ಆತೀಶ್‌ ಬಿ. ಕನ್ನಾಳೆ ಶಿವಮೊಗ್ಗ ಶಿವಮೊಗ್ಗ: ಜಿಲ್ಲೆಯೊಂದರಲ್ಲೇ ಮೆಗ್ಗಾನ್‌ ಆಸ್ಪತ್ರೆಗೆ ನಿತ್ಯ 40-50 ಹೊರ ರೋಗಿಗಳು ದಿಂದ ಬಂದರೆ, ಅದರಲ್ಲಿ 5-6 ಹಾರ್ಟ್‌ ಅಟ್ಯಾಕ್‌ ಹಾಗೂ 3-5 ಹೃದಯ ವೈಫಲ್ಯದಿಂದಾಗಿ ದಾಖಲಾಗುತ್ತಿದ್ದರು. ಖಾಸಗಿ ಆಸ್ಪತ್ರೆಗಳಲ್ಲಿ ತಿಂಗಳಿಗೆ 400-500 ಜನ ಚಿಕಿತ್ಸೆಗೋಸ್ಕರ ಬರುತ್ತಿದ್ದಾರೆ. ಈ ಪೈಕಿ, ಶೇ.10ರಷ್ಟು ಜನ ಪ್ರಾಣ ಕಳೆದುಕೊಳ್ಳುತ್ತಿದ್ದಾರೆ. ಕೋವಿಡ್‌ನಿಂದಾಗಿ ಬಹುತೇಕರು ಆಸ್ಪತ್ರೆಗಳಿಗೆ ಹೋಗುವುದಕ್ಕೆ ಭಯಪಡುವ ವಾತಾವರಣವಿತ್ತು. ಹೀಗಾಗಿ, ಸಣ್ಣಪುಟ್ಟ ಸಮಸ್ಯೆಗಳಿದ್ದರೂ ಯಾರೂ ಆಸ್ಪತ್ರೆಗೆ ಬರುವ ಗೋಜಿಗೆ ಹೋಗುತ್ತಿರಲಿಲ್ಲ. ಜತೆಗೆ, ಬಹುತೇಕ ಎಲ್ಲರೂ ಮನೆಯಲ್ಲಿಯೇ ಇರಬೇಕಾಗಿದ್ದರಿಂದ ದುಶ್ಚಟಗಳಿಂದ ದೂರ ಉಳಿದಿದ್ದರು. ಪರಿಶ್ರಮ ಕೆಲಸಗಳನ್ನೂ ಮಾಡುತ್ತಿರಲಿಲ್ಲ. ಕೋವಿಡ್‌ಗೆ ಅಂಜಿ ಶಿಸ್ತು ಬದ್ಧ ಜೀವನಕ್ಕೆ ಮೊರೆ ಹೋಗಿದ್ದರು. ಈ ಎಲ್ಲ ಕಾರಣಗಳಿಂದಾಗಿ ಹೃದ್ರೋಗದಿಂದ ಆಸ್ಪತ್ರೆಗೆ ಬರುವವರ ಸಂಖ್ಯೆ ಇಳಿಕೆಯಾಗಿತ್ತು. ಮಧ್ಯ ವಯಸ್ಕರಲ್ಲೂ ಹೃದ್ರೋಗ 40 ವರ್ಷ ದಾಟಿದವರಲ್ಲಿ ಹೃದ್ರೋಗದ ಅಪಾಯ ಅಧಿಕ ಎಂದು ಹೇಳಲಾಗುತ್ತಿತ್ತು. ಆದರೀಗ, ಬದಲಾದ ಜೀವನ ಶೈಲಿಯಿಂದಾಗಿ ಮಧ್ಯ ವಯಸ್ಕರಲ್ಲೂ ಸಮಸ್ಯೆಗಳು ಕಾಣಿಸಿಕೊಳ್ಳುತ್ತಿವೆ. 27ರ ವಯೋಮಾನದಲ್ಲೇ ಹಲವರಿಗೆ ಹಾರ್ಟ್‌ ಅಟ್ಯಾಕ್‌ ಆದ ಉದಾಹರಣೆಗಳೂ ಇವೆ. ಹೃದ್ರೋಗ ನಗರ ಕೇಂದ್ರಿತವಾದ ತನ್ನ ಹಣೆಪಟ್ಟಿಯನ್ನು ವಿಸ್ತರಿಸಿದ್ದು, ಈಗ ಗ್ರಾಮೀಣ ಪ್ರದೇಶದವರೂ ಇದಕ್ಕೆ ತುತ್ತಾಗುತ್ತಿದ್ದಾರೆ. ಇದಕ್ಕೆ ಮೂಲ ಕಾರಣ, ದುಶ್ಚಟ, ಕಾಲು ನಡಿಗೆ ಮತ್ತು ದೈಹಿಕ ಶ್ರಮವನ್ನೇ ಮರೆತಿರುವುದು. ಅತಿಯಾದ ಝಂಕ್‌ ಫುಡ್‌ ಸೇವನೆ, ಚಿಕ್ಕ ಮಕ್ಕಳಲ್ಲಿ ಬೊಜ್ಜಿನ ಸಮಸ್ಯೆ, ಇವು ಭವಿಷ್ಯದಲ್ಲಿ ಹೃದ್ರೋಗಕ್ಕೆ ಕಾರಣವಾಗುವ ಸಾಧ್ಯತೆ ಇದೆ. ವರ್ಷಕ್ಕೊಮ್ಮೆ ಇರಲಿ ಟೆಸ್ಟ್‌40 ವರ್ಷ ತುಂಬಿದ ಪ್ರತಿಯೊಬ್ಬರೂ ವರ್ಷಕ್ಕೊಮ್ಮೆ ರಕ್ತ ಪರೀಕ್ಷೆ, ಇಸಿಜಿ, ಎಕೋ ಸೇರಿ ಇನ್ನಿತರ ತಪಾಸಣೆಗೆ ಒಳಪಡಬೇಕು. ಇದರಿಂದ ಆಗಬಹುದಾದ ಅನಾಹುತ ತಡೆಯಬಹುದು. ಎದೆ ನೋವು ನಿರ್ಲಕ್ಷಿಸದೇ ತಕ್ಷಣ ಪರೀಕ್ಷೆಗೆ ಒಳಪಡಬೇಕು. ಗ್ಯಾಸ್ಟಿಕ್‌ ಎಂದುಕೊಂಡ ಬಹಳಷ್ಟು ಪ್ರಕರಣಗಳಲ್ಲಿ ಹೃದಯ ರೋಗ ಉಲ್ಬಣಿಸಿ ಸಾವು ಸಂಭವಿಸುವ ಸಾಧ್ಯತೆ ಹೆಚ್ಚಾಗಿದೆ ಎನ್ನುತ್ತಾರೆ ಹೃದ್ರೋಗ ತಜ್ಞ ಡಾ. ಮಂಜುನಾಥ್‌ ಅರ್ಜುನ್‌ ಪಾಸಲ್ಕರ್‌. ನಗರಕ್ಕಷ್ಟೇ ಸೀಮಿತವಾಗಿದ್ದ ಹೃದಯ ಸಂಬಂಧಿ ಕಾಯಿಲೆಗಳು ಈಗ ಗ್ರಾಮೀಣ ಪ್ರದೇಶದವರಲ್ಲೂ ಕಂಡುಬರುತ್ತಿವೆ. ಆರೋಗ್ಯಯುತ ಜೀವನ ಶೈಲಿ, ಗುಣಮಟ್ಟದ ಆಹಾರ ಸೇವನೆ, ನಿಯಮಿತ ವ್ಯಾಯಾಮ ಮಾಡಿದ್ದಲ್ಲಿ ಹೃದ್ರೋಗದಿಂದ ದೂರವಿರುವ ಸಾಧ್ಯತೆ ಇದೆ. ಡಾ.ಶ್ರೀವತ್ಸ್ ನಾಡಿಗ, ಹೃದ್ರೋಗ ತಜ್ಞ, ಸಹ್ಯಾದ್ರಿ ನಾರಾಯಣ ಮಲ್ಟಿ ಸ್ಪೆಷಾಲಿಟಿ ಆಸ್ಪತ್ರೆ ತಜ್ಞರ ಸಲಹೆಗಳು
- ಎದೆ ನೋವು ಕಂಡುಬಂದಲ್ಲಿ ನಿರ್ಲಕ್ಷಿಸದೇ ತಕ್ಷಣ ವೈದ್ಯರ ಭೇಟಿ ಮಾಡಿ
- ಹೃದ್ರೋಗ ಸಂಬಂಧ ಆಸ್ಪತ್ರೆಯಲ್ಲಿ ಲಭ್ಯವಿರುವ ಸೌಲಭ್ಯಗಳನ್ನು ಬಳಸಿಕೊಳ್ಳಿ
- ಪೌಷ್ಟಿಕಾಂಶಯುಕ್ತ ಆಹಾರ ಸೇವನೆ, ನಿತ್ಯ 30 ನಿಮಿಷ ವ್ಯಾಯಾಮ ಕಡ್ಡಾಯ
- ಧೂಮಪಾನ, ಕುಡಿತ ಇನ್ನಿತರ ದುಷ್ಚಟಗಳಿಂದ ದೂರ ಇರಿ
- ಸಕ್ಕರೆ, ಉಪ್ಪು ಕಡಿಮೆ ಸೇವಿಸಿ, ಝಂಕ್‌ ಫುಡ್‌ ತಿನ್ನದಿರುವುದೇ ಒಳಿತು
- 40 ವರ್ಷ ಮೇಲ್ಪಟ್ಟವರು ವರ್ಷಕ್ಕೊಮ್ಮೆ ಆರೋಗ್ಯ ತಪಾಸಣೆ ಮಾಡಿಸಿ
from India & World News in Kannada | VK Polls https://ift.tt/2S64uXc
