ವಾಷಿಂಗ್ಟನ್‌: ಅಮೆರಿಕ ಅಧ್ಯಕ್ಷೀಯ ಸ್ಥಾನದ ಚುನಾವಣೆಗೆ ರಂಗೇರಿದೆ. ಎಲೆಕ್ಷನ್‌ಗೆ 35 ದಿನಗಳಷ್ಟೇ ಬಾಕಿ ಇದ್ದು ಭಾರೀ ರೀತಿಯಲ್ಲಿ ಉಭಯ ಪಕ್ಷಗಳ ನಾಯಕರು ಪ್ರಚಾರಗಳು ನಡೆಸುತ್ತಿದ್ದಾರೆ. ಇದೀಗ ಇದೇ ಮೊದಲ ಬಾರಿಗೆ ಡೊನಾಲ್ಡ್ ಟ್ರಂಪ್‌ ಮತ್ತು ಜೋ ಬಿಡನ್‌ ನಡುವೆ ಬಹಿರಂಗ ಚರ್ಚೆ ನಡೆದಿದ್ದು, ಮಾತಿನ ಮೂಲಕ ಉಭಯ ನಾಯಕರು ಕಿತ್ತಾಡಿಕೊಂಡಿದ್ದಾರೆ. ಟಿವಿಯಲ್ಲಿ ನೇರಪ್ರಸಾರವಾಗುವ ಈ ಚರ್ಚೆಯಲ್ಲಿ ಉಭಯ ನಾಯಕರು ಅಕ್ಷರಶಃ ಕಿಡಿಕಾರಿಕೊಂಡಿದ್ದಾರೆ. ಕೊರೊನಾ ವೈರಸ್‌, ಆರ್ಥಿಕತೆ, ಕಪ್ಪು ವರ್ಣೀಯರು ಸೇರಿ ಹಲವು ವಿಚಾರಗಳ ಬಗ್ಗೆ ಸವಾಲು ಉತ್ತರಗಳ ಸಮ್ಮಿಲನವು ವೇದಿಕೆಯಲ್ಲಿ ನಡೆಯಿತು.ಅಮೆರಿಕದಲ್ಲಿ ಕೊರೊನಾ ತಾಂಡವ ಆಡುತ್ತಿದೆ. ಸರಕಾರಕ್ಕೆ ಸರಿಯಾಗಿ ಮಾಹಿತಿಯು ಇಲ್ಲ ಎಂದು ಸರಕಾರ ಹಾಗೂ ಟ್ರಂಪ್‌ ವಿರುದ್ಧ ಜೋ ಬಿಡನ್‌ ಕಿಡಿಕಾರಿದರು. ಇದಕ್ಕೆ ಉತ್ತರ ನೀಡುವ ವೇಳೆ ಭಾರತ ಚೀನಾವನ್ನು ಎಳೆದು ತಂದ ಟ್ರಂಪ್‌, ಚೀನಾ, ರಷ್ಯಾ, ಭಾರತದಲ್ಲಿ ಕೋವಿಡ್ -19 ನಿಂದ ಎಷ್ಟು ಜನರು ಸತ್ತರು ಎಂಬುದು ನಮಗೆ ತಿಳಿದಿಲ್ಲ ಎಂದರು.
