ಬೆಂಗಳೂರು: ವೀರಶೈವ ಲಿಂಗಾಯತ ಸಮುದಾಯವನ್ನು ಕೇಂದ್ರದ ಇತರ ಹಿಂದುಳಿದ ವರ್ಗಗಳ ಪಟ್ಟಿಗೆ ಸೇರಿಸುವ ಪ್ರಸ್ತಾವವನ್ನು ಮುಂದೂಡಲು ಬಿಜೆಪಿ ಹೈಕಮಾಂಡ್‌ ಸೂಚಿಸಿದೆ. ಈ ಸೂಚನೆಯನ್ನು ಸಿಎಂ ಬಿ.ಎಸ್‌. ಯಡಿಯೂರಪ್ಪ ಅವರು ಪಾಲಿಸಲು ಒಪ್ಪಿದ್ದಾರೆ. ಇದರೊಂದಿಗೆ ಬಿಎಸ್‌ವೈ ಹಾಗೂ ಬಿಜೆಪಿ ವರಿಷ್ಠರ ನಡುವಿನ ಶೀತಲ ಸಮರಕ್ಕೆ ಅಲ್ಪ ವಿರಾಮ ಬಿದ್ದಂತಾಗಿದೆ. ಸಂಪುಟ ವಿಸ್ತರಣೆಗೆ ಹೈಕಮಾಂಡ್‌ ಸಮ್ಮತಿಸದ ಹಿನ್ನೆಲೆಯಲ್ಲಿ ವೀರಶೈವ ಲಿಂಗಾಯತ ಅಸ್ತ್ರ ಹಿಡಿದು ಗಮನ ಸೆಳೆಯಲು ಸಿಎಂ ಬಿಎಸ್‌ವೈ ಮುಂದಾಗಿದ್ದರು. ಈ ವಿಚಾರದಲ್ಲಿಅವರು ಅಂದುಕೊಂಡಂತೆಯೇ ಆಗಿದ್ದು, ಶುಕ್ರವಾರ ಬೆಳಗ್ಗೆಯೇ ಸಿಎಂ ಅವರಿಗೆ ಕೇಂದ್ರ ಗೃಹ ಸಚಿವ ಅಮಿತ್‌ ಶಾ ಅವರಿಂದ ಕರೆ ಬಂದಿತ್ತು. ವೀರಶೈವ ಲಿಂಗಾಯತ ಸಮುದಾಯಕ್ಕೆ ಕೇಂದ್ರದ ಒಬಿಸಿ ಪಟ್ಟಿ ಸೇರ್ಪಡೆ ಸಂಬಂಧ ಸಂಪುಟದಲ್ಲಿ ನಿರ್ಣಯ ಕೈಗೊಳ್ಳುವುದು ಬೇಡವೆಂದು ಅಮಿತ್‌ ಶಾ ಸೂಚನೆ ಕೊಟ್ಟರು. ಬಿಎಸ್‌ವೈ ಅವರೂ ಈ ನಿರ್ದೇಶನದ ಪಾಲನೆ ಮಾಡಿದ್ದಾರೆ. ಆದರೆ, ಹೈಕಮಾಂಡ್‌ಗೆ ತಮ್ಮ ಶಕ್ತಿಯ ಬಗ್ಗೆ ಖಚಿತ ಸಂದೇಶ ರವಾನಿಸುವುದರಲ್ಲಿ ಬಿಎಸ್‌ವೈ ಯಶಸ್ವಿಯಾದರು ಎಂದೇ ಈ ಬೆಳವಣಿಗೆಯನ್ನು ವ್ಯಾಖ್ಯಾನಿಸಲಾಗುತ್ತಿದೆ.ವೀರಶೈವ ಲಿಂಗಾಯತ ಸಮುದಾಯವನ್ನು ಕೇಂದ್ರ ಸರಕಾರದ ಹಿಂದುಳಿದ ವರ್ಗಗಳ ಮೀಸಲು ಪಟ್ಟಿಯಲ್ಲಿ ಸೇರ್ಪಡೆಗೊಳಿಸಲು ಮುಖ್ಯಮಂತ್ರಿ ಯಡಿಯೂರಪ್ಪ ಸೂಚನೆ ಮೇರೆಗೆ ಶುಕ್ರವಾರದ ಸಂಪುಟದ ಅಜೆಂಡಾದಲ್ಲಿ ತಡರಾತ್ರಿ ಸೇರಿಸಿದ್ದು ಹಲವರನ್ನು ಹುಬ್ಬೇರಿಸುವಂತೆ ಮಾಡಿತ್ತು. ಹಲವು ರೀತಿಯ ರಾಜಕೀಯ ವ್ಯಾಖ್ಯಾನಗಳಿಗೂ ಇದು ಕಾರಣವಾಗಿತ್ತು. ಈ ವಿಚಾರ ತಿಳಿಯುತ್ತಿದ್ದಂತೆ ತಕ್ಷಣ ದಿಲ್ಲಿಯಲ್ಲಿದ್ದ ನಾಯಕರು ಗುರುವಾರ ತಡರಾತ್ರಿ ರಾಜಕೀಯ ಚಟುವಟಿಕೆ ಬಿರುಸುಗೊಳಿಸಿದರು. ಇತ್ತ ಕೇಂದ್ರ ಗೃಹ ಸಚಿವ ಅಮಿತ್‌ ಶಾ ಅವರು ಯಡಿಯೂರಪ್ಪ ಅವರಿಗೆ ದೂರವಾಣಿ ಕರೆ ಮಾಡಿ ಉದ್ದೇಶಿತ ಅಜೆಂಡಾ ಕೈಬಿಡುವಂತೆ ಸೂಚನೆ ನೀಡುತ ತನಕ ವಿರಮಿಸಿಲ್ಲ. ಅಷ್ಟರ ಮಟ್ಟಿಗೆ ಯಡಿಯೂರಪ್ಪ ಅವರ ನಡೆಗೆ ಅಡ್ಡಗಾಲು ಹಾಕುವಲ್ಲಿ ಯಶಸ್ವಿಯಾಗಿದ್ದಾರೆ. ಇದೆಲ್ಲದರ ಮಧ್ಯೆ ಯಡಿಯೂರಪ್ಪರ ಓಟಕ್ಕೆ ಬ್ರೇಕ್ ಹಾಕಲು ಬಿಜೆಪಿ ಸದ್ದಿಲ್ಲದೆ ಪ್ಲ್ಯಾನ್‌ ಮಾಡುತ್ತಿದೆ ಎನ್ನಲಾಗ್ತಿದೆ.
