ಬೆಂಗಳೂರು: ಅಯ್ಯಪ್ಪಸ್ವಾಮಿ ಭಕ್ತರಿಗೆ ಸಿಹಿ ಸುದ್ದಿ ಇದೆ. ಶಬರಿಮಲೆಯ ಬಹು ಬೇಡಿಕೆಯ ಹಾಗೂ ಹೆಚ್ಚು ರುಚಿಕರವಾದ ಅರವಣ (ಪಾಯಸ) ಪ್ರಸಾದ ಮನೆ ಬಾಗಿಲಿಗೇ ಬರಲಿದೆ! ಈ ಸಂಬಂಧ ಭಾರತೀಯ ಅಂಚೆ ಇಲಾಖೆಯು ತಿರುವಾಂಕೂರು ದೇವಸ್ಥಾನ ಮಂಡಳಿಯೊಂದಿಗೆ ಒಪ್ಪಂದ ಮಾಡಿಕೊಂಡಿದ್ದು, ಸ್ಪೀಡ್‌ ಪೋಸ್ಟ್‌ ಮೂಲಕ ರಾಜ್ಯಾದ್ಯಂತ ಮನೆ ಬಾಗಿಲಿಗೆ ಪ್ರಸಾದ ತಲುಪಿಸುವ ಕಾರ್ಯ ಕೈಗೊಂಡಿದೆ. ಅಂಚೆ ಕಚೇರಿಗೆ ತೆರಳಿ ಪ್ರತಿ ಪ್ಯಾಕೇಟ್‌ ಪ್ರಸಾದಕ್ಕೆ 450 ರೂ. ನಂತೆ ಇ-ಪಾವತಿ ಮೂಲಕ ಕೌಂಟರ್‌ನಲ್ಲಿ ಹಣ ಪಾವತಿಸಬಹುದು. ಒಂದು ರಸೀದಿ ಅಡಿ ಹತ್ತು ಪ್ಯಾಕೆಟ್‌ ಪ್ರಸಾದವನ್ನು ಬುಕ್‌ ಮಾಡಬಹುದಾಗಿದೆ. ಭಕ್ತರು ಮಾಡುವ ಪ್ರಸಾದ ಬುಕ್ಕಿಂಗ್‌ಗೆ ಯಾವುದೇ ಗರಿಷ್ಠ ಮಿತಿಯಿಲ್ಲ. ಅಂದರೆ ಭಕ್ತರು ಬೇರೆ ಬೇರೆ ರಸೀದಿಗಳನ್ನು ಪಡೆದು ಎಷ್ಟು ಬೇಕಾದರೂ ಪ್ಯಾಕೆಟ್‌ಗಳನ್ನು ಬುಕ್‌ ಮಾಡಬಹುದು ಎಂದು ಬೆಂಗಳೂರಿನ ಜಿಪಿಒ ಚೀಫ್‌ ಪೋಸ್ಟ್‌ ಮಾಸ್ಟರ್‌ ಕೆ. ರಾಧಾಕೃಷ್ಣ ತಿಳಿಸಿದರು. ಈ ಯೋಜನೆಯಡಿ ನಿತ್ಯ ನೂರಾರು ಭಕ್ತರು ಪ್ರಸಾದವನ್ನು ಬುಕ್‌ ಮಾಡುತ್ತಿದ್ದಾರೆ. ಯಾವ್ಯಾವ ಪ್ರಸಾದ ಪಾರ್ಸೆಲ್‌ ಬರುತ್ತದೆ? ಅರವಣ, ತುಪ್ಪ, ಅರಿಶಿನ-ಕುಂಕುಮ, ವಿಭೂತಿ ಮತ್ತು ಅರ್ಚನೆಯ ಪ್ರಸಾದವನ್ನು ಒಳಗೊಂಡ ಕಿಟ್‌ ಇದಾಗಿದೆ. ಹಣ ಎಷ್ಟು? 450 ರೂ ಹೇಗೆ ಬರುತ್ತೆ?ಈ ಪ್ರಸಾದವನ್ನು ರಟ್ಟಿನ ಪೆಟ್ಟಿಗೆಗಳಲ್ಲಿ ಪ್ಯಾಕ್‌ ಮಾಡಿ, ಭಕ್ತರಿಗೆ ಸ್ಪೀಡ್‌ ಪೋಸ್ಟ್‌ ಮೂಲಕ ಕಳುಹಿಸಲಾಗುವುದು. ಬುಕ್‌ ಮಾಡಿದ ಒಂದು ವಾರದೊಳಗೆ ಮನೆ ಬಾಗಿಲಿಗೆ ಬರುತ್ತದೆ.
from India & World News in Kannada | VK Polls https://ift.tt/2JghyZi
