ಬೆಂಗಳೂರು: ಇತ್ತೀಚೆಗೆ ಖಡಕ್ನಾಥ್ ಕೋಳಿ ಬಗ್ಗೆ ಭಾರೀ ಚರ್ಚೆ ನಡೆದಿತ್ತು. ಅದಕ್ಕೆ ಕಾರಣ ಭಾರತದ ಕ್ರಿಕೆಟ್‌ ತಂಡದ ಮಾಜಿ ನಾಯಕ ಎಂಎಸ್ ಧೋನಿ. ಹೌದು, ಮಹೇಂದ್ರ ಸಿಂಗ್‌ ಧೋನಿ ಕಪ್ಪು ಕೋಳಿಗಳು ಅಥವಾ ಖಡಕ್ನಾಥ್ ಕೋಳಿಗಳ ಫಾರ್ಮ್‌ ಆರಂಭಿಸಿ ಕುಕ್ಕುಟೋದ್ಯಮಕ್ಕೆ ಜಿಗಿಯಲು ಮುಂದಾಗಿದ್ದಾರೆ. ಅದಕ್ಕಾಗಿ ಎರಡು ಸಾವಿರ ಕೋಳಿಗಳ ಖರೀದಿಗೆ ಈಗಾಗಲೇ ಆರ್ಡರ್‌ ನೀಡಿದ್ದಾರೆ ಎಂಬ ಸುದ್ದಿಗಳು ಹರಿದಾಡುತ್ತಿದ್ದವು. ಆದರೆ ಅದೇನೆ ಇದ್ದರೂ ಸದ್ಯ ದೇಶದೆಲ್ಲೆಡೆ ಖಡಕ್ನಾಥ್ ಕೋಳಿಗಳ ಬಗ್ಗೆ ಚರ್ಚೆ ಆರಂಭವಾಗಿದೆ. ಧೋನಿ ಆರಂಭಿಸಲು ಉದ್ದೇಶಿಸಿರುವ ಕಪ್ಪು ಕೋಳಿ ಸಾಕಣೆ ಹೇಗೆ? ಇದರಿಂದ ಭಾರಿ ಲಾಭವಾಗುತ್ತಾ? ಸ್ವ ಉದ್ಯೋಗ ನಡೆಸಿದರೆ ಹೇಗೆ ಎಂಬ ಚರ್ಚೆಗಳು ಆರಂಭವಾಗಿದೆ. ಧೋನಿ ಮಾತ್ರವಲ್ಲ ನೀವು ಕೂಡ ಮಧ್ಯಪ್ರದೇಶದ ಈ ಫೇಮಸ್‌ ಖಡಕ್ನಾಥ್ ಕೋಳಿಗಳ ಸಾಕಾಣಿಕೆ ಆರಂಭಿಸಿದರೆ ಕೈ ತುಂಬ ಹಣ ಎಣಿಸಬಹುದು. ಈ ಬಗ್ಗೆ ಇಂಟ್ರೆಸ್ಟಿಂಗ್‌ ಸಂಗತಿ ಇಲ್ಲಿದೆ.ಕೋಳಿ ಸಾಕಾಣಿಗೆ ಉದ್ಯಮ ಈಗ ಲಾಭದತ್ತ ಹೊರಳುತ್ತಿದೆ. ಈ ಮಧ್ಯೆ ಮಹೇಂದ್ರ ಸಿಂಗ್‌ ಧೊನಿ ಸಾಕಲು ಉದ್ದೇಶಿಸಿರುವ ಫೇಮಸ್‌ ಖಡಕ್ನಾಥ್ ಕೋಳಿ ಬಗ್ಗೆ ಚರ್ಚೆ ಇದೀಗ ಆರಂಭವಾಗಿದೆ. ಕಪ್ಪು ಕೋಳಿ ಸಾಕಾಣಿಗೆ ಹೇಗೆ, ಅದರ ವಿಶೇಷತೆ ಏನು ಎನ್ನುವ ಬಗ್ಗೆ ಚರ್ಚೆ ಆರಂಭವಾಗಿದೆ. ಈ ಬಗ್ಗೆಗ್ಗಿನ ಮಾಹಿತಿ ಇಲ್ಲಿದೆ.