ಬೆಂಗಳೂರು: ವೀರಶೈವ ಲಿಂಗಾಯತ ಸಮುದಾಯವನ್ನು ಕೇಂದ್ರದ ಇತರ ಹಿಂದುಳಿದ ವರ್ಗಗಳ ಪಟ್ಟಿಗೆ ಸೇರಿಸುವ ಪ್ರಸ್ತಾವವನ್ನು ಮುಂದೂಡಲು ಬಿಜೆಪಿ ಹೈಕಮಾಂಡ್‌ ಸೂಚಿಸಿದೆ. ಈ ಸೂಚನೆಯನ್ನು ಸಿಎಂ ಬಿ.ಎಸ್‌. ಯಡಿಯೂರಪ್ಪ ಅವರು ಪಾಲಿಸಲು ಒಪ್ಪಿದ್ದಾರೆ. ಇದರೊಂದಿಗೆ ಬಿಎಸ್‌ವೈ ಹಾಗೂ ಬಿಜೆಪಿ ವರಿಷ್ಠರ ನಡುವಿನ ಶೀತಲ ಸಮರಕ್ಕೆ ಅಲ್ಪ ವಿರಾಮ ಬಿದ್ದಂತಾಗಿದೆ. ಸಂಪುಟ ವಿಸ್ತರಣೆಗೆ ಹೈಕಮಾಂಡ್‌ ಸಮ್ಮತಿಸದ ಹಿನ್ನೆಲೆಯಲ್ಲಿ ವೀರಶೈವ ಲಿಂಗಾಯತ ಅಸ್ತ್ರ ಹಿಡಿದು ಗಮನ ಸೆಳೆಯಲು ಸಿಎಂ ಬಿಎಸ್‌ವೈ ಮುಂದಾಗಿದ್ದರು. ಈ ವಿಚಾರದಲ್ಲಿಅವರು ಅಂದುಕೊಂಡಂತೆಯೇ ಆಗಿದ್ದು, ಶುಕ್ರವಾರ ಬೆಳಗ್ಗೆಯೇ ಸಿಎಂ ಅವರಿಗೆ ಕೇಂದ್ರ ಗೃಹ ಸಚಿವ ಅಮಿತ್‌ ಶಾ ಅವರಿಂದ ಕರೆ ಬಂದಿತ್ತು. ವೀರಶೈವ ಲಿಂಗಾಯತ ಸಮುದಾಯಕ್ಕೆ ಕೇಂದ್ರದ ಒಬಿಸಿ ಪಟ್ಟಿ ಸೇರ್ಪಡೆ ಸಂಬಂಧ ಸಂಪುಟದಲ್ಲಿ ನಿರ್ಣಯ ಕೈಗೊಳ್ಳುವುದು ಬೇಡವೆಂದು ಅಮಿತ್‌ ಶಾ ಸೂಚನೆ ಕೊಟ್ಟರು. ಬಿಎಸ್‌ವೈ ಅವರೂ ಈ ನಿರ್ದೇಶನದ ಪಾಲನೆ ಮಾಡಿದ್ದಾರೆ. ಆದರೆ, ಹೈಕಮಾಂಡ್‌ಗೆ ತಮ್ಮ ಶಕ್ತಿಯ ಬಗ್ಗೆ ಖಚಿತ ಸಂದೇಶ ರವಾನಿಸುವುದರಲ್ಲಿ ಬಿಎಸ್‌ವೈ ಯಶಸ್ವಿಯಾದರು ಎಂದೇ ಈ ಬೆಳವಣಿಗೆಯನ್ನು ವ್ಯಾಖ್ಯಾನಿಸಲಾಗುತ್ತಿದೆ.
ಬಿಎಸ್‌ವೈ-ಹೈಕಮಾಂಡ್‌ ನಡುವಿನ ಶೀತಲ ಸಮರಕ್ಕೆ ತಾತ್ಕಾಲಿಕ ಬ್ರೇಕ್
ಕಳೆದ ಕೆಲ ದಿನಗಳಿಂದಲೂ ಬಿಎಸ್‌ವೈ ಮತ್ತು ಹೈಕಮಾಂಡ್‌ ನಡುವೆ ಸಂಘರ್ಷ ನಡೆಯುತ್ತಿದೆ. ಸಂಪುಟ ವಿಸ್ತರಣೆ ವಿಚಾರದಲ್ಲಿ ವರಿಷ್ಠರು ಆಟ ಆಡಿಸುತ್ತಿರುವ ಕಾರಣ ಬಿಎಸ್‌ವೈ ಅವರೂ ದಾಳ ಉರುಳಿಸಿದ್ದರು. ನಿಗಮ ಮಂಡಳಿ ನೇಮಕವನ್ನೂ ಕೈಗೊಂಡಿದ್ದಾರೆ. ಜತೆಗೆ ನಿಗಮ ಮಂಡಳಿಗಳಲ್ಲಿ ಸಿಎಂ ಆಪ್ತರಿಗೆ ಹೆಚ್ಚಿನ ಪಾಲು ಸಿಕ್ಕಿದೆ. ಲಿಂಗಾಯತರನ್ನು ಕೇಂದ್ರದ ಒಬಿಸಿ ಪಟ್ಟಿಗೆ ಸೇರಿಸಲು ಶಿಫಾರಸು ಮಾಡುವುದು ಈ ಪ್ರತಿಷ್ಠೆಯ ಹೋರಾಟದ ಮುಂದುವರಿದ ಭಾಗವೇ ಆಗಿತ್ತು. ಅದನ್ನು ಮುಂದೂಡುವಂತೆ ಮಾಡಿರುವ ಹೈಕಮಾಂಡ್‌ ಸದ್ಯದ ಮಟ್ಟಿಗೆ ನಿರಾಳವಾಗಿದೆ.
ಬಿಎಸ್‌ವೈರನ್ನು ನಿರ್ಲಕ್ಷಿಸಿದರೆ ಬಿಜೆಪಿಗೆ ಹೊಡೆತ..!
ಇಷ್ಟರ ಬಳಿಕವೂ ಬಿಎಸ್‌ವೈ ಅವರೊಂದಿಗೆ ವಿಶ್ವಾಸದಿಂದ ನಡೆದುಕೊಳ್ಳದಿದ್ದರೆ ಅದು ಹೈಕಮಾಂಡ್‌ಗೇ ದುಬಾರಿಯಾಗಬಹುದು. ಯಾಕೆಂದರೆ, ಉಪ ಚುನಾವಣೆ, ಗ್ರಾಮ ಪಂಚಾಯಿತಿ ಚುನಾವಣೆ ಸೇರಿದಂತೆ ಮುಂಬರುವ ದಿನಗಳಲ್ಲಿ ಸಾಲು ಸಾಲು ಚುನಾವಣೆಗಳಿವೆ. ಅಮಿತ್‌ ಶಾ ಅವರಿಂದ ಕರೆ ಬಂದಿದ್ದರ ಬಗ್ಗೆ ಸಂಪುಟ ಸಭೆಗೆ ಮುನ್ನವೇ ಮಾಹಿತಿ ನೀಡಿದ ಸಿಎಂ, ವೀರಶೈವ ಲಿಂಗಾಯತ ಸಂಬಂಧದಲ್ಲಿಈ ಸಭೆಯಯಲ್ಲಿ ನಿರ್ಧಾರ ಕೈಗೊಳ್ಳುವುದಿಲ್ಲ. ದಿಲ್ಲಿಗೆ ತೆರಳಿ ಸಮಾಲೋಚಿಸಿ ಬಂದ ಬಳಿಕ ಮುಂದಿನ ತೀರ್ಮಾನವಾಗಲಿದೆ. ಸಂಪುಟದ ಸದಸ್ಯರೂ ಇದೇ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ ಎಂದು ಘೋಷಿಸಿದರು. ಅಲ್ಲಿಗೆ ಕೆಲ ದಿನಗಳಿಂದ ಬಿಎಸ್‌ವೈ ಮತ್ತು ಬಿಜೆಪಿ ವರಿಷ್ಠರ ನಡುವೆ ನಡೆಯುತ್ತಿದ್ದ ಸಂಘರ್ಷಕ್ಕೆ ತಾತ್ಕಾಲಿಕ ತಡೆಯಂತೂ ಸಿಕ್ಕಂತಾಗಿದೆ.
ಒಬಿಸಿ ಪಟ್ಟಿಗೆ ಸೇರ್ಪಡೆಗೆ ಹೈಕಮಾಂಡ್‌ ತಡೆ..!