ವಾಷಿಂಗ್ಟನ್‌:
ಅಮೆರಿಕ ಅಧ್ಯಕ್ಷೀಯ ಸ್ಥಾನದ ಚುನಾವಣೆಗೆ ರಂಗೇರಿದೆ. ಎಲೆಕ್ಷನ್‌ಗೆ 35 ದಿನಗಳಷ್ಟೇ ಬಾಕಿ ಇದ್ದು ಭಾರೀ ರೀತಿಯಲ್ಲಿ ಉಭಯ ಪಕ್ಷಗಳ ನಾಯಕರು ಪ್ರಚಾರಗಳು ನಡೆಸುತ್ತಿದ್ದಾರೆ. ಇದೀಗ ಇದೇ ಮೊದಲ ಬಾರಿಗೆ ಡೊನಾಲ್ಡ್ ಟ್ರಂಪ್‌ ಮತ್ತು ಜೋ ಬಿಡನ್‌ ನಡುವೆ ಬಹಿರಂಗ ಚರ್ಚೆ ನಡೆದಿದ್ದು, ಮಾತಿನ ಮೂಲಕ ಉಭಯ ನಾಯಕರು ಕಿತ್ತಾಡಿಕೊಂಡಿದ್ದಾರೆ. ಟಿವಿಯಲ್ಲಿ ನೇರಪ್ರಸಾರವಾಗುವ ಈ ಚರ್ಚೆಯಲ್ಲಿ ಉಭಯ ನಾಯಕರು ಅಕ್ಷರಶಃ ಕಿಡಿಕಾರಿಕೊಂಡಿದ್ದಾರೆ. ಕೊರೊನಾ ವೈರಸ್‌, ಆರ್ಥಿಕತೆ, ಕಪ್ಪು ವರ್ಣೀಯರು ಸೇರಿ ಹಲವು ವಿಚಾರಗಳ ಬಗ್ಗೆ ಸವಾಲು ಉತ್ತರಗಳ ಸಮ್ಮಿಲನವು ವೇದಿಕೆಯಲ್ಲಿ ನಡೆಯಿತು.
ಕೊರೊನಾ ಚರ್ಚೆ!
ಅಮೆರಿಕದಲ್ಲಿ ಕೊರೊನಾ ತಾಂಡವ ಆಡುತ್ತಿದೆ. ಸರಕಾರಕ್ಕೆ ಸರಿಯಾಗಿ ಮಾಹಿತಿಯು ಇಲ್ಲ ಎಂದು ಸರಕಾರ ಹಾಗೂ ಟ್ರಂಪ್‌ ವಿರುದ್ಧ ಜೋ ಬಿಡನ್‌ ಕಿಡಿಕಾರಿದರು. ಇದಕ್ಕೆ ಉತ್ತರ ನೀಡುವ ವೇಳೆ ಭಾರತ, ಚೀನಾವನ್ನು ಎಳೆತಂದ ಡೊನಾಲ್ಡ್ ಟ್ರಂಪ್‌, ಚೀನಾ, ರಷ್ಯಾ, ಭಾರತದಲ್ಲಿ ಕೋವಿಡ್ -19 ನಿಂದ ಎಷ್ಟು ಜನರು ಸತ್ತರು ಎಂಬುದು ನಮಗೆ ತಿಳಿದಿಲ್ಲ. ಏಕೆಂದರೆ ಅವರು ಸರಿಯಾದ ಉತ್ತರಗಳನ್ನು ನೀಡುತ್ತಿಲ್ಲ. ಅವರು ಸರಿಯಾದ ಸಂಖ್ಯೆಗಳನ್ನು ನೀಡುವುತ್ತಿಲ್ಲ ಎಂದು ಪ್ರಶ್ನೆಯನ್ನು ತಿರುಗಿಸುವ ಯತ್ನ ನಡೆಸಿದರು. ಅಲ್ಲದೆ ಮತ್ತೆ ಚೀನಾ ವಿರುದ್ಧ ಕಿಡಿಕಾರಿದ ಅವರು, ನಮ್ಮ ದೇಶದಲ್ಲಾಗುವ ಈ ಎಲ್ಲಾ ಸಾವು ನೋವುಗಳಿಗೆ ಚೀನಾವೇ ಕಾರಣ ಎಂದು ಕಿಡಿಕಾರಿದರು.
ಗಿಲ್ಗಿಟ್‌-ಬಾಲ್ಟಿಸ್ತಾನದಲ್ಲಿ ಚುನಾವಣೆ, ಪಾಕ್‌ ನಡೆಗೆ ಪ್ರತಿಭಟನೆ ದಾಖಲಿಸಿದ ಭಾರತ
ಚೀನಾ ಅಸ್ತ್ರಕ್ಕೆ ರಷ್ಯಾ ಅಸ್ತ್ರ!
