ಹೊಸದಿಲ್ಲಿ: ಕಳೆದ ವರ್ಷ ಕಿಂಗ್ಸ್ ಇಲೆವೆನ್ ಪಂಜಾಬ್ ಪರ ಐಪಿಎಲ್ ಆಡಿದ್ದ ದಕ್ಷಿಣ ಆಫ್ರಿಕಾದ ವೇಗಿ ಹಾರ್ಡಸ್ ವಿಲ್ಜೋಯೆನ್ ಅಷ್ಟಾಗಿ ಗಮನಾರ್ಹ ಪ್ರದರ್ಶನ ತೋರಿರಲಿಲ್ಲ. ಆದರೂ ಅವರನ್ನು 2020ರ ಆವೃತ್ತಿಗೂ ಪಂಜಾಬ್ ಟೀಮ್ ಮ್ಯಾನೇಜ್ಮೆಂಟ್ ಉಳಿಸಿಕೊಂಡಿದೆ. 13ನೇ ಆವೃತ್ತಿಯ ಐಪಿಎಲ್ ಟೂರ್ನಿಯು ಸೆಪ್ಟೆಂಬರ್ 19 ರಿಂದ ಯುಎಇಯಲ್ಲಿ ಆರಂಭವಾಗುತ್ತಿದ್ದು, ಈ ಬಾರಿ ಪಂಜಾಬ್ ಪ್ರಶಸ್ತಿ ಗೆಲ್ಲಲಿದೆ ಎಂದು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ. ಕಳೆದ ಆವೃತ್ತಿಯ ಇವರು 6 ಪಂದ್ಯಗಳಿಂದ ಏಳು ವಿಕೆಟ್ಗಳನ್ನು ಕಬಳಿಸಿದ್ದರು. ಈ ಬಾರಿ ಇವರ ಜತೆ ಸ್ಟಾರ್ ವೇಗಿಗಳಾದ ಶೆಲ್ಡನ್ ಕಾಟ್ರೆಲ್, ಕ್ರಿಸ್ ಜೋರ್ಡನ್, ಮೊಹಮ್ಮದ್ ಶಮಿ, ಇಶಾನ್ ಪೊರೆಲ್ ಹಾಗೂ ಜೇಮ್ಸ್ ನೀಶ್ಯಾಮ್ ಇದ್ದಾರೆ. ಮೊದಲ ಬಾರಿ ನಾಯಕತ್ವ ವಹಿಸಿರುವ ಪಂಜಾಬ್ ಫ್ರಾಂಚೈಸಿಯಲ್ಲಿ ಕ್ರಿಸ್ ಗೇಲ್, ಗ್ಲೆನ್ ಮ್ಯಾಕ್ಸ್ವೆಲ್, ಮಯಾಂಕ್ ಅಗರ್ವಾಲ್, ಮಂದೀಪ್ ಸಿಂಗ್ ಹಾಗೂ ಕರುಣ್ ನಾಯರ್ ಸೇರಿದಂತೆ ಅತ್ಯುತ್ತಮ ಬ್ಯಾಟ್ಸ್ಮನ್ಗಳಿದ್ದಾರೆ. 2014ರಲ್ಲಿ ಯುಎಇಯಲ್ಲಿ ಒಟ್ಟು ಐದು ಪಂದ್ಯಗಳಲ್ಲಿ ಕಿಂಗ್ಸ್ ಇಲೆವೆನ್ ಪಂಜಾಬ್ ಜಯ ಸಾಧಿಸಿದ್ದನ್ನು ಹಾರ್ಡಸ್ ಉದಾಹರಣೆಯಾಗಿ ತೆಗೆದುಕೊಂಡರು. ಅಂದು ಎಲ್ಲಾ ಪಂದ್ಯಗಳನ್ನು ಗೆದ್ದ ಏಕೈಕ ತಂಡವಾಗಿ ಪಂಜಾಬ್ ಹೊರಹೊಮ್ಮಿತ್ತು. ಇದು ತಂಡಕ್ಕೆ ಪ್ಲಸ್ ಪಾಯಿಂಟ್. ಚೊಚ್ಚಲ ಐಪಿಎಲ್ ಟ್ರೋಫಿ ಗೆಲ್ಲಲು ಸದ್ಯ ಇರುವ ತಂಡದ ಸಂಯೋಜನೆ ಸಾಕು ಎಂದು 30ರ ಪ್ರಾಯದ ವೇಗಿ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. "ಯುಎಇಯಲ್ಲಿ ಒಂದೂ ಪಂದ್ಯ ಸೋಲದ ಏಕೈಕ ತಂಡವೆಂದರೆ ಅದು ಪಂಜಾಬ್. ಇದು ಮಾನಸಿಕವಾಗಿ ಎಲ್ಲಾ ಆಟಗಾರರ ಮೇಲೂ ವಿಶ್ವಾಸವನ್ನು ಹೆಚ್ಚಿಸುತ್ತದೆ. ಸವಾಲುದಾಯಕವಾಗಿದ್ದರೂ ಈ ಬಾರಿ ಐಪಿಎಲ್ ಟ್ರೋಫಿಯನ್ನು ನಾವೇ ಮುಡಿಗೇರಿಸಿಕೊಳ್ಳುತ್ತೇವೆ ಎಂದು ನನಗೆ ಅನಿಸುತ್ತಿದೆ," ಎಂದು ಟೈಮ್ಸ್ ಆಫ್ ಇಂಡಿಯಾಗೆ ತಿಳಿಸಿದರು. ಅವರಲ್ಲಿ ಗುಣಮಟ್ಟದ ನಾಯಕತ್ವದ ಗುಣಗಳಿವೆ ಹಾಗೂ ಒಬ್ಬ ಆಟಗಾರನಾಗಿ ಅವರಿಗೆ ಗೌರವವನ್ನು ನೀಡುತ್ತೇನೆ. ವಿಕೆಟ್ ಕೀಪರ್ ಬ್ಯಾಟ್ಸ್ಮನ್ ಅನ್ನು ಕಳೆದ ವರ್ಷವೇ ಮೊದಲ ಬಾರಿ ಭೇಟಿಯಾಗಿದ್ದೆ, ಅವರೊಂದಿಗೆ ಅತ್ಯುತ್ತಮ ಸಂಭಾಷಣೆಯನ್ನು ಉಳಿಸಿಕೊಂಡಿದ್ದೇನೆ ಎಂದರು. "ನಂಬಲಾಗದ ಗುಣಮಟ್ಟದ ನಾಯಕತ್ವವನ್ನು ಕೆಎಲ್ ರಾಹುಲ್ ಹೊಂದಿದ್ದಾರೆ. ಒಬ್ಬ ಆಟಗಾರನಾಗಿ ಅವರನ್ನು ಗೌರವಿಸುತ್ತೇನೆ. ಕಳೆದ ವರ್ಷವೇ ಅವರು ನನಗೆ ಪರಿಚಯವಾಗಿದ್ದರು ಹಾಗೂ ಅವರೊಂದಿಗಿನ ಪರಿಚಯ ತುಂಬಾ ಚೆನ್ನಾಗಿದೆ. ಅವರ ಜತೆ ಮಾತನಾಡಿರುವ ಅತ್ಯುತ್ತಮ ಕ್ಷಣಗಳಿವೆ," ಎಂದು ಹಾರ್ಡಸ್ ವಿಲ್ಜೋಯೆನ್ ತಿಳಿಸಿದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2ESE3B5