ಬೆಂಗಳೂರು:
ಇತ್ತೀಚೆಗೆ ಖಡಕ್ನಾಥ್ ಕೋಳಿ ಬಗ್ಗೆ ಭಾರೀ ಚರ್ಚೆ ನಡೆದಿತ್ತು. ಅದಕ್ಕೆ ಕಾರಣ ಭಾರತದ ಕ್ರಿಕೆಟ್‌ ತಂಡದ ಮಾಜಿ ನಾಯಕ ಎಂಎಸ್ ಧೋನಿ. ಹೌದು, ಮಹೇಂದ್ರ ಸಿಂಗ್‌ ಧೋನಿ ಕಪ್ಪು ಕೋಳಿಗಳು ಅಥವಾ ಖಡಕ್ನಾಥ್ ಕೋಳಿಗಳ ಫಾರ್ಮ್‌ ಆರಂಭಿಸಿ ಕುಕ್ಕುಟೋದ್ಯಮಕ್ಕೆ ಜಿಗಿಯಲು ಮುಂದಾಗಿದ್ದಾರೆ. ಅದಕ್ಕಾಗಿ ಎರಡು ಸಾವಿರ ಕೋಳಿಗಳ ಖರೀದಿಗೆ ಈಗಾಗಲೇ ಆರ್ಡರ್‌ ನೀಡಿದ್ದಾರೆ ಎಂಬ ಸುದ್ದಿಗಳು ಹರಿದಾಡುತ್ತಿದ್ದವು. ಆದರೆ ಅದೇನೆ ಇದ್ದರೂ ಸದ್ಯ ದೇಶದೆಲ್ಲೆಡೆ ಖಡಕ್ನಾಥ್ ಕೋಳಿಗಳ ಬಗ್ಗೆ ಚರ್ಚೆ ಆರಂಭವಾಗಿದೆ. ಧೋನಿ ಆರಂಭಿಸಲು ಉದ್ದೇಶಿಸಿರುವ ಕಪ್ಪು ಕೋಳಿ ಸಾಕಣೆ ಹೇಗೆ? ಇದರಿಂದ ಭಾರಿ ಲಾಭವಾಗುತ್ತಾ? ಸ್ವ ಉದ್ಯೋಗ ನಡೆಸಿದರೆ ಹೇಗೆ ಎಂಬ ಚರ್ಚೆಗಳು ಆರಂಭವಾಗಿದೆ. ಧೋನಿ ಮಾತ್ರವಲ್ಲ ನೀವು ಕೂಡ ಮಧ್ಯಪ್ರದೇಶದ ಈ ಫೇಮಸ್‌ ಖಡಕ್ನಾಥ್ ಕೋಳಿಗಳ ಸಾಕಾಣಿಕೆ ಆರಂಭಿಸಿದರೆ ಕೈ ತುಂಬ ಹಣ ಎಣಿಸಬಹುದು. ಈ ಬಗ್ಗೆ ಇಂಟ್ರೆಸ್ಟಿಂಗ್‌ ಸಂಗತಿ ಇಲ್ಲಿದೆ.
ಈ ಕೋಳಿಗಳ ವಿಶೇಷತೆ ಏನು?