ಚೀನಾದಂತೆ ರಷ್ಯಾವು ಅಮೆರಿಕದ ಸಾಂಪ್ರಾದಯಕ ವಿರೋಧಿ ಅನ್ನುವ ಮಾತುಗಳು ಆಗಾಗೇ ಕೇಳಿ ಬರುತ್ತಲೆ ಇರುತ್ತದೆ. ಇದೀಗ ರಷ್ಯಾ ಹಾಗೂ ಟ್ರಂಪ್‌ ನಡುವೆ ಯಾವ ರೀತಿಯ ಸಂಬಂಧ ಇದೆ ಎನ್ನುವುದನ್ನು ಜೋ ಬಿಡೆನ್ ಅಮೆರಿಕದ ಜನರಿಗೆ ತೋರಿಸಿ ಕೊಡುವ ಕೆಲಸ ಮಾಡಿದ್ದಾರೆ. ರಷ್ಯಾದ ಅಧ್ಯಕ್ಷ ವ್ಲಾಡಿಮಿರ್‌ ಪುಟಿನ್‌ ಅವರನ್ನು ಎದುರಿಸಲು ಡೊನಾಲ್ಡ್ ಟ್ರಂಪ್‌ಗೆ ಸಾಧ್ಯವಾಗಿಲ್ಲ ಎಂದು ಬಿಡನ್‌ ಆರೋಪಿಸಿದ್ದು, ಟ್ರಂಪ್‌ ಅಧ್ಯಕ್ಷ ಪುಟಿನ್‌ನ 'ಪಪ್ಪಿ' ( ಮರಿ ಶ್ವಾನ) ಆಗಿದ್ದಾರೆ ಎಂದು ಆರೋಪಿಸಿದ್ದಾರೆ. ಈ ಹಿಂದೆ ಟ್ರಂಪ್‌, ಬಿಡೆನ್ ಅವರನ್ನು ಚೀನಾದ ಕೈಗೊಂಬೆ ಎಂದಿದ್ದರು.
ಕೊರೊನಾದಿಂದ ನಲುಗುತ್ತಿರುವ ಮಹಾರಾಷ್ಟ್ರದಲ್ಲೀಗ ಕಾಂಗೊ ಜ್ವರದ ಭೀತಿ! ಏನಿದು ಹೊಸ ರೋಗ?
ಚರ್ಚೆಗೆ ಕುಟುಂಬದವರನ್ನು ಎಳೆತಂದರು!
ಇನ್ನು ಚರ್ಚೆ ವೇಳೆ ಉಭಯ ನಾಯಕರು ಪರಸ್ಪರ ಕುಟುಂಬದವರನ್ನು ಎಳೆ ತಂದ ಘಟನೆಯು ನಡೆಯಿತು. ಜೋ ಬಿಡನ್‌ ಪುತ್ರ ಹಂಟರ್ ಬಿಡೆನ್ ಬಗ್ಗೆ ಪ್ರಸ್ತಾಪಿಸಿದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್‌, ಹಂಟರ್ ಬಿಡೆನ್ ಚೀನಾ ಮತ್ತು ಇತರ ಸಾಗರೋತ್ತರ ಹಿತಾಸಕ್ತಿಗಳಿಂದ ಲಕ್ಷಾಂತರ ಲಾಭವನ್ನು ಗಳಿಸಿದ್ದಾರೆ ಎಂದು ಆರೋಪಿಸಿದರು. ಇದಕ್ಕೆ ಪ್ರತ್ಯುತ್ತರ ನೀಡಿದ ಬಿಡೆನ್ ಇದು ಯಾವುದೂ ನಿಜವಲ್ಲ. ಟ್ರಂಪ್‌ ಅವರ ಕುಟುಂಬದ ಸಾಹಸಗಾಥೆಗಳ ಬಗ್ಗೆ ಮಾತನಾಡುವುದಾದರೆ ನಾವು ರಾತ್ರಿಯಿಡಿ ಮಾತನಾಡಬಹುದು ಎಂದು ಕಾಲೆಳೆದರು. ಹೀಗೆ ಕುಟುಂಬದ ಬಗ್ಗೆ ಇನ್ನಷ್ಟು ಚರ್ಚೆ ನಡೆಯಿತು.
from India & World News in Kannada | VK Polls https://ift.tt/3jh5fZG
