ಕೋಟೇಶ್ವರ: ಶ್ರೀ ಕೋಟಿಲಿಂಗೇಶ್ವರ ದೇವಸ್ಥಾನದ ವಾರ್ಷಿಕ ರಥೋತ್ಸವ ನ.30ರಂದು ಸರಕಾರದ ಕೋವಿಡ್‌-19 ಮಾರ್ಗಸೂಚಿಗಳಂತೆ ಸರಳವಾಗಿ ನಡೆಯಲಿದೆ ಸಾರ್ವಜನಿಕರ ಆರೋಗ್ಯ ಹಿತ ದೃಷ್ಟಿಯಿಂದ 65 ವರ್ಷಕ್ಕೆ ಮೇಲ್ಪಟ್ಟವರು ಮತ್ತು 10 ವರ್ಷದ ಒಳಗಿನ ಮಕ್ಕಳು ಮತ್ತು ಗರ್ಭಿಣಿ ಸ್ತ್ರೀಯರು ಮನೆಯಲ್ಲೆ ಉಳಿದು, ಸಿ4ಯು ದೃಶ್ಯ ಮಾಧ್ಯಮದ ಮೂಲಕ ಭಿತ್ತರಿಸುವ ನೇರಪ್ರಸಾರದಲ್ಲಿ ರಥೋತ್ಸವ ವೀಕ್ಷಿಸಲು ದೇವಳ ಅವಕಾಶ ಮಾಡಿಕೊಟ್ಟಿದೆ. ರಥಬೀದಿಯಲ್ಲಿ ಯಾವುದೇ ಅಂಗಡಿ ಮುಂಗಟ್ಟುಗಳಿಗೆ ಅವಕಾಶ ಇಲ್ಲ. ಭಕ್ತಾದಿಗಳು ಹಣ್ಣುಕಾಯಿಗಳನ್ನು ತಮ್ಮ ಮನೆಯಿಂದಲೇ ತಂದು ದೇವಳದಲ್ಲಿ ಮಾತ್ರ ಹಣ್ಣುಕಾಯಿ ಸಮರ್ಪಿಸಬಹುದು. ಭಕ್ತಾದಿಗಳು ಗುಂಪು ಗುಂಪಾಗಿ ಸೇರಬಾರದು. ದೇವಾಲಯ ಪ್ರವೇಶಿಸುವ ಪ್ರತಿಯೊಬ್ಬ ಭಕ್ತರೂ ಕೂಡ ಸಾಮಾಜಿಕ ಅಂತರ ಕಾಯ್ದುಕೊಂಡು ಮಾಸ್ಕ್‌, ಸ್ಯಾನಿಟೈಸರ್‌ ಕಡ್ಡಾಯವಾಗಿ ಬಳಸಬೇಕು. ಜಾತ್ರೆಯ ಸಾರ್ವಜನಿಕರ ಅನ್ನಸಂತರ್ಪಣೆ, ರಥೋತ್ಸವದಲ್ಲಿ ರಥಕ್ಕೆ ಸಲ್ಲಿಸುವ ಹಣ್ಣುಕಾಯಿ ಸೇವೆ ಈ ಬಾರಿ ಇಲ್ಲ. ದೇವಳದ ಕೋಟಿ ತೀರ್ಥಸರೋವರದಲ್ಲಿ ತೀರ್ಥಸ್ನಾನ, ಸಂಪ್ರೋಕ್ಷಣೆ ಇತ್ಯಾದಿಗಳಿಗೆ ಅವಕಾಶವಿರುವುದಿಲ್ಲ. ರಥಾರೋಹಣ ಮತ್ತು ರಥಾವರೋಹಣಕ್ಕೆ (ರಥ ಎಳೆಯುವುದಕ್ಕೆ) ಅಗತ್ಯವಿರುವಷ್ಟೆ ಜನರಿಗೆ ಸೀಮಿತಗೊಳಿಸಿರುವುದರಿಂದ, ಪಾಸ್‌ ಹೊಂದಿದ ಭಕ್ತರು ಮಾತ್ರ ಭಾಗವಹಿಸಲು ಅವಕಾಶ ಇದೆ. ಭಕ್ತಾದಿಗಳ ಆರೋಗ್ಯ ಹಿತದೃಷ್ಟಿಯಿಂದ ರಾಜ್ಯ ಸರಕಾರ ಮತ್ತು ಜಿಲ್ಲಾಡಳಿತವು ರಥೋತ್ಸವವನ್ನು ಸರಳವಾಗಿ ಆಚರಿಸಲು ತೀರ್ಮಾನಿಸಿರುವುದರಿಂದ, ಭಕ್ತಾದಿಗಳು ಈ ಬಗ್ಗೆ ಸಂಪೂರ್ಣ ಸಹಕಾರ ನೀಡಿ ರಥೋತ್ಸವವನ್ನು ಯಶಸ್ವಿಗೊಳಿಸಿ ಸಹಕಾರ ನೀಡಬೇಕು. ದೇವಳದ ಹಬ್ಬವು ಸಂಪ್ರದಾಯದಕ್ಕೆ ಧಕ್ಕೆಯಾಗದಂತೆ ಕೋವಿಡ್‌ ನಿಯಮದಂತೆ ನಡೆಯಲಿದೆ. ರಾಘವೇಂದ್ರ ಬಿ.ಎಸ್‌, ಕಾರ್ಯನಿರ್ವಹಣಾಧಿಕಾರಿ, , ಈಗಾಗಲೇ ದೇವಳ ಮತ್ತು ಕೋಟಿ ತೀರ್ಥ ಪುಷ್ಕರಣಿಯ ಸುತ್ತ ಬ್ಲೀಚಿಂಗ್‌ ಸಿಂಪಡಣೆ ಕಾರ್ಯವಾಗಿದೆ. ದೇವಳದ ಸಹಕಾರದೊಂದಿಗೆ ಹಬ್ಬದ ದಿನದಂದು ಸ್ವಯಂ ಸೇವಕರಿಗೆ ಸ್ವಾಬ್ ಪರೀಕ್ಷೆಯನ್ನು ನಡೆಸುವ ಕುರಿತು ಚಿಂತಿಸಲಾಗಿದೆ. ಡಾ.ಪೂರ್ಣಿಮಾ, ಆರೋಗ್ಯಧಿಕಾರಿ, ಪ್ರಾಥಮಿಕ ಆರೋಗ್ಯ ಕೇಂದ್ರ. ಕೋಟೇಶ್ವರ
from India & World News in Kannada | VK Polls https://ift.tt/3qa6eia
