ಹೊಸದಿಲ್ಲಿ: ಪ್ರಧಾನಿ ಮೋದಿ ಇಂದು(ನ.29-ಭಾನುವಾರ) 11 ಗಂಟೆಗೆ ತಮ್ಮ ಮನ್ ಕಿ ಬಾತ್ ಮೂಲಕ ದೇಶವನ್ನುದ್ದೇಶಿಸಿ ಮಾತನಾಡಲಿದ್ದಾರೆ. ನಿನ್ನೆ(ನ.28-ಶನಿವಾರ) ಲಸಿಕಾ ಕೇಂದ್ರಗಳಿರುವ ಭಾರತ ಮೂರು ಪ್ರಮುಖ ನಗರಗಳಿಗೆ ಭೇಟಿ ನೀಡಿದ್ದ ಪ್ರಧಾನಿ ಮೋದಿ, ಸಂಶೋಧನಾ ಹಂತದಲ್ಲಿರುವ ಲಸಿಕೆಗಳ ಕುರಿತು ವಿಸ್ತೃತ ಮಾಹಿತಿ ಪಡೆದಿದ್ದರು. ಅಹಮದಾಬಾದ್‌ನಲ್ಲಿರುವ ಜೈಡಸ್ ಬಯೋಟೆಕ್, ಹೈದರಾಬಾದ್‌ನಲ್ಲಿರುವ ಭಾರತ್ ಬಯೋಟೆಕ್ ಹಾಗೂ ಪುಣೆಯಲ್ಲಿರುವ ಸೆರೆಮ್ ಇನ್ಸ್ಟಿಟ್ಯೂಟ್‌ಗಳಿಗೆ, ಪ್ರಧಾನಿ ಮೋದಿ ಶನಿವಾರ ಭೇಟಿ ನೀಡಿದ್ದರು. ಈ ಹಿನ್ನೆಲೆಯಲ್ಲಿ ಪ್ರಧಾನಿ ಮೋದಿ ಅವರ ಇಂದಿನ(ನ.28) ಭಾರೀ ಮಹತ್ವ ಪಡೆದುಕೊಂಡಿದ್ದು, ಲಸಿಕಾ ಕೇಂದ್ರಗಳಿಗೆ ತಮ್ಮ ಭೇಟಿಯ ಕುರಿತು ಪ್ರಧಾನಿ ಮೋದಿ ತಮ್ಮ ಮನ್ ಕಿ ಬಾತ್‌ನಲ್ಲಿ ಉಲ್ಲೇಖಿಸಲಿದ್ದಾರೆ ಎಂದು ನಿರೀಕ್ಷಿಸಲಾಗಿದೆ. ಪ್ರಧಾನಿ ಮೋದಿ ಇದೀಗ ಕೊರೊನಾ ವೈರಸ್ ಲಸಿಕೆಯ ಉತ್ಪಾದನೆ, ಹಂಚಿಕೆ ಹಾಗೂ ವಿತರಣೆ ಕುರಿತು ಹೆಚ್ಚೆಚ್ಚು ಪ್ರಸ್ತಾಪಿಸುತ್ತಿದ್ದು, ಇತ್ತಿಚಿಗೆ ನಡೆದ ಮುಖ್ಯಮಂತ್ರಿಗಳೊಂದಿಗಿನ ಸಭೆಯಲ್ಲೂ ಲಸಿಕೆ ವಿತರಣೆಗೆ ನೀಲನಕ್ಷೆ ಸಿದ್ಧಪಡಿಸಿಕೊಳ್ಳುವಂತೆ ಸಲಹೆ ನೀಡಿದ್ದನ್ನು ಇಲ್ಲಿ ಸ್ಮರಿಸಬಹುದು.
from India & World News in Kannada | VK Polls https://ift.tt/37k63If