ಕಪ್ಪು ಬಣ್ಣವೇ ಮಧ್ಯಪ್ರದೇಶದ ಖಡಕನಾಥ್‌ ಕೋಳಿಯ ವಿಶೇಷತೆಯಾಗಿದೆ. ಇದರ ರೆಕ್ಕೆ – ಪುಕ್ಕ , ಕಾಲು , ಉಗುರು , ಚುಂಚು ಅಲ್ಲದೇ ಇದರ ಮಾಂಸವೂ ಕಪ್ಪಾಗಿಯೇ ಇರುತ್ತದೆ . ಆದ್ದರಿಂದ ಇದನ್ನು ಮಧ್ಯಪ್ರದೇಶದಲ್ಲಿ "ಕಾಳಿಮಾಸಿ" ಎಂದು ಕೂಡ ಕರೆಯಲಾಗುತ್ತದೆ. ಇವುಗಳು ದೇಶಿ ತಳಿಯಾಗಿದ್ದು ಸುಲಭವಾಗಿ ಸಾಕಬಹುದಾಗಿದೆ. ಅಲ್ಲದೇ ಇದು ದೇಸಿ ತಳಿಯಾಗಿರುವುದರಿಂದ ಇದನ್ನು ಫಾರಂ ಕೋಳಿಗಳಂತೆ ಕೂಡಿ ಹಾಕಿ ಬೆಳೆಸಬೇಕೆಂದಿಲ್ಲ , ಮುಕ್ತವಾಗಿ ಹೊಲ ಅಥವಾ ಅಂಗಳದಲ್ಲಿ ಬಿಟ್ಟು ಸಾಕಬಹುದಾಗಿದೆ. ಹಾಗೇ ಇವುಗಳಿಗೆ ರೋಗಗಳು ಕಡಿಮೆ ಬರುವುದರಿಂದ ಯಾವ ಹವಾಮಾನದಲ್ಲೂ ಸಾಕಣೆಗೆ ಬೆಸ್ಟ್‌ ಎನ್ನುತ್ತಾರೆ ಕುಕ್ಕುಟೋದ್ಯಮಿಗಳು.
ಗುಜರಾತ್‌ನ ಆಸ್ಪತ್ರೆಯಲ್ಲಿ ಭೀಕರ ಬೆಂಕಿ ಅವಘಡ, 6 ಮಂದಿ ಕೊರೊನಾ ರೋಗಿಗಳು ದುರ್ಮರಣ!
ಔಷಧೀಯ ಗುಣಗಳನ್ನು ಹೊಂದಿದೆ ಖಡಕ್ನಾಥ್!
ಔಷಧೀಯ ಗುಣದಿಂದಾಗಿ ಈ ಕೋಳಿಯ ಮಾಂಸ 700 ರಿಂದ 800 ರೂ . ಪ್ರತಿ ಕೆಜಿಗೆ ಬಿಕರಿಯಾದರೆ , ಮೊಟ್ಟೆ 20 ರಿಂದ 40 ರೂ . ಗೆ ಮಾರಾಟವಾಗುತ್ತವೆ . ಖಡಕ್ನಾಥ್ ಕೋಳಿ ಮಾಂಸದಲ್ಲಿ ಕಬ್ಬಿಣಾಂಶ ಹೆಚ್ಚಾಗಿದ್ದರಿಂದ ಇದು ಕಪ್ಪಾಗಿರುತ್ತದೆ . ಇದರಲ್ಲಿ ಆರೋಗ್ಯಕ್ಕೆ ಪೂರಕ ಅಂಶಗಳಿರುವುದರಿಂದ ಬೆಲೆ ಹೆಚ್ಚಾಗಿದೆ . ಇತರ ಕೋಳಿಗಳಿಗೆ ಹೋಲಿಸಿದರೆ ಇದರಲ್ಲಿ ಪ್ರೋಟೀನ್‌ ಹೆಚ್ಚಾಗಿದ್ದು , ಕೊಬ್ಬು ಹಾಗೂ ಕೊಲೆಸ್ಟ್ರಾಲ್‌ ಪ್ರಮಾಣ ಅತಿ ಕಡಿಮೆ ಇರುತ್ತದೆ. ಇದರ ಮಾಂಸದಲ್ಲಿ ಬಿ 1, ಬಿ 2, ಬಿ 6 ಹಾಗೂ ಬಿ 12 ಸಿ , ಇರುವುದು ವಿಶೇಷ . ಕ್ಯಾಲ್ಸಿಯಂ, ಮೆಲೆನಿನ್‌ ಪ್ರಮಾಣ ಇದರ ಮಾಸಂದಲ್ಲಿ ಹೇರಳವಾಗಿದೆ . ಖಡಕ್ನಾಥ್ ಚಿಕನ್‌ ರೋಗನಿರೋಧಕ ಗುಣವನ್ನು ಕೂಡ ಹೊಂದಿದೆ. ಹಿಮೋಗ್ಲೋಬಿನ್ ಪ್ರಮಾಣ ಹೆಚ್ಚಿಸಲು, ನರ ದೌರ್ಬಲ್ಯಕ್ಕೆ, ಅಧಿಕ ರಕ್ತದೊತ್ತಡ, ಹೃದ್ರೋಗ, ನರರೋಗ, ಪಾರ್ಶ್ವವಾಯು, ರಕ್ತ ಹೆಪ್ಪುಗಟ್ಟುವಿಕೆಗೂ ಮುಂತಾದ ರೋಗಗಳಿಗೂ ಇದರ ಮಾಂಸ ಸೇವನೆಯಿಂದ ಉಪಕಾರವಿದೆ. ಇದಕ್ಕಾಗಿಯೇ ಕ್ರೀಡಾಪಟುಗಳಿಗೆ ಈ ಕೋಳಿಯ ಮಾಂಸವನ್ನು ಹಲವು ರಾಜ್ಯಗಳಲ್ಲಿ ಹೆಚ್ಚಾಗಿ ನೀಡಲಾಗುತ್ತದೆ.
ಹೈದರಾಬಾದ್‌: ಬಿಜೆಪಿ ಯುವ ಮೋರ್ಚಾ ಅಧ್ಯಕ್ಷ ತೇಜಸ್ವಿ ಸೂರ್ಯ ವಿರುದ್ಧ ಪ್ರಕರಣ ದಾಖಲು!
ಸಾಕಾಣಿಕೆ ಹೇಗೆ?
ಈ ಕೋಳಿಗಳನ್ನು ಸಲುಭವಾಗಿ ಸಾಕಬಹುದು ಎನ್ನುತ್ತಾರೆ ಕುಕ್ಕುಟೋದ್ಯಮ ನಡೆಸುವವರು. ಯಾಕೆಂದರೆ ಆರಂಭದಲ್ಲಿ ಎಳೆಯ ಮರಿಗಳಿಗೆ ಮಾತ್ರ ಖಾಸಗಿ ಸಂಸ್ಥೆಗಳು ನೀಡುವ ಸಿದ್ಧಾಹಾರವನ್ನು ನೀಡಬೇಕಾಗುತ್ತದೆ. ನಂತರ ಬೆಳೆದರೆ ಸಿದ್ದ ಆಹಾರಗಳ ಅಗತ್ಯವಿರುವುದಿಲ್ಲ. ನಂತರ ಗುಣಮಟ್ಟದ ಗೋಧಿ, ರಾಗಿ, ಜೋಳ ಇತ್ಯಾದಿಗಳನ್ನು ಮಿಕ್ಸ್ ಮಾಡಿ ಸಂಜೆ ಹೊತ್ತು ಮಾತ್ರ ಈ ಕೋಳಿಗಳಿಗೆ ನೀಡಲಾಗುತ್ತದೆ. ಕಡಿಮೆ ಬೆಲೆಗೆ ಸಿಗುವ ರೇಷ್ಮೆ ಎಲೆಗಳ ಪೌಡರ್‌ನ್ನು ಈ ಕೋಳಿಗಳಿಗೆ ಆಹಾರವಾಗಿ ನೀಡುತ್ತಾರೆ. ಸಾಮಾನ್ಯ ನಾಟಿ ಕೋಳಿಗಳಂತೆ ಇವುಗಳು ಹೊಲದಲ್ಲಿರುವ ಹುಳ ಹುಪ್ಪಟೆ ತಿನ್ನುತ್ತವೆ. ಇನ್ನು ಎಲ್ಲಾ ಹವಾಮಾನಗಳಲ್ಲಿಯು ಇವು ಹೊಂದಿಕೊಂಡು ಜೀವಿಸುತ್ತವೆ. ಹೀಗಾಗಿ 100 ಮರಿಗಳ ಸಾಕಣೆಗೆ 150 ಸ್ಕ್ವೇರ್ ಫೀಟ್ ಜಾಗ ಸಾಕಗುತ್ತದೆ. ಉತ್ತಮ ನೀರು ಹಾಗೂ ವಿದ್ಯುತ್‌ನ ಸಂಪರ್ಕವಿದ್ದರೆ ಇನ್ನು ಅತ್ಯುತ್ತಮ. ನಾಟಿ ಕೋಳಿ ಸಾಕಿದವರಿಗೆ ಈ ಕಪ್ಪು ಕೋಳಿಗಳ ಸಾಕಾಣೆ ಸುಲಭವಾಗಿರುತ್ತದೆ.
