ಬೆಂಗಳೂರು: ದೇಶಿಯ ವಿಮಾನಗಳ ಸಂಚಾರ ಮೇ 25ರಂದು ಪುನರ್‌ ಆರಂಭಗೊಂಡಿತು. ಅಕ್ಟೋಬರ್‌ನಲ್ಲಿ ದಾಖಲೆಯ 11,15,028 ಕೆಐಎ ಮೂಲಕ ಪ್ರಯಾಣಿಸಿದ್ದಾರೆ. ಅಕ್ಟೋಬರ್‌ ತಿಂಗಳು ದಸರಾ, ದೀಪಾವಳಿ ಸೇರಿದಂತೆ ಹಬ್ಬಗಳ ಮಾಸವಾಗಿರುವುದಿಂದ ಈ ತಿಂಗಳಲ್ಲಿ ಸಾಮಾನ್ಯವಾಗಿ ಪ್ರಯಾಣಿಕರ ಸಂಖ್ಯೆ ಹೆಚ್ಚಿರುತ್ತದೆ. 2019ರ ಅಕ್ಟೋಬರ್‌ನಲ್ಲಿ 23,85,204 ಪ್ರಯಾಣಿಕರು ದೇಶಿಯ ವಿಮಾನಗಳಲ್ಲಿ ಸಂಚರಿಸಿದ್ದರು. ಕೊರೊನಾ ಸೋಂಕು ವ್ಯಾಪಿಸುತ್ತಿದ್ದ ಹಿನ್ನೆಲೆಯಲ್ಲಿ ಈ ವರ್ಷದ ಮಾರ್ಚ್ 25ರಂದು ಎಲ್ಲ ವಿಮಾನಗಳ ಸಂಚಾರವನ್ನು ಸ್ಥಗಿತಗೊಳಿಸಲಾಗಿತ್ತು. ಸೋಂಕಿನ ತೀವ್ರತೆ ಕಡಿಮೆಯಾದ ನಂತರ ಎಲ್ಲಾ ಸುರಕ್ಷತಾ ಕ್ರಮಗಳೊಂದಿಗೆ ಮೇ ಕೊನೆಯ ವಾರದಿಂದ ದೇಶಿಯ ವಿಮಾನಗಳ ಸಂಚಾರ ಆರಂಭಿಸಲಾಯಿತು. ಆದರೆ ಮೊದಲ ಮೂರು ತಿಂಗಳು ಪ್ರಯಾಣಿಕರ ಸಂಖ್ಯೆ ತುಂಬ ಕಡಿಮೆಯಿತ್ತು. ಸೆಪ್ಟೆಂಬರ್‌ ನಂತರ ಪ್ರಯಾಣಿಕರ ಸಂಖ್ಯೆ ಹೆಚ್ಚಳವಾಯಿತು. ಭಾರತೀಯ ವಿಮಾನ ಪ್ರಾಧಿಕಾರದ ವರದಿ ಪ್ರಕಾರ ಸುಮಾರು 8 ಲಕ್ಷ ಪ್ರಯಾಣಿಕರು ಸೆಪ್ಟೆಂಬರ್‌ನಲ್ಲಿ ಸಂಚರಿಸಿದ್ದಾರೆ. ಅಕ್ಟೋಬರ್‌ನಲ್ಲಿ 10,775 ವಿಮಾನಗಳು ಕೆಐಎ ಮೂಲಕ ಟೇಕಾಫ್‌ ಮತ್ತು ಲ್ಯಾಂಡ್‌ ಆಗಿವೆ. ಕಳೆದ ವರ್ಷ ಅಕ್ಟೋಬರ್‌ನಲ್ಲಿ 3.9 ಲಕ್ಷ ಅಂತಾರಾಷ್ಟ್ರೀಯ ಪ್ರಯಾಣಿಕರು ಪ್ರಯಾಣಿಸಿದ್ದು, ಈ ವರ್ಷ ಇದೇ ತಿಂಗಳಲ್ಲಿ 31,446 ಅಂತಾರಾಷ್ಟ್ರೀಯ ಪ್ರಯಾಣಿಕರು ಸಂಚರಿಸಿದ್ದಾರೆ. ಕೋವಿಡ್‌-19 ಸೋಂಕಿನ ತೀವ್ರತೆ ಕಡಿಮೆಯಾಗುತ್ತಿರುವ ಹಿನ್ನೆಲೆಯಲ್ಲಿ ಹೆಚ್ಚಿನ ಸಂಖ್ಯೆಯ ಪ್ರಯಾಣಿಕರು ವಿಮಾನ ಸಂಚಾರಕ್ಕೆ ಮನಸ್ಸು ಮಾಡುತ್ತಿರುವುದು ವಿಮಾನ ಯಾನ ಸಂಸ್ಥೆಗಳಿಗೂ ಚೇತರಿಕೆ ಸಿಗುವಂತಾಗಿದೆ. ಕೆಐಎ ಮೂಲಕ ಪ್ರಯಾಣಿಸಿದ ಪ್ರಯಾಣಿಕರು ತಿಂಗಳು 2019- 2020
- ಮೇ 24,92,324 65,525(ಮೇ 25ರಿಂದ)
- ಜೂನ್‌ 23,48,284 3,69,752
- ಜುಲೈ 23,31,749 4,18,302
- ಆಗಸ್ಟ್‌ 23,62,574 6,27,367
- ಸೆಪ್ಟೆಂಬರ್‌ 22,37,442 8,26,291
- ಅಕ್ಟೋಬರ್‌ 23,85,204 11,15,028
- ಏಪ್ರಿಲ್‌ನಿಂದ ಅಕ್ಟೋಬರ್‌ 2019 1,64,76,977 ಪ್ರಯಾಣಿಕರು
- ಏಪ್ರಿಲ್‌ನಿಂದ ಅಕ್ಟೋಬರ್‌ 2020 34,22,265 ಪ್ರಯಾಣಿಕರು
from India & World News in Kannada | VK Polls https://ift.tt/3o3xZXM