ವೀರಶೈವ ಲಿಂಗಾಯತರನ್ನು ಕೇಂದ್ರದ ಓಬಿಸಿ ಪಟ್ಟಿಗೆ ಸೇರಿಸುವ ಸಂಬಂಧ ಹಿಂದುಳಿದ ವರ್ಗಗಳ ಕಲ್ಯಾಣ ಇಲಾಖೆಯಿಂದ ಪ್ರಸ್ತಾವನೆ ಸಿದ್ಧಪಡಿಸಲಾಗಿತ್ತು. ಈ ವಿಷಯ ಸಂಪುಟ ಸಭೆಯ ಅಜೆಂಡಾದಲ್ಲಿ ಅಡಕವಾಗಿತ್ತು. ಆದರೆ, ಹೈಕಮಾಂಡ್‌ ಮಧ್ಯಪ್ರವೇಶ ಮಾಡಿದ್ದರಿಂದ ಈ ವಿಷಯವನ್ನು ಮುಂದೂಡಲಾಯಿತು. ಈ ಬಗ್ಗೆ ಸಂಪುಟದ ನಿಲುವನ್ನು ತಿಳಿಸಿದ ಕಾನೂನು ಸಚಿವ ಜೆ.ಸಿ.ಮಾಧುಸ್ವಾಮಿ, ಸಮಗ್ರ ಪರಾಮರ್ಶೆ ಬಳಿಕ ಕ್ರಮವಾಗಲಿದೆ. ಲಿಂಗಾಯತ ಸೇರಿದಂತೆ ಇನ್ನಿತರ ಸಮುದಾಯಗಳೂ ಇಂಥ ಬೇಡಿಕೆ ಸಲ್ಲಿಸಿವೆ. ಎಲ್ಲವನ್ನೂ ಪರಿಗಣಿಸಿ ಸೂಕ್ತ ನಿರ್ಧಾರ ಕೈಗೊಳ್ಳಬೇಕಿದೆ. ಹಾಗಾಗಿ ಈ ವಿಚಾರವನ್ನು ಮುಂದೂಡಲಾಯಿತು ಎಂದು ಸ್ಪಷ್ಟ ಪಡಿಸಿದ್ದರು. ಸುದ್ದಿ ಗೋಷ್ಠಿ ನಡೆಸದ ಸಿಎಂ ಸ್ವತಃ ಮುಖ್ಯಮಂತ್ರಿಯವರೇ ಸಂಪುಟ ಸಭೆ ಬಳಿಕ ಸುದ್ದಿಗೋಷ್ಠಿ ನಡೆಸಲು ಉದ್ದೇಶಿಸಿದ್ದರು. ಈ ಸಂಬಂಧ ಸಿಎಂ ಅವರ ದಿನದ ಅಧಿಕೃತ ಕಾರ್ಯ ಕಲಾಪ ಪಟ್ಟಿಯಲ್ಲೂ ಉಲ್ಲೇಖಿಸಲಾಗಿತ್ತು. ವೀರಶೈವ ಲಿಂಗಾಯತರನ್ನು ಕೇಂದ್ರದ ಓಬಿಸಿ ಪಟ್ಟಿಗೆ ಸೇರಿಸುವ ಪ್ರಸ್ತಾವ ಮುಂದೂಡಿಕೆ ಆದದ್ದರಿಂದ ಸಿಎಂ ಅವರು ಮಾಧ್ಯಮಗೋಷ್ಠಿ ನಡೆಸಲಿಲ್ಲ. ಸಂಪುಟ ಸಭೆಯ ನಂತರ ಅಧಿಕೃತ ನಿವಾಸ ಕಾವೇರಿಗೆ ತೆರಳಿದ ಅವರು ಪೂರ್ವ ನಿಯೋಜಿತವಾಗಿದ್ದ ಇತರ ಕಾರ್ಯಕ್ರಮಗಳಲ್ಲಿ ಭಾಗಿಯಾದರು. ಪಕ್ಷದ ಸಂಸದರೊಂದಿಗೂ ಸಭೆ ನಡೆಸಿದರು.
from India & World News in Kannada | VK Polls https://ift.tt/3mi3pJr