ಬಿಹಾರ: ಬಿಜೆಪಿ ಶಾಸಕನಿಗೆ ಆಮಿಷ ಒಡ್ಡಿದ ಲಾಲು ಯಾದವ್‌ ವಿರುದ್ಧ ಎಫ್‌ಐಆರ್‌ ದಾಖಲು!
ಮೊಟ್ಟೆ, ಮಾಂಸಕ್ಕೆ ಚಿನ್ನದ ಬೆಲೆ!
ಹೌದು, ಖಡಕ್ನಾಥ್ ಕೋಳಿ ಮೊಟ್ಟೆ ಹಾಗೂ ಮಾಂಸಕ್ಕೆ ಚಿನ್ನದ ಬೆಲೆ ಇದೆ. ದೇಶದಾದ್ಯಂತ ಖಡಕ್ನಾಥ್ ಕೋಳಿ ಮಾಂಸಕ್ಕೆ ಹೆಚ್ಚಾಗುತ್ತಿರುವ ಬೇಡಿಕೆ ಗಮನಿಸಿ ಮಧ್ಯಪ್ರದೇಶ ಸರ್ಕಾರ #MPKadakNath ಹೆಸರಿನ ಆ್ಯಪ್ ಕೂಡ ಶುರು ಮಾಡಿದೆ. ಇದರ ಮಾಂಸ ಬೆಂಗಳೂರಿನಲ್ಲಿ 400 ರೂ. ಇದೆ. ಮಹಾರಾಷ್ಟ್ರ, ಮಧ್ಯಪ್ರದೇಶಗಳಲ್ಲಿ 700 ರಿಂದ 800 ರೂ. ಇದೆ. ಇನ್ನು ಇದರ ಮೊಟ್ಟೆ ಬೆಲೆ 30 ರಿಂದ 40 ರೂ.ಗೆ ಬಿಕಾರಿಯಾಗುತ್ತದೆ. ಅಮೆಜಾನ್‌ನಂತಹ ಅನ್‌ಲೈನ್‌ ಶಾಪಿಂಗ್‌ನಲ್ಲಿ ಇದರ ಬೆಲೆ 80 ರೂ. ಇದೆ. ಕುಕ್ಕುಟೋದ್ಯಮ ನಡೆಸುವವರ ಪ್ರಕಾರ ಸಂಬಳ, ಇನ್ನಿತರ ಖರ್ಚುಗಳು ಹೋಗಿ ತಿಂಗಳಿ 40 ರಿಂದ 50 ಸಾವಿರ ಸಂಪಾದಿಸಬಹುದಂತೆ. ಇದರ ಮಾಂಸಕ್ಕೆ ವಿಶೇಷ ಬೇಡಿಕೆ ಇದೆ.
from India & World News in Kannada | VK Polls https://ift.tt/3maEmIo
