅಳವಡಿಸಲಾಗಿತ್ತು. ಎಲ್‌ಇಡಿ ಲೈಟ್‌ಗಳು ಹೊರಸೂಸುವ ಬೆಳಕಿಗೆ ಆಕಾಶದ ನೀಲಿ ಬಣ್ಣಕ್ಕೆ ತಿರುಗುತ್ತಿತ್ತು. ನೀಲಿ ಆಕಾಶದ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಕೂಡ ಆಗಿದೆ. ನೇರಳೆ ಬಣ್ಣವು ಗಿಡಗಳ ಮೇಲೆ ಬಿದ್ದರೆ ಉತ್ತಮ ಇಳುವರಿ ಬರುತ್ತದೆ ಎಂದು ಟ್ರೆಲ್ಲೆಬೋರ್ಗ್‌ ನಾಗರಿಕರ ನಂಬಿಕೆ. ಹೀಗಾಗಿ ನೇರಳೆ ಬೆಳಕನ್ನು ಹೊರಸೂಸುವ ಎಲ್‌ಇಡಿ ಲೈಟ್‌ಗಳನ್ನು ಟೊಮ್ಯಾಟೋ ಹೊಲಕ್ಕೆ ಅಳವಡಿಸಲಾಗಿತ್ತು. ಆದರೆ, ಇದರ ಪರಿಣಾಮಗಳ ಕುರಿತು ಸಂಬಂಧಪಟ್ಟ ಇಲಾಖೆಗೆ ದೂರುಗಳು ಹೋಗಿವೆ. ಆಕಾಶದಲ್ಲಿ ಮೋಡಗಳು ಇಲ್ಲದೆ ಇದ್ದಾಗ ಯಾವುದೇ ಬಣ್ಣ ಗೋಚರಿಸುವುದಿಲ್ಲ. ಆದರೆ, ದಟ್ಟ ಮೋಡಗಳು ಅತಿ ಕೆಳ ಮಟ್ಟದಲ್ಲಿ ಬಂದರೆ, ಎಲ್‌ಇಡಿ ಲೈಟ್ ಹೊರಸೂಸುವ ಬೆಳಕು ಪ್ರತಿಫಲನ ಹೊಂದಿ, ಆಕಾಶ ನೀಲಿ ಬಣ್ಣಕ್ಕೆ ಗೋಚರಿಸುತ್ತದೆ ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ. ಈ ಸಂಬಂಧ ಯೋಜನಾ ಕ್ರಮ ಸಿದ್ಧಪಡಿಸಿರುವುದಾಗಿ ಸ್ಥಳೀಯ ಆಡಳಿತದ ಪರಿಸರ ಅಧಿಕಾರಿ ಮೆಕೆಲೆನ್ ನೊರೇನ್ ತಿಳಿಸಿದ್ದಾರೆ. ಟೊಮ್ಯಾಟೋ ಹೊಲದ ಮಾಲೀಕ ಅಲ್ ಫ್ರೆಡ್ ಫೆಡರ್ಸನ್ ಎಂಬುವವರಿಗೆ ಸಂಜೆ 5 ರಿಂದ ರಾತ್ರಿ 11ರವೆರೆಗೆ ಲೈಟ್‌ಗಳನ್ನು ಆಫ್‌ ಮಾಡಿ ಇಡುವಂತೆ ತಿಳಿಸಲಾಗಿದೆಯಂತೆ. ಆದರೆ, "ಟೊಮೆಟೊ ಬೆಳೆಯಲು ಸ್ಥಳೀಯರಿಂದ ಯಾವುದೇ ವಿರೋಧ ವ್ಯಕ್ತವಾಗಿಲ್ಲ.
from India & World News in Kannada | VK Polls https://ift.tt/3lgT1jG
